متفرق اشعار

[ساجد تاج]

بھولے سے مسکرا تو دیے تھے وہ آج فیض
مت پوچھ ولولے دلِ ناکردہ کار کے۔۔

 

[ساجد تاج]

لبوں کی بھیگی بھیگی سلوٹوں کومضمحل کردے
نمایاں رنگِ پیشانی پہ عکس سوزِ دل کر دے

 

[ساجد تاج]

اس کے پردوں پر منقّش تری آواز بھی ہے
خانئہ دل میں فقط تیرا سراپا ہی نہیں

 

[ساجد تاج]

تو نے سرمائے کی چھاؤں میں پنپنے کے لیے
اپنے، دل اپنی محبت کا لہو بیچا ہے
دن کی تزئینِ فسردہ کا اثاثہ لے کر
شوخ راتوں کی مسرت کا لہو بیچا ہے

 

[ساجد تاج]

کس لیے ہم دل جلائیں ، رات دن محنت کریں
کیا زمانہ ہے ، برے لوگوں کی عزّت ہے بہت

 

[ساجد تاج]

ہم سے تو بہت اور بھی مل جائیں گے تم کو
ہے بات بس اتنی سی کہ نایاب یہ دل ہے

 

[ساجد تاج]

دل کو اشکوں کی روانی سے نکالا جائے
ڈوبتے شخص کو پانی سے نکالا جائے
دو ہی کردار کہانی میں ہیں دونوں متضاد
کیوں نہ دونوں کو کہانی سے نکالا جائے

 

[ساجد تاج]

آپ اٹھ رہے ہیں کیوں میرے آزار دیکھ کر
دل ڈوبتے ہیں حالتِِ بیمار دیکھ کر ۔۔۔۔

 

[ساجد تاج]

کب ٹھہرے گا درد اے دل، کب رات بسر ہو گی
سنتے تھے وہ آئیں گے، سنتے تھے سحر ہو گی

 

[ساجد تاج]

مسکراتے پھرتے ہیں دل خوشی سے خالی ہے
اے زندگی تیری میں نے آبرو بچالی ہے