معصوم مسکراہٹیں

[مشکٰوۃ]

ایک دن میں نے اپنے کز نزسے پوچھا کہ بڑ اہو کر کون کیا بنے گا؟
وردۃ بولی "میں ٹیچر بنوں گی"۔۔۔"میں ڈاکٹر بنوں گی۔۔"بریرہ نے کہا
"میں سائنسدان بنوں گا۔۔۔"ثوبان کے کہتے ہی لقمان جلدی سے بولا "اور پتا ہے میں کیا بنوں گا؟؟/؟؟
سب بچوں نے اشتیاق سے اس کی طرف دیکھا :" کیا بنو گے؟؟"
"بھینس دان"لقمان نے اطمینان سے جواب دیا۔

 

[مشکٰوۃ]

غلام اللہ انکل کے بچے اسلام آباد آئے تو چچا انہیں لے کر مری گھمانے چلے گئے ۔۔مری کا راستہ شروع ہوا تو بڑے بچے شور کرنے لگے "مری ۔۔مری"
انکل کا چھوٹابیٹا پہلے تو حیرت سے انہیں دیکھتا پھر معصومیت سے بولا:
"ابا ایتھے کون مری۔۔۔۔۔۔۔۔۔۔۔۔؟":)

 

[اخت ولید]

سکائپ کھولتے ہی۔ ۔ ۔ ۔ ۔ام عبداللہ ضرور کمپیوٹر بچوں کے حوالے کر گئی ہوں گی:)​

 

[نسرین فاطمہ]

جی میرے کمپیوٹر کے ساتھ بھی روز ایسا ہوتا ہے سسٹر،

 

[مشکٰوۃ]

آج رزلٹ آؤٹ ہونے پر اریج،اپنی ماما اور ریان کے ساتھ اپنا فسٹ پرائز(کپ ۔۔جسے عرفِ عام میں ہم جیسے ورلڈ کپ کہتے ہیں :)دکھانے آئی ۔تھوڑی دیر قبل ہی خنساءقرآن کلاس کی بچہ پارٹی کے لئے گفٹ لائی تھی سوچا چند ایکسڑا چیزیں ہیں ،اس میں سے کچھ دے دیتی ہوں لیکن پھر اپنی "فیکڑی" پر نظر ڈالی ۔جس میں کولیکشن موجود رہتی ہے ۔اس میں سے کچھ مل جائے تو بہتر (گفٹ تو اپنے پاس سے دیا ہی اچھا لگتا ہے) تو جلدی میں گلیٹراور جیومیڑی سیٹ کی چیزیں اکٹھی کیں لیکن ربڑ نہیں مل رہی تھی کچھ اپنی عادت کے ہر چیز علیحدہ علیحدہ باکس میں ،اور ربڑ والا باکس "لاپتہ " تھا جس میں سیٹ کے ساتھ کی ربڑ تھی ۔
اریج آئی تو دیر کے لئے تھی لیکن جلد ہی اس کے ماموں لینے آ گئے جلدی میں سیٹ پیک ہی نہ ہوا میں نے اسے سیٹ کے ریپر میں ہی دے دیا ۔۔اریج کچھ دیر تو چیزیں دیکھتی رہی پھر بولی"آپی یہ گلو سٹک ہے ؟"
"نہیں گلیٹر۔"
گلیڑ۔۔واؤ!۔۔۔بچوں کی خوشی دیکھنے والی ہوتی ہے :)
ساری چیزیں دیکھنے کے بعد کہنے لگی "آپی ربڑ کہاں ہے؟"
"وہ تو مجھے نہیں ملی۔"):
"اچھا کوئی بات نہیں ،میرے پاس پرانی ربڑہے ۔ میں اس کے ساتھ وہی استعمال کر لوں گی کچھ نہیں ہوتا۔"اریج سیڑھیاں اترتی جارہی تھی اور بار بار یہی دھرائی جا رہی تھی۔
میں وردۃ اور خنساء اس کی معصومیت پر ہنسنے لگے ۔۔کتنے اچھے ہوتے ہیں بچپن کے دن بھی :)
اللہ تعالٰی بچوں کے ساتھ ساتھ بڑوں کا بچپن بھی لوٹا دے تاکہ سب قناعت جیسی دولت سے مالا مال ہو جائیں۔۔۔آمین

 

[مشکٰوۃ]

