• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

انٹرویو محترمہ دعا صاحبہ

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
11۔خود کو بہادر سمجھتی ہیں؟کس چیز سے خوف زدہ ہو جاتی ہیں؟
اللہ تعالی ہی زبردست طاقت والا ہے ، اور جب اللہ ہمت دے دے تو بہادری ہے، ورنہ انسان کمزور ہے۔ موت کی سختی اور قبر کا حساب بہت خوف ذدہ کر دیتا ہے۔جب فتنوں کی کثرت دیکھتی ہو ں تو اس سوچ سے بھی خوف ذدہ ہو جاتی ہوں کہ اگر اللہ تعالی ہم پر گرفت کر لے تو ہمارا کیا ہو گا۔
اور بعض اوقات معمولی آہٹ سے بھی ڈر جاتی ہوں۔۔۔ابتسامہ
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
12۔کسی کے ساتھ پہلی مُلاقات میں آپ سامنے والے میں کیا ملاحظہ کرتی ہیں ؟
کہ دین کتنا ہے اور"دنیا"کتنی ہے، اور اس کا اخلاق اور رجحانات!
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
13۔ایمان میں کمزوری محسوس ہو تو ایمانی درجے کو برقرار رکھنے کے لیے کیا اعمال اپناتی ہیں؟
یہ بڑی مشکل صورت لگتی ہے۔اور ایمان میں کمزوری یا کمی کا احساس ہو جانا بہہت بڑی نعمت ہے ۔
ایسے حالات میں دعا کا خصوصا اہتمام کرتی ہوں۔یا مقلب القلوب ! ثبت قلبی علی دینک اور رضیت باللہ ربا ، و بالاسلام دینا و بمحمد نبیا پڑھتی ہوں۔ اللہ تعالی میرے لیے آسانی پیدا کر تا ہے ، اس کے علاوہ کوشش کرتی ہوں کہ فرائض نہ چھوٹیں ۔
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
14۔محدث فورم سے کیسے متعارف ہوئیں؟ پہلا دن کیسا تھا ؟؟ آغاز میں کیسی مشکلات سامنے آئیں؟ کوئی دلچسپ واقعہ؟محدث فارم نے اخلاقی،علمی و دینی تربیت میں کیا کردار ادا کیا؟
کتب کے سلسلے محدث لائبریری دیکھی۔بہت پسند آئی تھی ،پھر دیکھا کہ ایک اسلامی وعلمی فورم بھی ہے ، لیکن مردوں کی کثرت کے بنا پر رجسٹر نہیں ہوئی اور عموما پوسٹس اور مسائل ایسے ہی پڑھ لیا کرتی تھی ، چونکہ میرا موضوع حالات حاضرہ سے قریب تھا ، اس لیے جدید موضوعات پر دین اسلام کے نظریات بہت بہت اچھے لگتے تھے ، مگر بعض سوال ذہن میں رہ جاتے تھے ، کوئی دو ماہ بعد فورم پر علم کی خاطر رجسٹرڈ ہوئی۔آغاز میں غلطیاں بھی کی ، اور سیکھا بہت تو اصلاح بھی کی۔اللہ تعالی سے عافیت مانگتی ہوں۔
مبالغہ آرائی کے بغیر لکھ رہی ہوں کہ محدث فورم نے علمی اور دینی تربیت میں بہت زیادہ کردار ادا کیا ہے ، میں اس سے قبل اپنے اسلاف کے بارے میں اتنا نہیں جانتی تھی ، جتنا مجھے یہاں سے جاننے کا موقعہ ملا ۔علماء محدثین کی خدمات اور دین کی خاطر انتھک محنت اور لگن دیکھی۔میں نے فتنوں اور گناہوں کی اکثریت میں دین اسلام کی خاطر جمع ہونے والے لوگ یہیں دیکھے ، اور " لگن اور جذبہ" بہت دیکھا۔کتابوں سے مزید محبت ہوئی، ساری زندگی جو خواب اور خواہشیں دھندلی رہیں انھیں واضح کرنے کی امید ملی ، اس پلیٹ فارم نے مجھے مقصد حیات سے بہت قریب رکھا ۔بلاشبہ حق کی تلاش کرنے والوں کو اللہ تعالی راستہ دکھاتا ہے اور یہ ان راستوں میں معاون جیسا ہے۔
