متفرق اشعار

[ساجد تاج]

کوئی ہم نفس نہیں ہے کوئی راز داں نہیں ہے
فقط ایک دل تھا اپنا سو وہ مہرباں نہیں ہے
مصطفٰی زیدی

 

[ساجد تاج]

غالب ::
کوئی میرے دل سے پوچھے تیرے تیرِ نیمِ کش کو
یہ خلش کہاں سے ہوتی جو جگر کے پار ہوتا
ہاں وہ نہیں خدا پرست، جاؤ وہ بےوفا سہی
جس کو ہو دین و دل عزیز اس کی گلی میں جائے کیوں

 

[ساجد تاج]

دل راکھ ہو چکا تو چمک اور بڑھ گئی
یہ تیری یاد تھی کہ عمل کیمیا کا تھا
احمد ندیم قاسمی

 

[ساجد تاج]

عالم میں کوئی دل کا طلب گار نہ پایا
اس جنس کا یاں ہم نے خریدار نہ پایا
میر تقی میر

 

[ساجد تاج]

خودی کا نشیمن ترے دل میں ہے
فلک جس طرح آنکھ کے تل میں ہے
اقبال

 

[ساجد تاج]

دلِ بینا بھی کر خدا سے طلب
آنکھ کا نور، دل کا نور نہیں
نا صبوری ہے زندگی دل کی
آہ وہ دل کہ نا صبور نہیں
اقبال

 

[ساجد تاج]

شرینئیِ لب،خشبوِ دہن،اب شوق کا عنواں‌کوئی نہیں

شادابئیِ دل،تفریحِ نظر، اب زیست کا درماں کوئی نہیں۔۔

 

[ساجد تاج]

وہ میرا رونقِ محفل کہاں ہے
مری بجلی، مرا حاصل کہاں ہے
مقام اس کا ہے دل کی خلوتوں میں
خد ا جانے مقامِ دل کہاں ہے

اقبال

 

[ساجد تاج]

دل کو تو پہلے ہی درد کی دیمک چاٹ گئی تھی
روح کو بھی اب کھاتا جائے تنہائی کا زنگ

انہی کے صدقے یا رب میری مشکل کر آسان
میرے جیسے اور بھی ہیں جو دل کے ہاتھوں تنگ

سب کچھ دے کر ہنس دی اور پھر کہنے لگی تقدیر
کبھی نہ ہوگی پوری تیرے دل کی ایک امنگ
شبنم شکیل

 

[ساجد تاج]

اک عشق کا غم آفت اور اس پہ یہ دل آفت
یا غم نہ دیا ہوتا یا دل نہ دیا ہوتا
ناکامِ تمنا دل اس سوچ میں ریتا ہے
یوں ہوتا تو کیا ہوتا یوں ہوتا تو کیا ہوتا
چراغ حسن حسرت