مختصر صحیح بخاری - زین العابدین احمد بن عبداللطیف - حصہ سوم (یونیکوڈ)

[Aamir]

باب:لڑائی میں ریشمی کپڑا پہننا کیسا ہے ؟
(۱۲۵۸)۔ سیدنا انس بن مالکؓ بیان کرتے ہیں کہ نبیﷺ نے سیدنا عبدالرحمن بن عوفؓ اور سیدنا زبیرؓ کو ریشمی قمیض پہننے کی اجازت دے دی تھی ، اس وجہ سے کہ ان کے جسم پر خارش تھی۔

(۱۲۵۹)۔ سیدنا انسؓ ہی سے روایت ہے کہ سیدنا عبدالرحمن اور زبیرؓ نے نبیﷺ سے جوؤں کی شکایت کی تو آپﷺ نے انھیں ریشمی کپڑے پہننے کی اجازت دے دی۔

 

[Aamir]

باب:جنگ روم کی بابت کیا کہا گیا ہے ؟
(۱۲۶۰)۔ ام حرامؓ سے روایت ہے کہ انھوں نے نبیﷺ کو یہ فرماتے ہوئے سنا :'' میری امت میں سب سے پہلے جو لوگ سمندر میں جنگ کریں گے ان کے لیے جنت واجب ہے۔ '' میں نے عرض کی یا رسول اللہ ! میں انھیں میں ہوں ؟ تو آپﷺ نے فر مایا :'' تم انھیں میں ہو۔ ام حرامؓ کہتی ہیں کہ پھر نبیﷺ نے فرمایا :'' میری امت میں سے سے پہلے جو لو گ قیصر کے شہر (قسطنطنیہ) میں جہاد کریں گے وہ مغفور ہیں۔ '' میں نے عرض کی یا رسول اللہ ! میں ان لوگوں میں ہوں ؟ تو آپﷺ نے فرمایا۔ :۔ '' نہیں (تو ان میں سے نہیں)۔ ''

 

[Aamir]

باب :یہودیوں سے لڑنے کی فضیلت
(۱۲۶۱)۔ سیدنا عبداﷲ بن عمرؓ روایت ہے کہ رسول اللہﷺ نے فرمایا :'' تم یہودیوں سے جنگ کرو گے یہاں تک کہ کوئی یہودی پتھر کی آڑ میں چھپے گا تو وہ پتھر بولے گا کہ اے اللہ کے (مسلمان) بندے ! یہ یہودی میرے پیچھے چھپا ہوا ہے۔ اسے قتل کر دے۔ '' دوسری روایت میں کہتے ہیں کہ رسول اللہﷺ نے فرمایا :'' قیامت اس وقت قائم نہیں ہو گی یہاں تک کہ تم یہودیوں سے لڑ و۔۔۔ '' پھر باقی ساری حدیث بیان کی۔

 

[Aamir]

باب:ترکوں سے جنگ کا بیان
(۱۲۶۲)۔ سیدنا ابو ہریرہؓ کہتے ہیں کہ رسول اللہﷺ نے فرمایا :'' قیامت قائم نہ ہو گی ، جب تک کہ تم ترکوں سے نہ لڑو گے جن کی آنکھیں چھوٹی، منہ سرخ ، ناک موٹی پھیلی ہو ئی ہوں گی۔ ان کے منہ ایسے ہوں گے جیسے چمڑا لگی ہو ئی ڈھالیں ہوتی ہیں۔ اور قیامت اس وقت تک قائم نہ ہو گی جب تک تم ایسے لوگوں سے جنگ نہ کرو جو بالوں کے جو تے پہنتے ہیں۔ ''

 

[Aamir]

باب۔ مشرکوں (اور کافروں) کے لیے بد دعا کرنا ، اللہ ان کو شکست دے اور ان پر زلزلہ بر پا کر دے۔
(۱۲۶۳)۔ سیدنا عبداللہ بن ابی اوفٰیؓ کہتے ہیں کہ رسول اللہﷺ نے غزوۂ خند ق کے دن مشرکوں کے لیے یہ بد دعا تھی :'' اے اللہ ! کتاب کے نازل کرنے والے ! حساب کے جلد لینے والے ! اے اللہ ! ان جماعتوں کو شکست دے ، ان کے قدم اکھیڑ دے ، ان کو بھگا دے (اے اللہ ! ان کو بھگا دے اور ان کو ہلاک کر دے ،بھگا دے ، ڈگمگا دے)۔ ''

(۱۲۶۴)۔ ام المومنین عائشہ صدیقہؓ سے روایت ہے کہ یہودی (ایک روز) نبیﷺ کے پاس آئے اور کہا کہ '' تم پر موت آئے '' تو میں نے ان پر لعنت کی۔ آپﷺ نے فرمایا۔ :'' تمہیں ہو کیا گیا ہے ؟ '' میں نے عرض کی کہ کیا آپ نے نہیں سنا جو ان لوگوں نے کہا ؟ آپﷺ نے فرمایا :'' تم نے نہیں سنا جو میں نے کہا دیا کہ وعلیکم (یعنی جو کچھ تم نے کہا ہے وہ تمہی پر ہو)۔ ''