محدث فورم کے آغاز سے اب تک جتنے لوگ بھی اس کار خیر میں شامل رہے ، میری ان سب کے لیے اجر و ثواب کی دعائیں ہیں۔
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
15محدث فورم کے وہ کون سے رکن ہیں ، جن کی تحاریر سے آپ متاثر ہوئیں اور آپ کو ان رکن سے دینی فائدہ حاصل ہوا؟ ارکان خواتین میں سے کسی بہن کا بھی تذکرہ کیجئے۔
بہت سے اراکین ہیں ، جن کی تحریر کمال کی تاثیر رکھتی ہیں ۔۔۔ چونکہ لکھنے والے کی نسبت قاری پر تحریری انداز مؤثر ثابت ہوتا ہے،لہذا میں "وجہ پسندیدگی" بھی مختصرا تحریر کروں گی ۔
شیخ@کفایت اللہ ، @ابوالحسن علوی کی تحاریر سے بہت متاثر ہوں ۔مجلس شوریٰ کے اہم رکن @طالب نور بھائی ، ان کی تمام تحاریر بہت اعلی ہیں ، آج بھی ان کی پچھلی تحاریر ڈھونڈ کر پڑھتی ہوں۔اللہ تعالی ان بھائی کے لیے آسانی پیدا کر دے کہ یہ فورم پر دوبارہ مستقل ہو جائیں۔آمین
@انس بھائی ، مختصرا مگر جامع لکھتے ہیں۔
@عبدہ بھائی کا انداز بیان اور اسلوب بہت ہی اچھا اور زبردست ہے، ان کے دعوۃ و تبلیغ سے بے حد متاثر ہوں۔
@شاہد نذیر بھائی انتہائی دلیرانہ اور ببانگ دہل لکھتے ہیں ، ہم میں ایسے جرات مند افراد کی بھی بے حد ضرورت ہے۔اس لیے ان کی تحاریر بھی خوب تر ہیں۔
@محمد علی جواد ، @اسحاق سلفی بھائی ، بیشتر مسائل پر گہرا دینی وعلمی مواد اور مطالعہ رکھتے ہیں،ان کی تحاریر علم میں اضافہ کا باعث ہیں۔ا ن سے استفادہ جاری رہتا ہے۔
میں یہاں بالخصوص @محمد آصف مغل بھائی کا تذکرہ بھی کروں گی ، جو موجودہ مسائل میں پوشیدہ پہلوؤں کی نشاندہی کے ساتھ ان پر درست حل بھی بیان کرتے ہیں۔یہ صلاحیت کم ہی لوگوں میں دیکھی۔
ان کے علاوہ @ابو عکاشہ بھائی، احادیث کے فہم و غور وفکر پر ان کی تحاریر بے حد استفادہ کا باعث رہتی ہیں۔
@خضر حیات بھائی ، معتدل موقف اور تدبر رکھتے ہیں۔ @محمد فیض الابرار بھائی بھی بہت اچھا لکھتے ہیں۔
ایک بات کہ مجھے دین کا علم سیکھنے کا بہت شوق ہے ، مذکورہ اراکین سے معذرت کہ شاید انھیں زحمت دیتی رہتی ہوں۔۔۔!:)
اور ایسے تمام اراکین جو دینی و علمی تحاریر اصلاح اور غور و فکر کے لیے پیش کرتے ہیں ، ان کا کردار بھی اہمیت سے خالی نہیں ہے۔
۔۔۔اللہ تعالی سے دعا ہے کہ اللہ تعالی ا ن تمام معزز اراکین کو خیریت و عافیت سے رکھے کہ ہم ان سے استفادہ کرتے رہیں۔آمین!
تمام بہنیں اچھا لکھتی ہیں ، لیکن "کم"لکھتی ہیں۔خواتین کے مسائل پر تو"مہمانہ"اقدام کرنے چاہیئے تاکہ گھروں کی اصلاح ہو، لیکن اس کے لیے اراکین خواتین میں اضافہ ہونا ضروری ہے۔
 
