معصوم مسکراہٹیں

[اخت ولید]

آپیاں،بھیا جانے کس سوچ میں گم تھے۔۔۔بس کہا تھا کہ ہم آئیڈیا تلاش کر رہے ہیں!ہمارا ننھا ذہن بھی "آئیڈیے" کو ڈھونڈْرہاْ تھا۔۔مگر آئیڈیا تھا کہ اڑیل ٹٹو ۔۔آ ہی نہیں رہا تھا۔۔اچانک ہمارے ذہن میں کچھ کوندا اور ہم جوش کے مارے سیدھے ہو گئے"آپی آپی! میرے "آئیڈیے" میں ایک دماغ آیا"):

 

[اخت ولید]

رات ہی میں نے ہومیو دوا فیرم فاس بنا کہ رکھی تھی کہ صبح بھابی کی امی کو پہنچاؤ ں گی ان کے سر میں دردہے ،صبح کو دوا کی شیشی کو خالی پایا تو عبد اللہ سے پوچھا کہ کہاں ہے دوا،
عبداللہ " وہ چوزوں کی ٹانگ میں درد تھا انھیں کھلادی "
، میں غصے سے "آپ کو کیسے پتا کہ چوزوں کی ٹانگ میں درد ہے "
عبداللہ " وہ درد سے بار بار ٹانگ اوپر کر رہے تھے"۔

درد ٹھیک ہو گئی ہے؟):

 

[نسرین فاطمہ]

درد ٹھیک ہو گئی ہے؟):

جی کل درد ٹھیک ہو گیا تھا مگر آج انھیں بخار ہوگیا وہ گرم ہورہے تھے لہذا آج بھی میٹھی میٹھی میری ہومیو کی دوا کھلا کر بہت خوش ہے کہ " میں بڑا ہو کہ رحم دل ڈاکٹر بنوں گا" ان شاء اللہ

 

[اخت ولید]

