متفرق اشعار

[ساجد تاج]

یہ دیکھو! ابھی ہم میں دم خم ہے کتنا
جلا کر دئیے ہم ' ہوا مانگتے ہیں

 

[ساجد تاج]

نہ منزل نئی تھی نہ راستے نئے تھے
مگر ہر قدم پر بھٹکتا رہا ہوں میں

 

[ساجد تاج]

يہ اداس اداس سے بام و در، يہ اجاڑ اجاڑ سی رہگزر
چلو ہم نہيں نہ سہی مگر سر کوئے يار کوئی تو ہو

 

[ساجد تاج]

اب کیسا بھی طوفان اٹھالے دنیا
چلائے ۔ بہت شور مچالے دنیا
جو سچ ہے بہر حال کہوں گا میں تو
آنکھ اپنی چرالے تو چرالے دنیا

 

[ساجد تاج]

بس اے بہار کے سُورج! بڑھا یہ قہر کا رنگ
جلا گئی تری دُھوپ میرے شہر کا رنگ

 

[ساجد تاج]

یوں ہی تو شاخ سے پتے گرا نہیں کرتے
بچھڑ کے لوگ زیادہ جیا نہیں کرتے
جو آنے والے ہیں موسم انہیں شمار میں رکھ
جو دن گزر گئے ان کو گنا نہیں کرتے

 

[ساجد تاج]

ہــم کــو مــٹا سـکے یـــہ زمـانے میں دم نہیں۔
زمــانــہ ہــم ســے ہــے زمــانــے ســے ہم نہیں۔
بـــے فــائــدہ الــم نہــیں بــے کــار غم نہیں۔
اگر تو فیق دے خدا تو یہ نعمت بھی کم نہیں

 

[ساجد تاج]

اس تشنہ لب کی نیند نہ ٹوٹے دعا کرو
جس تشنہ لب کو نیند میں دریا دکھائی دے
اور کیسی عجیب شرط ہے دیدار کے لیے
آنکھیں‌جو بند ہوں تو جلوہ دکھائی دے

 

[ساجد تاج]

کچھ فیصلہ تو ہو کہ کدھر جانا چاہیئے
پانی کو اب تو سر سے گزر جانا چاہیئے
نشتر بدست شہر سے چارہ گری کی لو
اے زخمِ بے کسی تجھے بھر جانا چاہیئے

 

[ساجد تاج]

اپنی گلی میں مجھ کو نہ کر دفن بعدِ قتل
میرے پتے سے خلق کو کیوں تیرا گھر ملے
(غالب)