ملحدین کا ایک سوال ۔۔۔

[اسحاق سلفی]

فیس بک پر ایک محترم بھائی سوال کیا ہے !
ہمارے جو بھائی ۔۔ملحدین ۔۔کے رد میں لکھتے رہتے ہیں ان سے گذارش ہے کہ ان سوالوں کے جواب سے آگاہ کریں ۔

سوال اللہ تعالیٰ کو کیا ضرورت پڑ گئی کہ اس نے انسانوں کو پیدا کیا آزمائش کے لیے.
دوسری بات: اللہ تعالیٰ نے سورہ ص میں کہا کہ مینے آدم علیہ السلام میں اپنی روح پهونکی تو کیا جهنم میں اللہ اپنی هی روح کو جلایگا.
تیسری بات : اللہ تعالیٰ کو کیا ضرورت ہے کہ کبهی غصہ اور کبهی خوش هونے کی.
ان سوالوں کے جواب چاهیے
ایک شخص ان سوالوں سے مرتد هو گیا هے
کیا کیا جایے ؟؟

 

[وہم]

السلام علیکم
ایک کم علم انسان ہو کر بھی ،، ان سوال کرنے والوں کو دنیاوی مثالوں سے سمجھاتا ہوں کہ کیسے اللہ نے اپنے خالق ہونے اور ہمیں مخلوق ہونے کے بڑے بڑے دلائل اور ثبوت دے رکھے ہیں ہماری عقل کے اندر ہی موجود ہیں ،،،،
------
کہ کسی بھی چیز کا خالق جب کوئی چیز بناتا یا ڈیزائین کرتا ہے ، تو جس کے لئے وہ چیز بن رہی ہے ، جیسے بن رہی ہے ، جس وجہ سے بن رہی ہے ، ان میں سے دسروں کے لئے محدود تصرف کی حد تک خالق کچھ فنکشن رکھتا ہے ، استعمال رکھتا ہے ، کنٹرول دیتا ہے ، میرے پاس کمپیوٹر ہے میں نے کبھی بھی ڈیل یا متعلقہ کمپنی سے ایسا جاہلانہ سوال نہیں کیا کہ کی بورڈ کے بٹن میں ترتیب کیوں نہیں ہے ، ہارڈ ڈسک ظاہری سائیز کے لحاظ سے تو ایک ہی جیسی ہوتی ہیں تو پھر اس میں چالیس جی بی اسی جی بی ایک سو ساٹھ جی پی، پانچ سو جی بی ایک ٹی بی اور دو ٹی بی کے سٹوریج سائیز کیوں رکھے ہوئے ہیں ؟
میموری کارڈ چونسٹھ جی بی میں چھوٹا سا تو پھر سی ڈی صرف ساتھ سو ایم بی میں اتنی بڑی کیوں ہے ابھی تک ؟
پھر وہ کمپنی میرے ان سوالوں کے جواب دیتی ہے ٹیکنیکل وجوہات بیان کرتی ہے ، میرے پلے ککھ نہیں پڑتا کیونکہ میں اس لیول تک کچھ جانتا ہی نہیں ہوں ، یعنی میں یہاں آکر جاہل ہوں تو جاہل ایسے سوال کرتا کیوں ہے پھر ؟
اچھا ااب اس سے اگلی بات کرتے ہیں
میں ایک بہت ہی بڑا کمپیوٹر انجنئیر بن گیا ہوں ،،، یہاں تک کہ کمپیوٹر کو سوچ اور سسٹم دیتا ہوں ،اس کو کچھ اختیارات اور کچھ پابندی دیتا ہوں ،
اب وہ مجھ سے جب یہ والا سوال پوچھے کہ یہ بیوی کیا ہوتی ہے ؟
پھر وہ کہے کہ تم بجلی سے کیوں نہیں چلتے ہو کھانا کیوں کھاتے ہو ؟ میں تو بجلی سے چلتا ہو ، ،، پھر اس کا ایک سوال یہ بھی ہوگا کہ یہ ذائقہ کیا ہوتا ہے ؟
پھر وہ یہ بھی مشورہ دے گا جب میں بیمار ہوں گا کہ آپ کوئی اچھا سا اینٹی وائرس کیوں نہیں انسٹال کرتے خود میں ؟
اس سارے سوالوں پر پہلے سے بتائی گئی بنائی گئی ،سزاؤں، میں سے ایک مستحق سزا پر اس کو توڑتا ہوں یا اس میں سارا ڈالا گیا پروگرام ختم کرتا ہوں یا اس کو اس کے مطابق کسی تکلیف میں مبتلا کرتا ہوں کیا میں اپنی سوچ اور ذہن کو توڑوں گا یا ختم کروں گا یا تکلیف دوں گا ؟ کیونکہ میں نے ہی تو اس میں اپنی سوچ اور ذہن سے پروگرامنگ و کوڈنگ ڈالی تھی ؟ ظاہر سی بات ہے کہ یہ بے تکا اور چول قسم کا سوال ہے