بچپن بچپن ہوتا ہے۔۔ہم سب اس میں خوب الٹی سیدھی ،ٹیڑھی میڑھی حرکات کرتے ہیں۔۔یہ الگ معاملہ ہے کہ بڑے ہونے پر،معاشرے میں ایک مقام بنانے پر ہم سب بھول جاتے ہین اور بچپن کی یادون اور باتوںکو سختی سے رد کر دیتے ہیں!!پچھلی دنوں اپنی چچا زاد بہن اخت اشعث سے ملاقات ہوئی تو انہوں نے ایک ایسا قصہ یاد دلایا ،جو ہم سب کی یادوں کی پٹاری میں ہے مگر ہم اسے نکالتے نہیں!اور اب بچوں کو ڈانٹتے ڈپٹتے ہیں کہ۔۔۔۔۔
بقول اخت اشعث"میں جب بھی کسی کے ہاں جاتی،فورا کوشش ہوتی کہ میزبان آنٹی جھٹ پٹ میزبانی کا فریضہ سنبھال لیں۔۔بابا جانی جتنا مرضی کھلا پلا،سمجھا بجھا کر لے کر جاتے۔۔میری وہی عادت اور خواہش ہوتی"یہ جاتی کیوں نہیں؟"۔۔اگر میزبان آنٹی ماما سے پوچھنے لگ جاتیں کہ آپ کے کتنے بچے ہیں؟کون سی کلاس میں؟کہاں؟کیسےَ؟تو مجھے سخت غصہ آتا۔۔اور میں انہیں یاددہانی کے لیے کہتی"آنٹی!"سادہ پانی" دے دیں"۔اس پر آنٹی چونک سی جاتیں"اوہ۔ اچھا۔۔نہیں بیٹا! میں شربت لاتی ہوں"۔۔بابا جانی میری اس حرکت پر ناراض ہو کر کہتے"اگر مانگنا ہی ہوتا ہے تو پانی مانگا کرو،یہ کیا "سادہ پانی؟"۔اب انہیں کیا معلوم کہ اس "سادہ پانی" میں کتنی تاثیر ہوتی ہے:)
اگر میزبان آنٹی پوچھتیں"چائے یا بوتل؟"تو میں ترت جواب دیتی"چائے"ماما گھورتیں کہ تم چائے کہاں پیتی ہو؟اب انہیں کیا علم کہ میں کسی کے گھر چائے کو ترجیح دوں گی کیونکہ بوتل یا شربت تو سادہ بھی پلا دیا جاتا ہے مگر چائے کے ساتھ بسکٹ وغیرہ ضرور ہوتے ہیں:)
جب بڑی ہو گئی تو چھوٹی بہنوں نے یہ شغل اپنا لیا۔۔ایک دفعہ بابا جانی کے ساتھ ان کے دوست کے ہاں گئے۔انہوں نے چائے کے ساتھ بسکٹ وغیرہ رکھے۔میں اور ماما تو ایک دو لے کر فارغ ہو گئے۔۔دونوں چھوٹی بہنوں نے پلیٹ کا صفایا کر دیا۔۔ہمارے گھورنے سے بے پرواہ وہ اپنے کام میں مگن تھیں۔۔مجھے خاصی شرمندگی ہوئی"آنٹی کیا کہیں گی؟"۔آنٹی میری اور ماما کا معاملہ سمجھ کر بولیں"پریشان نہ ہوں!بچے ایسے ہی کرتے ہیِں۔"پھر انہوں نے اپنی بیٹیوں کا قصہ سنایا"میں جب بھی کہیں جاتی،میری بیٹیاں بہت غور سے کھانے پینے کی چیزیں دیکھتی رہتیں اور انتظار کرتیں کہ کب ماما اور آنٹی باتوں کا سلسلسہ روک کر کھانے پینے کی طرف آئیں۔میں نے بیٹیوں کو سمجھایا کہ بیٹا ایسے بھوکوں کی طرح نہیں دیکھتے۔اگلی دفعہ جب ہم مہمان بنے تو بیٹیوں نے وہی ندیدوں کی طرح دیکھنا شروع کر دیا۔میں نے گھورا کہ یہ کیا کر رہی ہو؟ تو ایک بیٹی جھٹ سے بولی"ماما!میں تو بھوکوں کی طرح نہیں دیکھ رہی ۔"دوسری بہن کی طرف اشارہ کر کے"یہ دیکھ رہی ہے"):
ایک اور آنٹی نے بتایا کہ میری ننھی بیٹیاں یہی فریضہ سر انجام دیتیں۔۔ایک دن میں نے جانے سے قبل انہیں سمجھایا کہ بیٹا جب بھی کہیں جائیں،اور وہ کچھ کھانے کے لیے رکھیں تو صرف ایک یا دو چیزیں لیتے ہیں"بچیوں نے سعادت مندی سے سے ہلا دیا۔اب کہ وہاں پہنچے تو انہوں نے سمومے،رول،سینڈوچ رکھے۔انہوں نے دو دو رول،دو سموسے ،دو سینڈوچ غرض اسی طرح چیزوں کا انبار لگا لیا۔گھر واپس آئے تو میں نے باز برس کی تو جواب آیا"ماما!آپ نے خود ہی تو کہا تھا کہ صرف ایک دو چیزیں لیتے ہیں"

 

[خنساء]

عز امی سے بات کر رہا تھا کچھ دیر باتیں کرنے کے بعد بولا"نانو میں پتا کیوں آہستہ آہستہ بول رہا ہوں ؟؟ میری نا طبیعت نہیں ٹھیک"
امی نے پوچھا "کیا ہوا ہے عز کو"؟
" وہ نا میں کھا نا نہیں کھایا ہوا "
امی نے پوچھا " کیا کھانا ہے"؟
" انڈا روٹی "

 

[مشکٰوۃ]

