انٹرویو محترمہ ماریہ انعام صاحبہ ٭

[ماریہ انعام]

7۔انٹرنیٹ کی دنیا سے کب متعارف ہوئیں ؟ اور اس پر دینی کام کرنے کا رجحان کیسے پیدا ہوا ؟​

کمپیوٹر سے بہت جلدی متعارف ہو گئی تھی ۔۔۔ابو انجینیر ہیں اس لیے کافی عرصہ پہلے یہ گھر میں داخل ہو چکا تھا۔۔شروع میں 286تھا ۔۔486 لینا ایک خواب لگا کرتا تھا۔۔اور کلرڈ کمپیوٹر میں تو ایسی اٹریکشن لگا کرتی کہ ہر اتوار ابو سے ضد کر کے ان کے آفس جاتے اور اس پر گیمز کھیلتے۔۔پھر بار بار ڈوس کا اڑ جانا اور بھائیوں کی منتیں کر کے دوبارہ بھروانا۔۔سب یاد ہے۔۔۔ہاں البتہ انٹر نیٹ سے شناسائی ذرا دیر سے ہوئی۔۔شادی سے پہلے گھر کا ماحول سخت تھا اس لیے اس بلا کا بالکل علم نہ تھا بعد میں پڑھائی اور اوپر تلے بچے۔۔۔کچھ ہوش نہ رہی۔۔۔چھوٹا بچہ تھوڑا سا بڑا ہوا تو اس طلسم کدہ میں قدم رکھا
شروع میں یہ داخلہ فیس بک اکاؤنٹ یا سکائپ پر بات کر لینے تک محدود رہا۔۔ہاں کبھی کبھی انٹر نیٹ پر کچھ اچھی ویڈیوز دیکھ لیتی تھی۔۔۔شوہر صاحب کی شدید خوہش تھی کہ ان کا فورم جوائن کروں۔۔چنانچہ ان کی خواہش کے احترام میں ادھر بھی اپنا اکاؤنٹ بنا لیا اور کبھی کبھی ادھر بھی چکر لگانے لگی۔۔۔آہستہ آہستہ یہ آنا جانا دل کو بھایا اور پھر مستقل ادھر کی ہو کر رہ گئی

 

[ماریہ انعام]

[

8۔ ایسا کون سا کام ہےجس کو سرانجام دیکر آپ کو قلبی مسرت ہوتی ہے؟
​

​

صبح بچوں کو سکول بھیجنے کے بعد ایک دو کلاسز لیتی ہوں۔۔۔ان کو لینے سے حقیقتا قلبی مسرت محسوس ہوتی ہے ۔۔۔نماز میں دل لگے تو وہ نماز بہت مزہ دیتی ہے۔۔ایک اچھی سی دعا دل کو جو تسکین دیتی ہے وہ بیان سے باہر ہے

 

[ماریہ انعام]

9۔فرصت اور پریشان کن لمحات کن امور پر صرف کرتی ہیں؟ آپ کے روز مرہ کے مشاغل کیا ہیں؟​

مجھے کپڑے سینے کا بہت شوق ہے ۔۔۔یوں کہہ لیجیے کہ یہ میری ہابی ہے۔۔۔اس لیے فرصت کے لمحات جو اگرچہ بہت کم میسر آتے ہیں کپڑے سینے میں یا فورم پر گذر جاتا ہے
اگر اللہ تعالی توفیق دے دیں توپریشان کن لمحات میں کوشش کرتی ہوں نماز کی طرف متوجہ ہوں۔۔ ۔اگر دل مائل نہ ہو تو زبانی ذکر اذکار یا دعا میں دل لگانے کی کوشش کرتی ہوں
روز مرہ کے مشاغل کچھ یوں ہیں کہ صبح نماز وغیرہ سے فارغ ہونے کے بعدبچوں کو اٹھاتی ہوں۔۔انھیں تیار کر کے سکول بھیجتی ہوں۔۔ساتھ ساتھ میاں صاحب کو ناشتہ دیتی ہوں۔۔۔ان کاموں سے فارغ ہو کر آٹھ بجے تک کلاس لینے چلی جاتی ہوں ۔۔۔صفائی کے لیے ایک عورت آتی ہے چھوٹا بیٹا اس کے حوالے کر جاتی ہوں۔۔واپسی تک گھرکی صفائی ہو چکی ہوتی ہے ۔۔اپنا اور چھوٹے بیٹا کا ناشتہ بنا کر کرتی اور کرواتی ہوں۔۔۔اب ایک دو گھنٹے میرے اپنے ہیں۔۔اس دوران یا تو سلائی کرتی ہوں یا پھر فورم۔۔۔بارہ بجتے ہی پیروں میں پھر پہیے لگ جاتے ہیں ۔۔اب بچے گھر آنے والے ہیں ان کے لیے کھانا بنانا ہے۔۔۔پھر جب بچے آجاتے ہیں تو ان کو کھانا کھلانے ‘ اور پڑھانے میں باقی دن کیسے گذرتا ہے پتہ ہی نہیں چلتا۔۔۔
رات کو کوشش کرتی ہوں پچوں کو جلدی سلا کر خود بھی جلدی سو جاؤں

 

[ماریہ انعام]