 

[Aamir]

باب : مشرکوں کا دل بہلانے کے لیے ، ان کی ہدایت کے لیے دعا کرنا (درست ہے)۔
(۱۲۶۵)۔ سیدنا ابو ہریرہؓ کہتے ہیں کہ طفیل بن عمرودوسی اور ان کے ساتھیؓ نبیﷺ کے پاس آئے اور انھوں نے کہا کہ یا رسول اللہ ! قبیلۂ دوس کے لوگوں نے نا فرمانی کی اور پیروی سے انکار کر دیا ، لہٰذا اللہ سے ان کے لیے بد دعا کیجیے۔ لوگ کہنے لگے کہ اب دوس ہلاک ہوئے مگر آپﷺ نے دعا کی :'' اے اللہ ! دوس کو ہدایت دے اور ان کو دائرہ اسلام میں لے آ۔ ''

 

[Aamir]

باب:نبیﷺ کا لوگوں کو اسلام اور (اپنی) نبوت کی طرف بلانا اور اس بات کی دعوت دینا کہ وہ اللہ کو چھوڑ کر ایک دوسرے کو رب نہ بنائیں۔
(۱۲۶۶)۔ سیدنا سہل بن سعدؓ سے روایت ہے کہ انھوں نے نبیﷺ کو خیبر کے دن یہ فرماتے ہوئے سنا:'' میں اب جھنڈا اس شخص کو دوں گا جس کے ہاتھ پر فتح ہو جائے گی۔ '' پس صحابہ کرامؓ کھڑے ہوئے اس بات کی امید کر رہے تھے کہ ان میں سے جھنڈا کس کو ملتا ہے۔ پھر دوسرے دن ہر شخص اس بات کی امید کرتا رہا کہ جھنڈا ہمیں عطا ہو گا مگر آپﷺ نے فرمایا :'' علیؓ کہاں ہیں ؟'' کسی نے بتایا کہ ان کی دونوں آنکھوں میں درد ہے۔ آپﷺ نے حکم دیا تو وہ بلائے گئے۔ آپﷺ نے ان کی دونوں آنکھوں میں لعاب لگا دیا ، وہ فوراً اچھے ہو گئے (ایسا معلوم ہوتا تھا کہ) گویا ان کو کوئی تکلیف نہ تھی۔ پھر انھوں نے پوچھا کہ ہم ان کافروں سے جنگ کریں گے یہاں تک کہ وہ مسلمان ہو جائیں۔ تو آپﷺ نے فرمایا:'' آہستگی کرو ، اب تم ان کے میدان میں جانا تو اسلام کی طرف بلانا اور جو (اللہ کی طرف سے) ان پر فرض ہے وہ بتانا۔ اللہ کی قسم ! اگر تم سے ایک شخص بھی ہدایت پا جائے تو وہ تمہارے لیے سرخ اونٹوں سے بھی بہتر ہے۔ ''

 

[Aamir]

باب:جو شخص کسی جہاد کا ارادہ کرے اور لڑائی کا اصل مقام چھپا یا (دوسرا مقام بیان کیا تو یہ درست) ہے۔ اور جس شخص نے جمعرات کے دن سفر کو بہتر سمجھا۔
(۱۲۶۷)۔ سیدنا کعب بن مالکؓ سے روایت ہے کہ کم ہی ایسا ہو تا تھا کہ رسول اللہﷺ جب سفر کرتے تو سوائے جمعرات کے اور کسی دن سفر کرتے۔

 

[Aamir]

باب :مسافر کا سفر کے وقت رخصت ہو نا۔
(۱۲۶۸)۔ سیدنا ابو ہریرہؓ کہتے ہیں کہ ہمیں رسول اللہﷺ نے کسی لشکر میں بھیجا اور آپﷺ نے سے فرمایا :'' اگر تم فلاں اور فلاں شخص کو پانا (قریش کے دو آدمیوں کا نام لیا) تو انھیں آگ میں جلا دینا۔ '' سیدنا ابرہریرہؓ کہتے ہیں کہ پھر جب ہم سفر میں جانے لگے تو ہم آپﷺ کے پاس رخصت ہونے کو آئے تو آپﷺ نے فرمایا :'' میں نے تمہیں حکم دیا تھا کہ فلاں اور فلاں شخص کو آگ میں جلا دینا ، مگر آگ سے تو اللہ ہی عذاب کرتا ہے۔ لہٰذا اگر تم ان کو پکڑ و تو انھیں قتل کر دینا۔ ''

 

[Aamir]

باب : امام کی بات سننا اور اطاعت کرنا۔
(۱۲۶۹)۔ سیدنا عبداللہ بن عمرؓ نبیﷺ سے روایت کرتے ہیں کہ آپﷺ نے فرمایا :'' (امام کی بات) سننا اور ماننا (ہر شخص پر) ضروری ہے ، جب تک خلاف شرع نہ ہو۔ پھر اگر کسی گناہ کا حکم دیا جائے تو نہ سننا ضروری ہے اور نہ ماننا۔ ''