نام چیز جگہ جانور ہمارا پسندیدہ کھیل ہے اور جب بھی کسی کا کھیلنے کا موڈ ہو تو سب سے پہلے ہمارا نام آتاہے اور اس کھیل کے دوران جو شغل لگتا ہے اس کا بھی اپنا ہی مزہ ہے۔۔
یحیٰی بھائی نے سٹاپ کہہ کر کھیل روکا اور سب سے "و" سے نام چیز بتانے کا کہا جب سب جگہ بتا چکے تو وردۃ سے پوچھا گیا کہ کیا لکھا تو اطمینان سے جواب آیا" وائسرائے"۔):
سب کی ہنسی چھوٹی تو حسبِ عادت تنک کر کہا گیا "میں نے کہیں پڑھا تھا"۔
اس پر مابدولت نے فورا کہا "ہاں یہ بھی لکھا تھا اس میں دل ،گردہ ،خون اور رگوں کی بے شمار گلیاں آباد ہیں"۔

 

[مشکٰوۃ]

عز کی پیدائش سے ہی سب نے اپنی اپنی بولیاں اس کے سر لادنی شروع کر دیں ۔۔۔کوئی عربی سکھا رہا ہے تو کوئی انگلش ،لیکن بچہ بڑا ہو کر سرائیکیوں کا نکلا۔۔۔ہہہ
ماما یہ کیا ہے۔۔؟
’’لائٹ‘‘
’’نہیں ماما یہ تو نور ہے ۔۔۔‘‘
’’ماما یہ کیا ہے؟‘‘
’’پنکھا ‘‘
’’نہیں ماما یہ تو فین ہے‘‘ ۔۔۔۔پیچھے سے آواز آتی’’ عز!!!!!!! مرواحۃ‘‘۔۔۔۔۔۔
’’عز تعال ۔۔۔’’کم ہیئر عز‘‘۔۔۔’’عز ادھر آؤ۔۔‘‘
عربی بولنے والے غصے ہوتے کہ انگلش کیوں بولتاہے اور انگلش والے عربی والے کے سر بولتے ۔۔۔اور موصوف بھی اگر انگلش والے سے عربی میں کچھ سنتے تو اس کی طرف توجہ نا دیتے یہاں تک کہ اسے اپنی اصلی زبان انگلش میں مخاطب ہو نا پڑتا ۔۔۔کچھ ترقی ہوئی تو پنجابی بولنے لگا ۔۔سبب اس کے امی ،ابو نے ایک دو بار پنجابی میں بات کر لی تھی۔دونوں کی ٹوٹی پھوٹی پنجابی کابچے نے بہت اثر لیا ۔۔۔اور اپنی کہانیاں پنجابی میں سنانے لگا۔۔
ذرا بڑا ہوا ۔۔۔تین سال کا۔۔باہر آنے جانے لگا تو کہیں سے سن لیا ’’توں کے کرینا پیا ایں ‘‘
گھر آ کر نان سٹاپ ’’اے کریلے کے بچے!!‘‘اور یحٰی بھائی اسے چھیڑ دیتے ‘‘ہاں کڑوے کریلے کے بچے ‘‘
’’کے کریلے پئی ایں‘‘
کے کرینے پئی ایں۔۔۔۔۔‘‘
اور پھر اب تو نان سٹاپ سرائیکی بولتا ہے ماشاء اللہ

 

[اخت ولید]

بچوں کی باتیں بھی ناں:)۔۔۔۔۔۔۔۔۔۔۔۔
تین سالہ ماعز کاپی کے اوپر تسلی سے صورت گری کر رہا تھا۔۔۔کچھ دیر بعد اٹھ کر اپنی امی کے پاس آیا۔
"ماعز!یہ کس نے بنایا ہے؟"
"امی!میرے دوست نے۔۔"
"دوست نے؟"انہوں نے حیرت سے اسے دیکھا،یہ تو ادھر خود ہی تھا"کس دوست نے؟"
"علیم نے!"اس نے بتایا
"علیم!!!!"حیرت کا نیا جھٹکا۔۔اس کے تو گنے چنے دوست تھے" ماعزوہ کون ہے؟وہ تمہارا کون سا دوست ہے؟"
"اوہوامی!!!وہی۔۔۔۔۔ "اچار" کا بیٹا علیم!!"
اب بھلا):۔۔اچار کا بیٹا !!!:)پتا نہیں" شان اچار "کا بیٹا تھا کہ "نیشنل اچار" کا؟؟