10آپ کی زندگی کا مقصد کیا ہے؟​

فی الحال تو زندگی کا مقصد یہ ہے کہ کہ بچوں کی اچھی تربیت کر سکوں ۔۔۔انھیں ایک کارآمد مسلمان بنا سکوں

 

[ماریہ انعام]

11۔وہ کون سی ایسی خواہش یا خواب ہے جو اب تک پورا نہ ہو سکا؟​

شوہر محترم کو اللہ تعالی نے آٹھ بار حج بیت اللہ کی سعادت عطا فرمائی۔۔۔اگرچہ عمرہ کیا ہے لیکن خواہش ہے کہ یہ توفیق مجھے بھی نصیب ہو جائے

 

[ماریہ انعام]

12۔کس چیز سے خوف زدہ ہو جاتی ہیں؟
​

​

موت اور موت کے بعد پیش آنے والے حالات سے بے حد ڈر لگتا ہے ۔۔اتنا کہ اس وجہ سے بعض اوقات راتوں کی نیند اڑ جاتی ہے
اس بات سے بھی بہت زیادہ خوف محسوس ہوتا ہے کہ جب قیامت کے قریب فتنوں کی بہتات ہو گی تو ہماری نسلیں کس کے جھنڈے تلے ہوں گی

​

 

[ماریہ انعام]

13۔مستقبل میں ایسا کیا کرنا چاہتی ہیں ، جو ابھی تک نہیں کیا؟ ​

گھر داری اور بچوں کی مصروفیات کی بناء پر مشن کو زیادہ ٹائم نہیں دے پاتی۔۔۔مدرسے میں پڑھے اسباق ذہن میں گردش کرتے ہیں ۔۔۔دل چاہتا ہے کہ اللہ اتنی فراغت ضرور نصیب کرے کہ کہ جو کچھ پڑھا ہے اسے آگے پہنچا دوں

 

[ماریہ انعام]

14۔ کسی کے ساتھ پہلی مُلاقات میں آپ سامنے والے میں کیا ملاحظہ کرتی ہیں ؟
​

​

پہلی ملاقات میں ظاہری حلیہ ہی سامنے ہوتا ہے تو وہی ملاحظہ کرتی ہوں۔۔۔۔عادات ‘ اطوار‘شخصیت اور کردار تو رفتہ رفتہ ہی سامنے آتے ہیں۔۔۔یہ اور بات ہے کہ میں ظاہری حلیے سے ہی بڑی آسانی سے متاثر ہو جاتی ہوں

 

[محمد زاہد بن فیض]

۔
اگر اللہ تعالی توفیق دے دیں توپریشان کن لمحات میں کوشش کرتی ہوں نماز کی طرف متوجہ ہوں۔

ماشاء اللہ۔بہت زبردست اصلاحی پوائنٹ۔جزاک اللہ خیرا بہن۔ماشاء اللہ بہت اچھا انٹر ویو جاری ہے۔تھوڑا سا اس پر یہ کہنا چاہوں گا۔کہ انسان یہ سب کچھ جاننے کے باوجود کے سوفیصد یہ بات سچ ہے کہ جب بھی انسان پریشان ہو یا تکلیف میں ہو تو اس کا اس سے بہتر حل اور کچھ بھی نہیں کہ ۔اللہ کی طرف رجوع کیا جائے۔اور نماز تو ویسے بھی انسان کو سب سے زیادہ اللہ کے قریب کرنے والی چیز ہے۔اور پریشانی دور کرنے والی چیز ہے۔لیکن یہ سب کچھ جاننے کے باوجود بھی شیطان ہم پر غالب ہوجاتا ہے۔اور تکلیف اور پریشانیوں میں ہم اللہ کو بھلا کر اس ظالم کے ہتھے چڑھ جاتے ہیں اور مختلف طریقوں سے ہم ناشکری کرنےلگ جاتے ہیں۔اللہ ہمیں اس بات پر غور وفکر کرنے اور اس پر عمل کرنے کی توفیق عطافرمائے۔اللہ آپ پر اور آپ کی فیملی پر اپنا خصوصی فضل وکرم فرمائے۔آمین
رَّ‌بِّ أَعُوذُ بِكَ مِنْ هَمَزَاتِ الشَّيَاطِينِ ﴿٩٧﴾ وَأَعُوذُ بِكَ رَ‌بِّ أَن يَحْضُرُ‌ونِ

 

[ماریہ انعام]

15. اِس پُرفتن دور میں دُنیا کے مجموعی حالات کو دیکھ کر آپ کیا سوچتی ہیں؟
​

​

دنیا کے مجموعی حالات کو دیکھ کر ایک سوچ ذہن میں آتی ہے کہ مسلمانوں کی اس تنزلی کی وجہ ہم خود ہیں۔۔۔اور پھر جب کبھی دعا کو ہاتھ اٹھاؤں تو قنوت نازلہ یا مسلمانوں کی اجتماعی دعا مانگتے مانگتے رک سی جاتی ہوں کہ بے عملی کی انتہاء ہے اور دعاؤں میں بدر و احد سی مدد اترنے کی خواہش۔۔۔۔بے شک اللہ ہر چیز پر قادر ہے لیکن میدان میں تو ہمیں کو اترنا ہے ۔۔ہمارا تو وہ بنی اسرائیل کا سا حال ہے۔۔۔
فاذھب انت وربک فقاتلا انا ھھنا قاعدون