متفرق اشعار

[ساجد تاج]

ہماری آنکھوں سے خواب و خس کے تمام پشتے ہٹائے جائیں
ہمارا ناراض پانیوں سے معاہدہ ختم ہو گیا
اب اس لئے بھی ہمیں محبّت کو طول دینا پڑے گا تابش
کسی نے پوچھا تو کیا کہیں گے کہ سلسلہ ختم ہو گیا

 

[ساجد تاج]

آنکھوں میں جل رہا ہے کیوں بجھتا نہیں دھواں
اُٹھتا تو ہے گھٹا سے برستا نہیں دھواں
چولہے نہیں جلائے یا بستی ہی جل گئی
کچھ روز ہو گئے ہیں اب اُٹھتا نہیں دھواں
آنکھوں سے پَوچنے سے لگا آنچ کا پتہ
یوں چہرہ پھیر لینے سے چھپتا نہیں دھواں
آنکھوں سے آنسوؤں کے مراسم پرانے ہیں
مہمان یہ گھر میں آئیں تو چُبھتا نہیں دھواں

 

[ساجد تاج]

اس کی آنکھوں نے خدا جانے کیا کیا جادو
کہ طبیعت میری مائل کبھی ایسی تو نہ تھی

 

[ساجد تاج]

جب سے دیکھیں ہیں وہ بھیگی ہوئی اختر
ہنستے چہروں پہ بھی رونے کا گماں ہوتا ہے

 

[ساجد تاج]

نہ آنکھیں ہی برسی نہ تم ہی ملے
بہاروں میں ابکے نئے گل کھلے
نہ جانے کہاں لے گئے قافلے
مسافر بڑی دور جاکر ملے

 

[ساجد تاج]

نہ جانے ہو گیا ہوں اس قدر حساس میں کب سے
کسی سے بات کرتا ہوں تو آنکھیں بھیگ جاتی ہیں

 

[ساجد تاج]

معلوم اگر ہوتا بھاتے ہیں تجھے آنسو
تو آنکھ کے پردے میں ساون کو بٹھا لیتے

 

[ساجد تاج]

آنکھ سے آنکھ ملا بات بناتا کیوں ہے
تو اگر مجھ سے خفا ہے تو چُھپاتا کیوں ہے

 

[ساجد تاج]

یہی کہا تھا میری آنکھ دیکھ سکتی ھے
کہ مُجھ پہ ٹُوٹ پڑا سارا شہر نابینا
احمد فراز

 

[ساجد تاج]

کسی کی آنکھ سے سپنے چرا کر کچھ نہیں ملتا
منڈیروں سے چراغوں کو بجھا کر کچھ نہیں ملتا
یہ اچھا ھے کہ آپس کے بھرم نہ ٹوٹنے پایئں
کبھی بھی دوستوں کو آزما کر کچھ نہیں ملتا