معصوم مسکراہٹیں

[خضر حیات]

بیٹی : ابو دروازے میں میرا ہاتھ آگیا تھا
باپ : (لاڈ پیار کرتے ہوئے) تو بیٹا شیطانیاں نہیں کرتے ناں۔
بیٹی : ( معصومیت سے ) ابو خود ہی ہوجاتی ہیں۔

 

[ابو حسن]

اپنی بیٹی کو حدیث یاد کروا رہا تھا جو کہ ساڑھے تین برس کی ہے اور ان دنوں ميری زوجہ کا آپریشن ہوا تھا اور اسنے مجھے تاکید کی کہ آپ میرے ساتھ کوئی ایسی بات نہ کرنا جس سے مجھے ہنسی آئے اور ہنسنے سے تکلیف ہوتی ہے اور جس دن کا یہ واقعہ ہے، میرے دوست مولانا کے گھر سے بریانی آئی تھی۔​

اب بیٹی یاد کرنے کے بعد سنا رہی تھی اور سنانے کے بعد کہنا تھا​

أو كما قال -------- رواه طبرانى​

تو اسکے بجائے اچانک بولی​

أو كما قال -------- رواه بریانى

بس پھر کیا تھا میری زوجہ تو ہنستے ہنستے رونے لگ گئی درد کی شدت سے اور بعد میں کہا کہ مولانا کے گھر اسکو نہ لے کر جانا کہیں انکے سامنے ایسا کہہ دے تو سمجھیں گے انکو اور بریانی چاہیے​

 

[ابو حسن]

اپنی بیٹی کو حدیث یاد کروا رہا تھا جو کہ ساڑھے تین برس کی ہے اور مجھے بابا کہتی ہے​

اب بیٹی یاد کرنے کے بعد سنا رہی تھی عربی میں سنانے کے بعد اردو ترجمہ سنا رہی تھی اور غلطی پر میں نے ڈانٹا اور کہا صحیح سناؤ ، تو یہیں گڑبڑ ہوگئی​

جو لوگوں پر رحم نہیں کرتا اللہ تعالی اس پر رحم نہیں فرمائیں گے--- کچھ ایسا ہی فرمایا​

تو اسکے بجائے اچانک بولی​

جو لوگوں پر رحم نہیں کرتا بابا اس پر رحم نہیں فرمائیں گے​

 

[ابو حسن]

منجھلی بیٹی حافظہ میں تیز ہے ماشاءاللہ اور اس کے کچھ الفاظ ابھی صاف نہيں ہیں ،ماشاءاللہ کو ماثھا اللہ ، ذکرک و شکرک کو دکرک و تھکرک پڑھتی ہے

اور اکثر دوست و احباب اور عزیز و اقارب اس سے سن کر لطف اندوز ہوتے ہیں

اور یہ ہماری استاذہ بھی ہے ،چھینکنے کے بعد الحمدللہ کہنے پر اگر کسی نے یرحمک اللہ نہ کہا تو تھوڑا اونچی اور تنبیہی انداز میں دوبارہ الحمدللہ کہتی ہے ،جزاک اللہ کہنے پر وایاکم کیوں نہیں کہا ؟

اللہ تعالی سب کی اولادوں کو صالحہ اور آنکھوں کی ٹھنڈک بنائے اور جنت الفردوس میں جانے کا ذریعہ بنائے ،آمین

 

[محمد فیض الابرار]

میری جامعہ ابی بکر الاسلامیہ کی سالانہ تعطیلات شروع ہو چکی تھی لیکن حمدان ابھی تک سکول جا رہے تھے کہ ان کے سکول کے تعطلیات کا اغاز نہیں ہوا تھا آخری دن جب اسے سکول کے لیے تیار کر رہے تھے بہت سنجیدگی سے کہنے لگا ابو ایک سودا کرتے ہیں جب تک جامعہ کی چھٹیاں ہیں میں جامعہ میں آپ کی جگہ لے لیتا ہوں اور آپ میری جگہ سکول چلے جائیں

 

[محمد فیض الابرار]

اے کاش میرے بچے بھی جلدی بڑے ہوجائیں تو مجھے بھی کتنی فرصت مل جائے مجھے لگتا ہے میرے بچے ہی بڑے نہیں ہوتے ،

جب بڑے ہو جائیں گے تو پتا بھی نہیں چلے گا اور بسااوقات بہت ہی زیادہ بڑے ہو جاتے ہیں ہم سے بھی

 

[عبداللہ حیدر]

امامہ گھر والوں پر رعب ڈال رہی تھی میرے بابا کو حضرت ابوبکرصدیق کا فون نمبر ملا گیا ہے، اب وہ مجھے بھی بتانے والے ہیں۔

 

[یوسف ثانی]

جب بڑے ہو جائیں گے تو پتا بھی نہیں چلے گا اور بسااوقات بہت ہی زیادہ بڑے ہو جاتے ہیں ہم سے بھی

وہ جو کہتے ہیں نا کہ:
ہم نے اپنے بچوں کو پڑھا لکھا کر اتنا قابل (بڑا) بنادیا کہ اب ہم اُن کے قابل نہیں رہے۔

 

[اخت ولید]

ہنیاء اٹھاک پٹھاک کرتے ہوئے آخر کار دیوار میں پیوستہ لکڑی کی الماری کا لاک کھول کر"اوہو۔۔تو آپ لوگوں نے بٹن ادھر لگائے ہوئے ہیں ناں؟میں کب سے پنکھا چلانے کے لیے سوئچ بورڈ ڈھونڈ رہی تھی۔کتنے چالاک ہیں ناں ویسے آپ۔۔اس لیے لگائے ہیں ناں کہ اگر چور آ جائیں تو سوئچ بورڈ چوری نہ کر سکیں۔"
"جی گڑیا!ہم گھر کو تالا بھی اسی لیے لگا کر جاتے ہیں تا کہ چور گھر کو چوری نہ کر سکیں۔"

 

[اخت ولید]

ہارون! "ء"شرارتی حرف ہے۔یہ کسی اور حرف سے میل جول بھی نہیں رکھتا۔ہمیشہ اکیلا رہتا ہے۔
چند دن بعد:امی جان! آپ ناں ء ہیں۔آپ بھی کسی سے بنا کر نہیں رکھتیں۔علیحدہ رہتی ہیں۔