معصوم مسکراہٹیں

[مشکٰوۃ]

اختِ حنظلہ اپنے’’ چھوٹے ہونے‘‘ کی داستان کچھ یوں سناتی تھیں:۔
’’پہلے میں بہت بڑی ہوتی تھی۔۔اتنی بڑی ساری۔۔۔میری ایک چھوٹی بہن بھی ہوتی تھی (حالانکہ بہن بڑی تھی)
ایک دن میں اپنی بہن کو نہلانے کے لئے لے کر گئی ۔۔۔میں تولیہ لینے باہر آئی تو میری بہن گٹر میں گِر گئی اور میں اسی وقت چھوٹی سی ہوگئی۔۔۔):

 

[عبداللہ حیدر]

السلام علیکم،
میں زینب کے لیے کھلونا ٹرین لے کر آیا تو پوچھنے لگی’’ بابا یہ وہی ٹرین ہے نا جو سٹیفن نے بنائی تھی ؟‘‘

 

[مشکٰوۃ]

محترم عز صاحب اپنی فیملی کے ساتھ کانفرنس سے واپس لوٹے تو اپنی امی کے پاس آ کر کہنے لگے۔
‘‘ماما! آپ کو پتا ہے دادا ابا نے تقریر میں کیا کہا تھا؟‘‘
’’بتاؤکیا کہا تھا؟‘‘
فورا جذبے میں آ کر فرمانے لگے’’دادا ابا کہہ رہے تھے’’اے لو گو۔۔۔۔۔۔۔۔! میری بات سنو!،جو لوگ نماز نہیں پڑھتے انہیں طلاق دے دو۔‘‘

 

[مشکٰوۃ]

فُلاں خوبصورت ہے ۔۔فُلاں ایسی شکل کا ہے ۔۔۔فُلاں ویسی شکل کا ہے ۔۔۔خواتین کی لا یعنی گفتگو۔۔گفتگو بلکہ دوسروں کا پوسٹ مارٹم ۔
کسی ایسے ہی بڑوں کی ’’ستائی‘‘ ایک بچی پُرشوق انداز میں فرمانے لگیں:
’’وہ جو فُلاں باجی ہیں ناں ،اتنی خوبصورت ہیں اتنی وائٹ ہیں کہ جھاڑوکو ہاتھ لگائیں تو جھاڑو ہی میلا ہو جائے‘‘):

 

[اخت ولید]

بابا جانی اوردادی امی کے طویل سفر سے واپسی کی اطلاع سن کر:
"جب بابا آئیں گے ناں۔۔تو میں انہیں جھاڑوں گا"
(کیا؟؟مطلب جھاڑ پلاؤں گا؟؟پریشانی سے سوچتے ہوئے)"کیوں؟"
"اس لیے کہ۔۔۔وہ مٹی مٹی جو ہو کر آئیں گے":)

 

[مشکٰوۃ]

شدید غصے میں آپی جان جس لقب سے نوازتی ہیں وہ ہے "پاگل عورت" اب چاہے وہاں عورت ناں بھی ہو لیکن ہوتی وہ پاگل عورت ہی ہے ۔۔۔کہنے والے کہتے ہیں کہ یہ سراسر مردوں کی تو ہین ہے کہ اسے ایک تو عورت کہا جائے اور اوپر سے پاگل بھی کیونکہ عورت تو ہوتی ہی پاگل ہے اسے کیا فرق پڑتا ہے۔۔۔:)
اور کام کا پوچھا جائے تو وہ ہوتا ہے "کھوتے کا سر"

عز کو کافی دیر سے نہلانے کی کوششیں جاری تھیں لیکن صاحب تھے کہ سن کے نہیں دے رہے تھے ۔کام سارے بکھرے پڑے تھے اور یہ ہیں کہ اِدھر گھوم ،اُدھر گھوم۔اُدھر آ ،اِدھر آ۔
تنگ آکر آپی نے کہا:
"عز ! نہا نہیں رہے نا ں تو میں تمھیں لے کر نہیں جاؤں گی۔"
"کہاں نہیں لے کر جائیں گی" ؟فورا ہی پوچھا گیا۔
"کھوتے کا سر"
اگلے ہی دن عز صاحب فرمائش کرنے لگے " ماما مجھے نہلا دیں " نہا دھو کر فارغ ہوئے اور تیار ہو کر "ماما اب مجھے لے کر جائیں ناں کھوتے کا سر"):

 

[عبداللہ حیدر]

السلام علیکم،
زینب بہت ضد کر رہی تھی کہ مجھے موٹر سائیکل پر سعودیہ لے چلیں۔ میں نے کہا بیٹا وہاں تو ہوائی جہاز پر ہی جا سکتے ہیں کیونکہ اس میں بڑے بڑے پنکھے لگے ہوتے ہیں جن سے زور کی ہوا چلتی ہے اور جہاز اڑتا ہے۔ اس نے فورًا بائیک کے نیچے دو چار زوردار پھونکیں ماریں اور کہنے لگی میں نے بھی تیز ہوا چلا دی ہے اب موٹر سائیکل کو اڑا لیں اور چلیں۔ ابتسامہ

 

[اخت ولید]

"جنت میں سب لوگ بہت پیارے پیارے، گورے سفید ہوں گے"پانچ سالہ عبداللہ کو کالارنگ اور سفید بال برے لگتے تھے۔
وہ سوچ میں پڑ گیا۔
" کیا سوچ رہے ہو؟"
"دادی اماں! میں سوچ رہا ہوں کہ ماذیہ(ہم جماعت) ابھی اتنی وائٹ ہےتوجنت میں اورکتنی وائٹ ہو گی؟"

 

[خنساء]

ملائکہ کے سکول میں اس کاABC ٹیسٹ تھا ملائکہ نے اپنا ٹیسٹ مکمل کیا اور چپ کر کے بیٹھ گئی اس کے ساتھ بیٹھی ہوئی لڑکی نے اس سے کہا "ملائکہ مجھے بھی ٹیسٹ لکھ دو" ملائکہ نے فٹا ٖفٹ حامی بھر لی اور اس کا ٹیسٹ مکمل کر دیا
جب چھٹی ہوئی تو گھر آکر اپنی ماما کو بتایا "وہ لڑکی مجھے کہہ رہی تھی مجھے بھی ٹیسٹ لکھ دو تو میں نے اسے سارا غلط لکھ کر دے دیا اگر میں اسے صحیح لکھ کر دے دیتی تو اس کے بھی میرے جتنے نمبر آجاتے۔۔۔

 

[sadia]

میری آنٹی نے اپنے چھوٹے دونوں بیٹوں کو بتایا بیٹا کوئی بھی کام کرنے سے پہلے بسم اللہ الرحمن الرحیم پڑھتے ہیں۔۔۔۔
کچھ دنوں بعد دونوں کھیلتے ہوئے آپس میں لڑ پڑے تو چھوٹے بھائی نے پڑھا
بسم اللہ الرحمن الرحیم۔
اور بڑے بھائی کو ایک تھپڑ رسید کر دیا ۔۔۔۔۔۔۔۔۔ :)
بڑا بھائی شاک چھوٹا روک:)