متفرق اشعار

[ساجد تاج]

یہ الگ بات کہ تُم کو نہیں‌معلوم مگر
ہم تو وہ ہیں‌جو ہر اک دل میں بسے رہتے ہیں

 

[ساجد تاج]

اُردو ہے جس کا نام ہم ہی جانتے ہیں داغ
سارے جہاں میں دھوم ہماری زبان کی ہے

 

[ساجد تاج]

• اک دل کا درد ہے کہ رہا زندگی کے ساتھ
  اک دل کا چین تھا کہ سدا ڈھونڈتے رہے
  ===
• ہر جلوہ مقابل نظر آتا ہے مجھے
  ذرہ بھی تو منزل نظر آتا ہے مجھے
  فیضانِ غمِ یار کے قربان جاؤں
  ہر پھول میں اک دل نظر آتا ہے مجھے
  ===
• خدا کرے میری طرح تیرا کسی پہ آئے دل
  تو بھی جگر کو تھام کے کہتا پھرے کہ ہائے دل
  روندو نہ میری قبر کو اِس میں دبی ہیں حسرتیں
  رکھنا قدم سنبھال کے دیکھو کچل نہ جائے دل
  ===
• ظرف کی بات ہے کانٹوں کی خلش دل میں لئے
  لوگ ملتے ہیں ترو تازہ گلابوں کی طرح

 

[ساجد تاج]

یا رب وہ نہ سمجھے ہیں نہ سمجھینگے میری بات
دےاوربھی دل انکو جو نہ دے مجھکو زباں اور۔۔

 

[ساجد تاج]

بہت کہا تھا کہ دل میں رکھنا دلوں کی باتیں
بہت کہا تھا کہ سب کو ان کی خبر نہ کرنا

 

[ساجد تاج]

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں
(غالب)

 

[ساجد تاج]

اجنبی خواہشیں سینے میں دبا بھی نہ سکوں
ایسے ضدی ہیں پرندے کہ اُڑا بھی نہ سکوں
پھونک ڈالوں گا کسی روز میں دل کی دنیا
یہ تیرا خط تو نہیں ہے کہ جلا بھی نہ سکوں

 

[ساجد تاج]

بہتر تو ہے یہی کہ نہ دنیا سے دل لگے
پر کیا کریں جو کام نہ بے دل لگی چلے
(ذوق)

 

[ساجد تاج]

بیدادِ عشق سے نہیں ڈرتا مگر اسد
جس دل پہ ناز تھا مجھے وہ دل نہیں رہا

 

[ساجد تاج]

جلا ہے جسم جہاں دل بھی جل گیا ہوگا
کریدتے ہو جو اب راکھ جستجو کیا ہے؟؟؟