انٹرویو محترم رضا میاں صاحب

[رضا میاں]

18۔ کسی کے ساتھ پہلی مُلاقات میں آپ سامنے والے میں کیا ملاحظہ کرتے ہیں ؟

سامنے والے کا رویہ اور انداز۔
میں نے جب سے کالج میں Communication Skills کی کلاس لی ہے تب سے میں یہ بھی دیکھتا ہوں کہ سامنے والے میں Body Language کی کتنی سمجھ ہے۔ مثلا آنکھوں میں دیکھنا، مسکرانا، ہاتھ ملانا، نرمی سے بات کرنا وغیرہ۔

19۔ اِس پُرفتن دور میں دُنیا کے مجموعی حالات کو دیکھ کر آپ کیا سوچتے ہیں؟

یہ فتنے دیکھ کر ایک ہی بات ذہن میں آتی ہے کہ قیامت بہت قریب ہے۔ غالبا ہم آخری دور میں پیدا ہونے والے لوگ ہیں!

 

[رضا میاں]

19۔محدث فورم کا تعارف کیسے حاصل ہوا ؟؟ فورم پر پہلا دن کا احوال اور آغاز میں کیسی مشکلات سامنے آئیں؟

سب سے پہلے یہ 19 نمبر کے بعد دوبارہ 19 کیسے آ گیا؟؟
میرا ایک سوال آپ نے بڑھا دیا ہے! اس کی رپورٹ کرنی پڑے گی۔
تعارف تو محدث لائبریری کے زریعے ہی ہوا تھا۔ میں کسی کتاب کی سرچ کر رہا تھا تو محدث لائبریری کا لنک مل گیا اور یہاں آکر اتنی ساری کتابیں دیکھ کر تو میں خوشی سے اچھلنے لگا۔
کافی دیر بعد دیکھا کہ اس ویب سائٹ کے اوپر ایک فورم کا لنک بھی ہے تو سوچا یہاں کلک کر کے دیکھتے ہیں تو وہ لنک مجھے یہاں لے آیا۔ اور میں نے رجسٹر کر دیا۔ مشکلات تو کوئی نہیں ہوئی۔ اگر تھی بھی تو ابھی یاد نہیں آ رہی۔

 

[رضا میاں]

20۔محدث فورم کے وہ کون سے رکن ہیں ، جن کی تحاریر سے آپ متاثر ہوئے اور آپ کو ان رکن سے دینی فائدہ حاصل ہوا؟

شروع شروع میں:
شیخ @ابو الحسن علوی سے بہت فائدہ اٹھایا۔
اس کے بعد شیخ @کفایت اللہ مل گئے۔ اور ان سے ابھی تک استفادہ جاری ہے۔
ان کے علاوہ درج ذیل اراکین سے بھی فائدہ اٹھایا:
@خضر حیات @شاکر @انس @جمشید @رفیق طاھر (اللہ ان کی حفاظت فرمائے)، @ابن بشیر الحسینوی @شاہد نذیر وغیرہ۔

 

[رضا میاں]

21۔ہدایت اللہ کی طرف سے آتی ہے، مگر اللہ تعالی ایسے اسباب بنا دیتے ہیں ، جو ہدایت کا باعث بن جاتے ہیں ، آپ کی زندگی میں ان اسباب کا کیا کردار رہا؟؟

اس کا جواب سوال نمبر 2 کے اندر ہی آ گیا ہے۔

22۔زندگی کے اتنے ادوار گزار لینے کا بعد زندگی سے کیا سیکھا؟؟

کسی پر بھروسہ نہ کرو۔ اور کسی کے کہنے پر مت بیٹھے رہو بلکہ اپنی طرف سے بھی ضرور کچھ کرو۔

23۔دین اسلام کی ترقی و بلندی کے لیے ، مسلمانوں میں کس چیز کی ضرورت محسوس کرتے ہیں؟؟

دین کی ترقی کے لئے دین کی سمجھ بہت ضروری ہے اور دین کی سمجھ کے لئے قرآن وحدیث کی سمجھ بہت ضروری ہے۔
اور دین کی سمجھ کے لئے سلف الصالحین کا دامن نہ چھوڑنا بھی بہت ضروری ہے کیونکہ یہاں پر اپنی سمجھ لڑانے والے میں نے بہت دیکھے ہیں اور اپنی سمجھوں سے وہ جن جن نتیجوں پر پہنچے ہیں وہ بھی دیکھے ہیں اور انہیں دیکھنے کے بعد ایک ہی بات زبان سے نکلتی ہے، لا حول ولا قوۃ الا باللہ۔
اور دوسری طرف میں نے ایسے سلفی بھی دیکھے ہیں جو مقلدین سے بھی بدتر مقلد ہیں!
اس لئے درمیان کی راہ ہی بہتر ہے۔

24۔نوجوان طبقے کے لیے وہ چند ضروری باتیں کون سی ہوں گی ، جن سے وہ راہ راست اختیار کر سکیں؟؟