Last edited:

شاہد نذیر

سینئر رکن
شمولیت
فروری 17، 2011
پیغامات
1,969
ری ایکشن اسکور
6,263
پوائنٹ
412
میں نے اپنا پہلا آرٹیکل سولہ سال کی عمر میں لکھا میں تھا۔یہ ڈاکٹر عبد القدیر خان کی خدمات اور قوم کی تہذیب و تمدن کے متعلق بیداری پر مبنی تھا۔سعودی عرب سے اردو دان طبقہ کے لیے ایک ہی اخبار شائع ہوتا ہے، اگرچہ یہ قطر ، بحرین ، دبئی ، پاکستان ، لندن اور دوسرے عرب ممالک میں بھی دستیاب ہے۔میں نے زیادہ تر اسی اخبار میں لکھا ہے۔ سیویکس، پولیٹیکل سائنس تب فیوریٹ سبجیکٹ رہے ، اور والد صاحب بھی رہنمائی کر دیتے تھے۔سیاسی موضوعات پر زیادہ قلم آزمایا ۔ پاک بھارت تعلقات اور کشیدگی پر بھی لکھا ، جس میں ایک حصہ کلعدم تنظیموں کے احوال سے متعلق بھی تھا۔اس کے بعد نسلی فسادات ، دہشت گردی ، ڈاکٹر عافیہ صدیقی اور عدالتوں کے از خود نوٹسز اور انصاف وغیرہ پر آرٹیکلز لکھے ۔والد صاحب کی وفات کے بعد زندگی کا رخ ہی بدل گیا۔سیاست پھر کبھی اچھی نہیں لگی ، بلکہ یہ جھوٹی باتیں ، طعنہ بازی اور الزامات زیادہ ہیں۔صحافت کو اصلاحی اور اخلاقی بنیادوں پر استوار ہونا چاہیئے ہے ،نہ کہ سیاست دانوں کے قول و فعل کی ترسیل کا ذریعہ۔جیسا کہ بعض صحافی حضرات کر بھی رہے ہیں۔بحیثیت مسلمان مذہب نے ہماری بنیادیں مقرر کر دی ہیں ، اس میں احکام کے ساتھ حدود بھی ہیں۔اس حوالے سے کچھ سالوں سے میرا تحریری ویژن" مسلمانوں کے حالات حاضرہ کے مسائل ، کشمکش "، اور سب سے اہم ان کا دین اسلام سے" حل" ہے۔اس پر مجھے امام مالک رحمہ اللہ کی ایک بات بہت پسند ہے، وہ فرماتے تھے کہ "اس امت کے آخری دور کی اصلاح بھی اسی طرح ممکن ہے ، جس طرح اس امت کے اول حصے ( صحابہ) کی ہوئی تھی"۔
اس مقصد کے حوالے سے آغاز میں ، میں نے کفار کی مشابہت اور مسلمانوں کا طرز فکر پر ایک مضمون پاکستان کے جریدے میں لکھا ، جو کہ علماء کرام کی کمیٹی سے سیلیکٹ ہوا اور شائع کیا گیا۔محدث میگزین میں بھی لکھا ہے۔ فی الحال کچھ مضامین ابھی "زیر تحریر" ہیں۔ جن میں جدت پسندوں کی تھیوریز اور اسلامی نقطہ فکر، اور جدید بدعات پر جائزہ تکمیل کے مراحل میں ہیں۔
السلام علیکم ورحمۃ اللہ وبرکاتہ!
ماشاء اللہ آپ اتنی باصلاحیت اور علم والی شخصیت ہیں ہمیں تو انداز ہی نہیں تھا۔ آپ کے بارے میں معلومات حاصل ہونے پر مجھے اراکین کے انٹرویوز کے افادیت کا صحیح اندازہ ہوا ہے۔ محدث میگزین میں آپ کا کون سا مضمون شائع ہوا تھا؟ اگر ممکن ہوتو آن لائن لنک عنایت فرمائیں اس کے علاوہ دیگر شائع شدہ مضامین پر شئیر کیجئے۔جزاک اللہ
 