-------------------
تو پتہ لگا کہ ایک جاہل سے جاہل انسان کو معلوم ہونا چاہئے کہ خالق اور مخلوق کا فرق کیا ہوتا ہے اور یہ کہ ایسے سوالوں کی کیا حیثیت ہے ؟ جو خالق کے بارے میں مخلوق کرے جس کا ادراک وہ کر ہی نہ سکے
------------------
میں نے ضروری فرض سمجھتے ہوئے سمجھانے کی غرض سے سمجھ آ سکنے والی مثالوں سے اگر ان جیسے انسان سمجھنا چاہیں تو بیان کر دیا ہے ، مثالوں کو دنیاوی قانون میں دیکھا جائے اور پھر اصل خالق حقیقی پر ایک لمحے کے لئے اس کی طاقتوں ، پاورز اور قانون و حدود اور قدرت پر قیاس کرتے ہوئے اس کی شان کے مطابق اس کو سمجھا جائے تو
ان شاء اللہ یہ سوالات اپنی موت آپ مر جائیں گے ،
----------
بس اصل مسئل اب یہ رہ گیا ہے کہ میں کیا صحیح طور پر اپنی بات سمجھا پایا ہوں یا نہیں کیونکہ میرے پاس مناسب اور ان سے بہتر الفاظوں کی کافی کمی ہے ،

 

[اسحاق سلفی]

ان سوال کرنے والوں کو دنیاوی مثالوں سے سمجھاتا ہوں کہ کیسے اللہ نے اپنے خالق ہونے اور ہمیں مخلوق ہونے کے بڑے بڑے دلائل اور ثبوت دے رکھے ہیں ہماری عقل کے اندر ہی موجود ہیں ،،،،

بہت شکریہ ؛
جزاک اللہ خیراً
مزید اہل علم بھائیوں سے بھی درخواست ہے کہ ان سوالوں کے جواب لکھیں؛
بارک اللہ فیکم

 

[خضر حیات]

فیس بک پر ایک صاحب عابی مکھنوی کی تحریر :
فیس بُک پر خُدا کے "" وجود "" اور "" عدم وجود "" پر مباحثے آج کل زبان زدِ عام ہیں !!!
یعنی موضوع اللہ کی ذات ہے !!
میرا ایک بہت گہرا دوست بھی جنونی حد تک لبرل ہے !! لبرل تو ذرا ہلکا لفظ ہے ایتھیسٹ یعنی مُلحد ہے ۔ ہم دونوں کا مشترکہ مشغلہ دُنیا جہان سے پی ڈی ایف کتابیں اکھٹا کرنا ہے ۔
آج مِلنے گیا تو جناب کی باچھیں کھلی جا رہی تھیں !! تحقیق پر پتا چلا جناب کے پاس "" چار جی بی تازہ ترین ڈیٹا ہے !!
میں نے اپنی "" دو جی بی "" کی '' یو ایس بی "" تھماتے ہوئے مکمل ڈیٹا کا تقاضا کر دیا !!
اُس نے بصد شوق "" یو ایس بی "" لیپ ٹاپ سے جوڑی ۔
"" یار تیری "" یو ایس بی "" تو "" دو جی بی "" کی ہے !! ""
تو کیا ہوا بھائی !! دے دے نا پُورا چار جی بی !! تیرا کیا جائے گا ؟؟ غریب کا بھلا ہو جائے گا !!
"" کیسے بے !!! دو جی بی جگہ پرچار جی بی ڈیٹا کیسے ڈالوں !! ؟؟
یہی تو میں تُم سے کہتا رہتا ہوں کہ دماغ سے اُتنا کام لو جتنا اُس کے بس میں ہو !!
۔۔۔۔۔۔۔۔۔۔
٭ شکل و صورت کی بحث ماننے والوں کے درمیان ہے !! لیکن چونکہ وہ ذات کسی نے نہیں دیکھی !! اِس لیے اُس کا کوئی نقشہ ذہن بنانے سے معذور ہے اور اِس معذوری پر عجز دکھانے کی بجائے سطعی عقل کے مُرید !! تکبر کے شکار ہو کر انکار میں مُبتلا ہو جاتے ہیں
عابی