 

[مشکٰوۃ]

ہہہ۔۔۔اچار کا بیٹا تو علیم ہوا ۔۔۔اچار کی بیٹی کیا ہوئی ؟؟؟۔۔۔۔۔۔۔۔۔ وہ چھوٹی آمنہ ہوئی ؟؟ ہہہ ہہہ
بچے بھی نا ۔۔۔
چار سالہ ایمن بڑے زور وشور سے ہوائی مخلوق کو پڑھا رہی تھیں )ویڈیوملی تو اپلوڈ کروں گی )
الف انار ۔۔۔چ چڑیل
الف انار۔۔۔چ چڑیل
کیا پڑھ رہی ہو ایمن؟؟ وردۃ نے پوچھا
’’کیا ہے ؟؟ الف انار۔۔۔چ چڑیل‘‘
ثویبہ اور وردۃ کی ہنسی چھوٹ گئی تو غصے سے بولی’’نہیں یقین آ رہا ہے ۔۔یہ دیکھو ‘‘
رسالے پر انار تو کہیں نہیں تھا البتہ چڑیل بنی ہوئی تھی جس کی طرف اشارہ کر کے بولی ’’یہ دیکھو۔۔یہ دیکھو ۔۔نظر نہیں آ رہی ۔۔چڑیل بنی ہوئی ۔‘‘
’’الف انار ۔۔۔چ چڑیل‘‘
’’الف انار۔۔۔چ چڑیل‘‘
چڑیلوں کو ایک دفعہ پھر سبق پڑھایا جانے لگا۔۔۔:)

 

[مشکٰوۃ]

ایمن کی شرارتوں سے چھوٹی خالہ کبھی کبھی تنگ آ جاتی ہیں تو میں کہتی ہوں خالہ جی جتنا ’’تنگ ‘‘ آپ چھوٹے ہوتے کرتی تھیں یہ تو اس کا چوتھا حصہ بھی نہیں کرتی۔۔
اب خود دیکھیں ڈھائی سالہ چھوٹی خالہ سے کوئی پوچھتا کہ’’ تمھارا نام کیا ہے ؟‘‘تو جواب دیتیں :۔
’’ویسے تو میرا نام عبد المتین ہے لیکن پیار سے مجھے گل محمد کہتے ہیں ‘‘۔۔ہہہ ہہہ ہہ ۔سننے والا پاگل نہ ہو جاتا ہو گا۔

’’جو کوئی کہتا نکی )چھوٹی) باجی کہاں جا رہی ہو؟‘‘ تو پلٹ کر جواب دیتیں:۔
’’توں نکی ۔۔۔تیرا ابا نکی ۔۔تیری اماں نکی میں کیوں ہواں نکی؟؟؟‘‘

نانا ابو کے دوست محمود بٹ جنہیں ہم نانا ابو کہتے ہیں ۔۔اور امی ،خالہ وغیرہ بھائی ۔۔۔ایک دفعہ خالہ جی ان کی دکان پر گئیں تو نانا ابو کے بیٹے ماموں طارق نے پوچھا ’’نکی باجی کی لین آئے او؟‘‘ تو غصے سے بولیں
’’شرم تے نئیں آندی ۔۔۔اپنی پھپھی نوں نکی کہہ رہیا ایں ۔۔۔‘‘
بھتیجے صاحب پھوپھی صاحبہ سے پندرہ سال بڑے تھے۔۔۔۔
تو اب خالہ جی ایمن پر کیوں غصے ہوتی ہیں ؟؟آنسوؤں والا آئیکون