  • پسند
Reactions: Dua

محمد علی جواد

سینئر رکن
شمولیت
جولائی 18، 2012
پیغامات
1,986
ری ایکشن اسکور
1,551
پوائنٹ
304
@محمد علی جواد ، @اسحاق سلفی بھائی ، بیشتر مسائل پر گہرا دینی وعلمی مواد اور مطالعہ رکھتے ہیں،ان کی تحاریر علم میں اضافہ کا باعث ہیں۔ا ن سے استفادہ جاری رہتا ہے۔
السلام و علیکم و رحمت الله -

محترمہ دعا صاحبہ - آپ کی عزت افزائی کا بہت شکریہ - لیکن میں اپنے آپ کی اس تعریف کے قابل نہیں سمجھتا - میں تو اس فورم پر خود طالب علم ہوں اور نظریاتی اختلاف سے قطعہ نظر مجھے خود یہاں آپ لوگوں جیسے سینئر ارکان سے سیکھنے کا موقع مل رہا ہے- اللہ آپ کو مزید علم کی دولت سے نوازے (آمین)-
 

سجاد

رکن
شمولیت
جولائی 04، 2014
پیغامات
160
ری ایکشن اسکور
71
پوائنٹ
76
ماشاءاللہ، اتنی چھوٹی عمر میں اتنا زیادہ علم حاصل کر چکیں اور اتنی زیادہ دینی خدمات سرانجام دے چکیں،،،،،بہنا، اللہ قبول کرے
مجھے بے حد خوشی ھو رھی ھے کہ خواتین میں اسلام کی تڑپ رکھنے والی آپ جیسی بہنیں آج بھی موجود ھیں، اور یہ بات ھمارے لیئے قابل فخر ھے،

میری دعا ھے کہ اللہ آپ کو آپکی صلاحیتوں سے بھی بڑھ بہترین باعمل متقی خاوند کا ساتھ نصیب فرمائے،،،،،، جو کہ آپکی صلاحیتوں کو مزید پروان چڑھانے میں ممد و معاون ثابت ھوں
اللہ آپکے ابو کو اعلی جنتوں میں اعلی مقام عطا فرمائے
اور آپکی والدہ کو صحت تندرستی عطا فرمائے

اور
آخر میں اس پوسٹ پر آنے سب بھائیوں کو اللہ سبحانہ و تعالٰی آپ جیسی صلاحیتوں کی حامل بیویاں نصیب فرمائے،

اللہ ھمیں حلال تعلقات اور شیطانی شرور سے پاک محبت عطا فرمائے ایسی محبت کہ جو خالصتاً حُبِ الہی کے لیئے ھو۔
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
السلام علیکم ورحمۃ اللہ وبرکاتہ!
ماشاء اللہ آپ اتنی باصلاحیت اور علم والی شخصیت ہیں ہمیں تو انداز ہی نہیں تھا۔ آپ کے بارے میں معلومات حاصل ہونے پر مجھے اراکین کے انٹرویوز کے افادیت کا صحیح اندازہ ہوا ہے۔ محدث میگزین میں آپ کا کون سا مضمون شائع ہوا تھا؟ اگر ممکن ہوتو آن لائن لنک عنایت فرمائیں اس کے علاوہ دیگر شائع شدہ مضامین پر شئیر کیجئے۔جزاک اللہ
وعلیکم السلام ورحمتہ اللہ !
جزاک اللہ خیرا ۔۔۔محترم بھائی آپ کو لنک فراہم کر رہی ہوں۔
السلام و علیکم و رحمت الله -