جی میرے کمپیوٹر کے ساتھ بھی روز ایسا ہوتا ہے سسٹر،

ابھی تو ھنیاء نے بیٹھنا شروع کیا ہے اور ہم سب اس کے گھٹنوں کے بل اور پاؤں پاؤں چلنے کے مشاق۔۔۔امی کہتی ہیں "اسے جب پاؤں لگیں گے تو پھر دیکھنا کیا حال ہو گا اور سب سے زیادہ تمھاری شامت آئے گی (بوجہ مشغلہ جات وافرہ)پھر کہنا "امی ،بھابھی کوئی تو اسے پکڑ لے پڑھنے نہیں دے رہی ،کام نہیں کرنے دے رہی "اور بھابھی کہتی ہیں کہ نہیں شامت آئی گی تو "فیکٹری "کی۔اور ہم سوچتے ہیں فیکڑی میں بچوں کو بھلانے کا وافر سامان موجود ہے ،کچھ بہل جائے گی اور کچھ ہمارے جیسی ہو جائے گی:)
ایک دن لیٹے لیٹےلیپ ٹاپ سے نیٹ کی تار کھینچ لی میں نے دوبارہ لگائی تو پھر کھینچ لی اور پھر میں لگاتی رہی وہ کھینچتی رہی یہاں تک کہ اٹھ کر اس کے گرد غباروں کا جنجال پھیلا دیا کہ محترمہ آپ کے دن ان کاموں کے ہیں۔۔پھر بھی میرے پاس توکمپیوٹر کے سامنے ٹک کر رہتی ہے البتہ خنساء اور امی کے ساتھ ہو تو یہی کوشش ہوتی ہے کہ ماؤس میرے ہاتھ میں ہو اور جب ہاتھ نہ پہنچے تو بوقتِ ضرورت یہ کام پاؤں سے باآسانی لے لیا جاتا ہے ۔۔۔۔:)

 

[اخت ولید]

بدری نے اس دن جو ماؤس کھینچ کر پھینکا تھا ۔۔ اس بیچارےبے زبان کا ’سکرول ویل‘ گول ٹائرہی ہمت ہار گیا۔ ۔ نیچے کرنے کے لیے سکرول بار کا سہارا کسی عذاب سے کم نہیں تھا۔ ۔ اب اس کی کہانی لکھنے بیٹھی ہوں تو حیرت انگیز طور پر سکرول ویل کام کرنے لگا ہے۔ ۔اس کام کے پسِ منظر میں بدری کی آواز سنائی دے سکتی ہے کہ غلطی میری سہی۔۔ ۔ میری شکایت سب کے سامنے تو نہ نا لگائیں:)

 

[مشکٰوۃ]

ڈھائی سالہ عکاشہ اے بی سی والا قاعدہ سامنے رکھے پڑھنے کی کوشش کر رہا تھا۔۔جس پر ہاتھی، گھوڑے اور گدھے کی تصاویر بنی ہوئی تھیں۔
اس نے ہاتھی پر انگلی رکھی اور بولا" ایلیفینٹ" ۔۔گھوڑے کی تصویر پر انگلی رکھی اور بولا" گھولا"۔
گدھے کی تصویر دیکھ کر کچھ دیر سوچتا رہا پھر دائیں بائیں دیکھا کہ شاید کوئی بتا دے جب کسی نے توجہ نہیں دی تو گدھے کی تصویر پر انگلی رکھ کر بولا" کھوتا"۔۔۔۔۔۔:)

 

[خنساء]

پیاری سی بچی دعائیں مانگتے ہوئے
پیسے دےدے
اللہ روبی آنٹی امی اور ڈیڈی کی چھوٹی دادی سے لڑائے نہ ہووے
اللہ ہم شیطان سے آویں شیطان سے جاویں
اللہ اتنی سی بچی دعائیں مانگ رئی ہیں
اللہ اتنی سی بچی دعائیں مانگ رہی ہے شن لے اتنی سے بچی کی دعائیں
دعا کے درمیان
روبی آنٹی تمہیں پتا نا
آج بلی آئی ابھی جب دن نکلا نا تبوتر کو لےدئی شبح ہی شبح ہی لے گئی بلی تبوتر تو
اللہ نانا نانی کا وییا کرادے
اللہ میری بہن کا ویاکرادے
اللہ ابو جلدی سے بڑا ہو جا
اللہ تو سن لے میری دعائیں
اللہ تو میری دعائیں سن لے
اللہ تو میری دعائیں سن لے اتنی سی بچی
اللہ تو سن میری اتنی سی بچی کی دعائیں

 

[مشکٰوۃ]

خنساء کلامِ شاعر ،با زبانِ شاعر زیادہ اچھا لگتا ہے:)​

بچپن کے دن​