 

[ابن قدامہ]

ہمارے جو بھائی ۔۔ملحدین ۔۔کے رد میں لکھتے رہتے ہیں ان سے گذارش ہے کہ ان سوالوں کے جواب سے آگاہ کریں ۔

سوال اللہ تعالیٰ کو کیا ضرورت پڑ گئی کہ اس نے انسانوں کو پیدا کیا آزمائش کے لیے.

 

[ابن قدامہ]

-

سوال اللہ تعالیٰ کو کیا ضرورت پڑ گئی کہ اس نے انسانوں کو پیدا کیا آزمائش کے لیے.

" وما خلقت الجن والانس الا لیعبدون "، ذاریات،٥٦-

- { الذی خلق الموت والحیاه لیبلوکم ایکم احسن عملاً} ملک ،٢-

" ولا یزالون مختلفین الامن رحم ربک ولذالک خلقهم "، ھود،١١٨و ١١٩

 

[قاھر الارجاء و الخوارج]

اولا
لا یسئل عما یفعل و ھم یسئلون
ثانیا
اللہ تعالی نے انسا ن کو جنت میں داخل کیا تھا بلا امتحان لیکن ج ب انسان نے اللہ کی بات نہیں مانی تو اللہ نے بھی چاہا کہ اتنا بڑا انعام دینے سے پہلے دیکھ بھی تو لوں کہ یہ اس قابل بھی ہے یا نہیں تو یہ پیمانہ بنایا کہ جو میری عبادت کرے گا وہ میرے انعام کا مستحق ہے جیسے کہ
کوئی آدمی سکول میں پرنشپل لگانا چاھے تو ایرے غیرے نتھو خیرے کو نہیں لگائے گا دیکھے گا کہ کون اس کا اھل ہے
پی ایچ ڈی کی ڈگری ایسے ہی جاری ہونے لگ جائے تو جس کو الف بے نہیں آتی ہو بھی لے لے گا ڈگری دینے سے پہلے دینے والے دیکھتے ہیں بندہ لینے کے قابل بھی ہے یا نہیں
اللہ نے تو کہیں نہیں کہا کہ وہ آدم علیہ السلام کو جھنم میں جلائے گا
پھر من روحی کا معنی قطعا یہ نہیں کہ اللہ کی بھی روح ہے بلکہ یہاں اضافت ملکیت و تشریف کی ہے جیسے روح منہ اور الیھا روحنا میں ہے
جناب کو خوش ہونے کی اور غصہ کرنے کی کیا ضررورت ہے ؟؟؟
رہا یہ سوال کہ اس شخص کا کیا جائے تو عرض ہے اس کا علاج زبانی جواب میں نہیں ہے و انزلنا الحدید فیہ باس شدید میں ہے

 

[جانی اعوان]

امتحان۔
https://www.facebook.com/Religion.philosphy/photos/a.1480251648878129.1073741828.1460029827566978/1668107813425844/?type=1&theater

 

[کنعان]

السلام علیکم

جتنے بھی علوم ہیں ایک مثال سے! جیسے اسلامیات کی کتاب لے لیں، اس میں باب ہوتے ہیں ان باب میں مضامین ہوتے ہیں۔ ہر مضمون کے آخر میں سوالات ہوتے ہیں، ان سوالات کے جواب اسی باب میں موجود ہوتے ہیں، مضمون پڑھنے والا اسی سے جوابات تلاش کر کے دیتا ھے۔ ایسے ہی ہر مضامین میں اسے پڑھنے کے بعد سوالات کے جوابات اسی سے تلاش کئے جاتے ہیں۔

وَلَقَدْ جِئْنَاهُم بِكِتَابٍ فَصَّلْنَاهُ عَلَى عِلْمٍ هُدًى وَرَحْمَةً لِّقَوْمٍ يُؤْمِنُونَ
اور بیشک ہم ان کے پاس ایسی کتاب (قرآن) لائے جسے ہم نے علم پر مفصّل کیا، وہ ایمان والوں کے لئے ہدایت اور رحمت ہے۔
7:52