محترمہ دعا صاحبہ - آپ کی عزت افزائی کا بہت شکریہ - لیکن میں اپنے آپ کی اس تعریف کے قابل نہیں سمجھتا - میں تو اس فورم پر خود طالب علم ہوں اور نظریاتی اختلاف سے قطعہ نظر مجھے خود یہاں آپ لوگوں جیسے سینئر ارکان سے سیکھنے کا موقع مل رہا ہے- اللہ آپ کو مزید علم کی دولت سے نوازے (آمین)-
آمین۔۔۔جزاک اللہ خیرا کثیرا۔۔۔۔

ماشاءاللہ، اتنی چھوٹی عمر میں اتنا زیادہ علم حاصل کر چکیں اور اتنی زیادہ دینی خدمات سرانجام دے چکیں،،،،،بہنا، اللہ قبول کرے
مجھے بے حد خوشی ھو رھی ھے کہ خواتین میں اسلام کی تڑپ رکھنے والی آپ جیسی بہنیں آج بھی موجود ھیں، اور یہ بات ھمارے لیئے قابل فخر ھے،

میری دعا ھے کہ اللہ آپ کو آپکی صلاحیتوں سے بھی بڑھ بہترین باعمل متقی خاوند کا ساتھ نصیب فرمائے،،،،،، جو کہ آپکی صلاحیتوں کو مزید پروان چڑھانے میں ممد و معاون ثابت ھوں
اللہ آپکے ابو کو اعلی جنتوں میں اعلی مقام عطا فرمائے
اور آپکی والدہ کو صحت تندرستی عطا فرمائے

اور
آخر میں اس پوسٹ پر آنے سب بھائیوں کو اللہ سبحانہ و تعالٰی آپ جیسی صلاحیتوں کی حامل بیویاں نصیب فرمائے،

اللہ ھمیں حلال تعلقات اور شیطانی شرور سے پاک محبت عطا فرمائے ایسی محبت کہ جو خالصتاً حُبِ الہی کے لیئے ھو۔
جزاک اللہ خیرا واحسن الجزاء فی الدارین
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
16۔ہدایت اللہ کی طرف سے آتی ہے، مگر اللہ تعالی ایسے اسباب بنا دیتے ہیں ، جو ہدایت کا باعث بن جاتے ہیں ، آپ کی زندگی میں ان اسباب کا کیا کردار رہا؟؟
سکون کی تلاش ، دنیا کی بے ثباتی اور بے رغبتی !!!
مجھ سمیت دنیا کے ہر انسان کی زندگی میں اللہ تعالی کے بنائے گئے اسباب اسے "فطرت" کی طرف کھینچتے ہیں ، زندگی بھی سب کو موقعہ دیتی ہے کہ انسان اپنے اصل کی طرف پلٹ جائے۔یہ ہم ہی ہیں جو بعض اوقات غفلت میں رہتے ہیں اور بعض دفعہ نظریں چراتے ہیں۔ پیدائشی اہل حدیث ہوں ، اور پھر از خود ٹین ایج سے ہی مقصد اور حقیقت سے آشنائی ہو چکی تھی ، اللہ تعالی نے سبب بنائے ، آزمایا بھی ، غلطیاں کی ، اور ازالہ بھی کیا۔لیکن پھر بھی کہوں گی کہ ہدایت اللہ تعالی کا بہت بڑا کرم ہے۔ومن یرد اللہ بہ خیرا یفقھہ فی الدین!
 
Top