متفرق اشعار

[ساجد تاج]

میں نے تو یونہی راکھ میں پھیری تھیں انگلیاں
دیکھا جو غور سے تری تصویر بن گئی
سلیم بیتاب

 

[ساجد تاج]

کوئی خوشبو بدلتی رہی پیرہن
کوئی تصویر گاتی رہی رات بھر
فیض

 

[ساجد تاج]

رہے تصویرِ حیرانی ہم ان کے رو برو برسوں
لبِ خاموش سے کی دردِ دل کی گفتگو برسوں
امیر مینائی

 

[ساجد تاج]

ایک لمحے میں کٹا ہے مدتوں کا فاصلہ
میں ابھی آیا ہوں تصویریں پرانی دیکھ کر
شہزاد احمد

 

[ساجد تاج]

چپ کے عالم میں وہ تصویر سی صورت اس کی
بولتی ہے تو بدل جاتی ہے رنگت اس کی
شہزاد احمد

 

[ساجد تاج]

میں اور آنکھ بھر کے یہ تصویر دیکھ لوں
دل کی خوشی تھی، ورنہ نظر کا زیاں تو ہے
ظفر اقبال

 

[ساجد تاج]

یہاں کوئی نہیں ہے، کس سے باتیں کیجیے
یہ مگر چپ چاپ سی تصویر آتش دان پر
شکیب جلالی

 

[ساجد تاج]

آکر گرا تھا کوئی پرندہ لہو میں تر
تصویر اپنی چھوڑ گیا ھے چٹان پر

شکیب جلالی

 

[ساجد تاج]

بڑھا رہی ہیں میرے دکھ، نشانیاں تیری
میں ترے خط، تری تصویر تک جلا دوں گا

محسن نقوی

 

[ساجد تاج]

تیرے ہی رنگ اترتے چلے جائیں مجھ سے
خود کو لکھوں، تری تصویر بنائے جاؤں
عبیداللہ علیم