ایسے لوگوں کے سوالات بے معنی ہوتی ہیں انہیں آپ ہر اینگل سے جتنے بھی نفیس جواب دے کر دیکھ لیں یہ کبھی مطمعن نہیں ہونگے کیونکہ

تِلْكَ الْقُرَى نَقُصُّ عَلَيْكَ مِنْ أَنبَآئِهَا وَلَقَدْ جَاءَتْهُمْ رُسُلُهُم بِالْبَيِّنَاتِ فَمَا كَانُواْ لِيُؤْمِنُواْ بِمَا كَذَّبُواْ مِن قَبْلُ كَذَلِكَ يَطْبَعُ اللّهُ عَلَى قُلُوبِ الْكَافِرِينَ
یہ وہ بستیاں ہیں جن کی خبریں ہم آپ کو سنا رہے ہیں، اور بیشک ان کے پاس ان کے رسول روشن نشانیاں لے کر آئے تو وہ اس قابل نہ ہوئے کہ اس پر ایمان لے آتے جسے وہ پہلے جھٹلا چکے تھے، اس طرح اللہ کافروں کے دلوں پر مہر لگا دیتا ہے

ایک کہاوت ھے، کالج میں انڈکشن ڈے پر پروفیسر نے اپنا تعارف کرواتے ہوئے یہ کہا 20 جمع 40 اور بتاؤ میں عمر کتنی ھے؟

کلاس میں تھوڑی دیر کے لئے سناٹا اور ایک لڑکی نے جواب دیا، 60 سال۔

پروفیسر: تمہیں کیسے معلوم ہوا۔

طالبہ: سر میرا بڑا بھائی بھی اسی طرح کے سوال کرتا ھے جو آدھا پاگل ھے اور اس کی عمر 30 سال ھے تو میں نے اندازا کیا آپ کی عمر 60 سال ہو گی۔

وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالْإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالْأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ
اور بیشک ہم نے جہنم کے لئے جِنّوں اور انسانوں میں سے بہت سے کو پیدا فرمایا وہ دل رکھتے ہیں وہ ان سے سمجھ نہیں سکتے اور وہ آنکھیں رکھتے ہیں وہ ان سے دیکھ نہیں سکتے اور وہ کان رکھتے ہیں وہ ان سے سن نہیں سکتے، وہ لوگ چوپایوں کی طرح ہیں بلکہ زیادہ گمراہ، وہی لوگ ہی غافل ہیں۔
7:179

اللہ سبحان تعالی کے بارے میں ایسے سوالات کرنے والوں کے لئے اس آیت میں جواب ہی کافی ھے۔

هَلْ يَنظُرُونَ إِلاَّ أَن تَأْتِيهُمُ الْمَلَآئِكَةُ أَوْ يَأْتِيَ رَبُّكَ أَوْ يَأْتِيَ بَعْضُ آيَاتِ رَبِّكَ يَوْمَ يَأْتِي بَعْضُ آيَاتِ رَبِّكَ لاَ يَنفَعُ نَفْسًا إِيمَانُهَا لَمْ تَكُنْ آمَنَتْ مِن قَبْلُ أَوْ كَسَبَتْ فِي إِيمَانِهَا خَيْرًا قُلِ انتَظِرُواْ إِنَّا مُنتَظِرُونَ
وہ فقط اسی انتظار میں ہیں کہ ان کے پاس فرشتے آ پہنچیں یا آپ کا رب آ جائے یا آپ کے رب کی کچھ نشانیاں آجائیں۔ جس دن آپ کے رب کی بعض نشانیاں آ پہنچیں گی کسی شخص کا ایمان اسے فائدہ نہیں پہنچائے گا جو پہلے سے ایمان نہیں لایا تھا یا اس نے اپنے ایمان میں کوئی نیکی نہیں کمائی تھی، فرما دیجئے: تم انتظار کرو ہم منتظر ہیں۔
6:158

آخر میں اس لنک پر مطالعہ فرما کر چیک کر سکتے ہیں۔

والسلام

 

[T.K.H]

جدید الحاد کے رد کے لیے مندرجہ ذیل ویب سائٹ نہایت مفید ہے جن میں ملحدین کی طر ف سے آئے دن پیش کیے گئے جذباتی و غیر معقول اعتراضات اور انکے تسلی بخش جوابات دیے جاتے ہیں ۔

الحاد