متفرق اشعار

[ساجد تاج]

انشاء جی دنیا والوں میں بے ساتھی بے دوست رہے
جیسے تاروں کے جھرمٹ میں تنہا چاند، اکیلا چاند
انشاء جی یہ اور نگر ہے، اس بستی کی رِیت یہی
سب کی اپنی اپنی آنکھیں سب کا اپنا اپنا چاند

 

[ساجد تاج]

دل ميں کسی کی ياد کے نشتر اتر گئے
کتنے ستارے آنکھ سے ٹوٹے بکھر گئے
آ جائيے کہ آپ کو ترسے ہے اب نگاہ
ديکھا نہيں ہے ہم نے بہت دن گزر گئے

 

[ساجد تاج]

یوں تو مِل جاتے ہیں ہزاروں زمانے میں
لیکن ہر انسان کو انسان کا پیار نہیں ملتا

 

[ساجد تاج]

اسی کے نام سے لفظوں میں چاند اترے ہیں
وہ ایک شخص کہ دیکھوں تو آنکھ بھر آئے

 

[ساجد تاج]

یہ روشنی تھی کہ اس کا چہرہ دھیان میں تھا
ستارہ سا اک چراغ میرے مکان میں تھا

 

[ساجد تاج]

اتنا ہي کہنا ہے تم سے ممکن ہو تو آ جانا
آ ہي گئے تو رکنا ہوگا آنکھوں کے پتھرانے تک

 

[ساجد تاج]

کیا قیامت ہے کہ جن کے نام پر پسپا ہوئے
ان ہی لوگوں کو مقابل میں صف آرا دیکھنا

 

[ساجد تاج]

اس ایک خواب کی حسرت میں جل بجھیں آنکھیں
وہ ایک خواب کہ اب تک نظر نہیں آیا
افتخار عارف

 

[ساجد تاج]

اب کے بھی ہے، جمی ھوئی آنکھوں کے سامنے
خوابوں کی ایک دھند جو پچھلے برس میں تھی
امجد اسلام امجد

 

[ساجد تاج]

یہ دل میسر و موجود سے بہلتا ہے نہیں
کوئی تو ہو جو میری دسترس سے باہر ہو