متفرق اشعار

[ساجد تاج]

تھی، مگر اتنی رائگاں بھی نہ تھی
آج کچھ زندگی سے کھو بیٹھے

 

[ساجد تاج]

تیرے محیط میں کہیں گوہرِ زندگی نہیں
ڈھونڈ چکا میں موج موج، دیکھ چکا صدف صدف

کھول کے کیا بیاں کروں، سِر مقامِ مرگ و عشق
عشق ہے مرگِ با شرف، مرگ، حیاتِ بے شرف

 

[ساجد تاج]

تڑپوں گا عمر بھر دلِ مرحوم کیلیے
کم بخت، نا مراد، لڑکپن کا یار تھا

 

[ساجد تاج]

تری زندگی اسی سے، تری آبرو اسی سے
جو رہی خودی تو شاہی، نہ رہی تو روسیاہی

 

[ساجد تاج]

تو خدا ہے نہ ميرا عشق فرشتوں جيسا
دونوں انساں ہيں تو کيوں اتنے حجابوں ميں مليں

 

[ساجد تاج]

تجھے تنہا محبت کا یہ دریا پار کرنا ہے
ندامت ہو گی اُس کے حوصلوں کو آزمانے سے

 

[ساجد تاج]

تمہارے ساتھ چلنے پر جو دل راضی نہیں ہوتا
بہت پہلے ہم اپنا فیصلہ تبدیل کر لیتے

 

[ساجد تاج]

جب تیری یاد میں مصرعہ کوئی لکھنے بیٹھا
میں نے کاغذ پہ بھی چھالوں کا گلستاں دیکھا
تو نے دیکھا ہے منڈیروں پہ چراغوں کو فقط
میں نے جلتا ہوا ہر دور میں انساں دیکھا

 

[ساجد تاج]

جہاں میں جب تلک پنچھی چہکتے اُڑتے پھرتے ہیں
ہے جب تک پھول کا کھلنا محبت مر نہیں سکتی

 

[ساجد تاج]

جب تمہاری آنکھ ہو گہرے سمندر کی طرح
کیوں نہ لگتا ہو سمندر دیدہء تر کی طرح
اس لئے روشن کیا ہے تیرے چہرے کا چراغ
دوپہر تاریک ہے میرے مقدر کی طرح