سب سے پہلے اپنا ایمان مضموط کریں۔ ایمان مضبوط کرنے کے لئے قرآن و حدیث کا مطالعہ کریں۔تمام شبہات کا ازالہ کریں۔ اور جب سو فیصد یقین ہو جائے کہ ذرہ برابر بھی شک نہ رہے تو اپنے آپ ہی دل اپنے رب کی طرف راغب ہو گا۔ اس لئے نوجوانوں میں اسلام کے متعلق تمام شبہات وغلط فہمیوں کا ازالہ کر دیا جائے تو وہ راہ راست پر آ جائیں گے ان شاء اللہ۔

 

[رضا میاں]

25۔دین اسلام کے بیش بہا موضوعات میں سے وہ کون سا ایسا موضوع ہے ، جس کی محفل آپ کو بہت بھاتی ہے؟؟

حدیث وعلومہ۔

26۔ہر انسان زندگی کے کسی نہ کسی شعبہ میں مہارت اور قابلیت رکھتا ہے ، اس حوالے سے اپنی صلاحیتوں کی تلاش کیسے ہوئی ؟ نیز اس مہارت اور قابلیت کا تذکرہ بھی کیجیئے۔

اس سوال کا جواب مجھے نہیں پتہ۔

27۔دین اسلام پر عمل کرتے ہوئے معاشرے کی کن مشکلات کا سامنا کرنا پڑا؟ اور ان رکاوٹوں کا سدباب کس طرح کیا؟

رکاوٹ تو کوئی ذہن میں نہیں آ رہی۔ جب آئے گی تو بتا دوں گا۔

 

[رضا میاں]

28۔دین کے معاملے پر کس شخصیت پر رشک آتا ہے؟

صحابہ کرام پر۔
تابعین پر۔
تبع تابعین پر۔
امام بخاری پر۔
امام شعبہ بن الحجاج پر۔
امام احمد بن حنبل پر۔
امام ابن تیمیہ وذہبی پر۔
امام البانی پر۔

 

[رضا میاں]

29۔امور خانہ داری میں کیا کردار ادا کرتے ہیں؟

بہت کام کرتا ہوں۔ مثلا: اپنا ناشتہ خود بنا لیتا ہوں۔
برتن وغیرہ دھو لیتا ہوں۔
بازار سے سبزیاں وغیرہ لے آتا ہوں۔
اپنے گھر والوں کا ڈرائیور بن جاتا ہوں۔
باقی کام ذہن میں نہیں آرہے۔

 

[رضا میاں]

30۔کھانے میں کیا پسند کرتے ہیں؟؟اور اگر خود کھانا بنانا پڑے تو؟؟؟

کھانے میں بریانی یا پلاؤ اچھا لگتا ہے، سری پائے اور نہاری وغیرہ۔
ہمارے گھر کے پاس ایک شامنگ مال ہے وہاں پر ایک افغانی ہوٹل ہے جب سے ان کا کھانا کھایا تب سے وہ میری اس لسٹ میں ٹاپ پر ہے۔
اگر خود بنانا پڑے تو انڈا، چائے، اور دوسروں کا سر پکا لیتا ہوں۔

 

[رضا میاں]

31۔ کیا آپ کا تعلق دین دار گھرانے سے ہے ؟آپ کے دینی مشاغل پر خاندان و احباب کا کیا ردعمل ہوتا ہے؟

دین دار نہیں بہت ماڈرن گھرانے سے ہے۔ عبادات تو بہت کرتے ہیں لیکن ساتھ میں دنیاوی مشاغل بھی بہت ہیں۔
میرے دینی مشاغل پر تو سب بہت خوش ہیں۔ ہاں ابا کو لگتا ہے کہ میں وہابی ہو گیا ہوں۔ اسی لئے جب بھی کسی مسئلہ پر بحث ہوتی ہے تو مجھے "تم لوگ" کہہ کر بات کرتے ہیں۔ ابتسامہ۔

32۔ آپ کو غصہ کتنا آتا ہے اور اُس صورت میں کیا کرتے ہیں؟

غلط بات پر بہت غصہ آتا ہے۔ اور میں بہت کنٹرول کرنے کی کوشش کرتا ہوں۔ البتہ زیادہ تر پی جاتا ہوں ڈکار کے ساتھ۔

 

[رضا میاں]

33۔آپ کے پسندیدہ مصنفین اور کتب؟

پسندیدہ مصنفین: امام بخاری، امام احمد، امام ابن تیمیہ، امام ذہبی، امام ابن حجر، امام البانی۔
پسندیدہ کتب: امام بخاری کی تمام کتب، ابن تیمیہ کی مجموع الفتاوی، امام ذہبی کی سیر اعلام النبلاء، ابن حجر کی فتح الباری، امام البانی کی سلسلتین۔ اس کے علاوہ موسوعہ التفسیریہ، موسوعہ العقدیہ، اور بھی بے شمار کتب ہیں جن کی نظیر نہیں ملتی اور ان سب کا کسی دوسری کتاب سے کوئی مقابلہ نہیں۔

34۔محدث فورم کے کن کن اراکین سے آپ کی مُلاقات ہو چُکی ہے۔

کسی سے نہیں۔ اللہ نے چاہا تو اگلے سال شاید ہو جائے، ان شاء اللہ۔

35۔ بطورِ(سینئر رکن) آپ محدث فورم کے اراکین کے لیے کوئی پیغام دینا چاہیں گے؟

یہی کہ لگے رہو۔

والسلام