![محدث فورم [Mohaddis Forum]](/styles/default/xenforo/Forum.jpg)
- شمولیت
- اپریل 14، 2011
- پیغامات
- 8,773
- ری ایکشن اسکور
- 8,473
- پوائنٹ
- 964
جسے علم و تحقیق کی ابجد کا بھی علم نہ ہو ، اس کا کوئی قصور نہیں کہ وہ اپنی آوارہ مزاجی کا جواب بھی ’ علمی و تحقیقی ‘ طلب کرے ۔
میں نے آپ کو ایک بات سمجھانے کی کوشش کی ، لیکن وہ آپ کی سمجھ میں ابھی تک نہیں آئی ، البتہ اس کے جواب میں آپ نے پوسٹ سے تربیت و درست پرورش کا فقدان تلاش کرنے کی کوشش کی ہے ۔ لیکن آپ کی تربیت و پرورش میں جس بنیادی چیز کی کمی رہ گئی ہے ، اس کی طرف آپ کا دماغ پلٹتا ہوا نظر نہیں آتا ۔
اب آپ نے حسب سابق پھر ایک دفعہ ’ علمی جواب ‘ کی طرف توجہ دلائی ہے تو سمجھیے کہ کسی چیز میں رائے قائم کرنے کا علمی و تحقیقی انداز کیا ہوتا ہے ؟
نزول مہدی و مسیح کے معاملے کی تحقیق کا نقطہ آغاز کہاں سے ہوگا ؟
سب سے پہلے قرآن وسنت پر غور کریں ، پھر سلف امت کے اقوال کو دیکھیں ، ایک اسلامی مسئلے سے متعلق قرآن و سنت سے جو ثابت ہوتا ہے ، اس کو سمجھنے کی کوشش کریں ۔ نصوص کی حرمت ، اسلامی تراث پر اعتماد و احترام کو دل میں بٹھا کر عصرحاضر کے لکھاریوں کو دیکھیں ، خود بخود سمجھ آئے گی کہ ان کی قرآن وسنت سے متصادم باتیں کس قدر سطحی ہیں ، اور سلف امت کے رستے سے ہٹ کر یہ کس قدر غلط رستوں پر چل رہے ہیں ۔
’ دلیل ‘ وہ ہوتی ہے ، جو حق ہو ، اس کے مقابل بالکل واضح باطل ہے ۔ کچھ چیزیں ایسے ہیں جنہیں ’ شبہہ ‘ کہا جاتا ہے ۔ شبہے کو شبہہ اس لیے کہا جاتا ہے کہ وہ در حقیقت باطل چیز ہوتی ہے ، لیکن اسے دلیل کی مانند بناکر پیش کرنے کی کوشش کی جاتی ہے ۔
اس تحریر میں جتنی چیزیں آپ نے ذکر کی ہیں ، یہ ’ شبہے ‘ ہیں ، قرآن و سنت کی واضح نصوص کے مقابلے میں ان کی ایک پیسے کی حیثیت نہیں ۔
مزید واضح انداز میں سمجھ لیجیے ، شاید کہ تیرے دل میں اتر جائے میری بات !
نزول مہدی و مسیح میں دلیل بے شمار احادیث ہیں ۔
اس میں شبہ یہ ہے کہ : بہت سارے لوگوں نے مہدی ہونے کا دعوی کیا ، جو جھوٹے نکلے ، عیسائی بھی لوگوں کو مسیح موعود کا لالچ دے کر گمراہ کرتے تھے ۔
دلیل یہ کہتی ہے کہ نزول مہدی و مسیح برحق ہے ۔
شبہہ یہ ثابت کرنا چاہتا ہے کہ یہ سب جھوٹ اور فراڈ ہے ۔
ماتم کریں ، اس عقل پر جو دلیل اور شبہے کے فرق کو ہی نہ سمجھ سکے ، اور سر پیٹیں اس سوچ پر جو ’ دلائل ‘ کو ’ شبہات ‘ پر قربان کردے ۔
بعض دفعہ انسان دھوکے میں آجاتا ہے ، یا علمی کمزوری کے سبب اسے شبہہے کا جواب نہیں سوجھتا ، لیکن اگر اس کے اندر ’ دلائل ‘ کی حرمت و احترام کا جذبہ موجود ہو تو وہ یہ کہتا ہے کہ : میرے پاس شبہے کا جواب تو نہیں ہے ، البتہ مجھے دلیل کی حقانیت پر اس قدر شرح صدر ہے کہ میں اسے کسی بھی طرح جھٹلا نہیں سکتا ۔
قرآن مجید نے اسی طرح کے ايك مضمون كو اس انداز سے بیان کیا ہے :
فأما الذين في قلوبهم زيغ فيتبعون ما تشابه من ابتغاء الفتنة و ابتغاء تأويله --- و الراسخون في العلم يقولون آمنا به
اب یہاں بھی آپ نے آل محمود کی ذات کو سامنے لا کھڑا کیا ہے ، یعنی اگر احادیث مہدی کو صحیح مانا جائے ، اور ان کے منکر پر طعن و تشنیع کی جائے تو اس میں یہ آل محمود جیسے لوگ بھی آتے ہیں ۔
لیکن اگر آپ کو نصوص قرآں وسنت اور اس کو ہم تک پہنچانے والوں کا ذرا بھی پاس ہوتا تو آپ اس قسم کے لوگوں سے یہ ضرور پوچھتے کہ : ان صحیح احادیث کا انکار کرتے ہوئے ، راویوں کو جھٹلاتے ہوئے ، کن کن مقدس ہستیوں پر حرف آئے گا ؟
مجھے منکرین کے ’ علمی ذوق ‘ پر بہت حیرانی ہوتی ہے ، خود تو سب شرم و حیا ایک طرف رکھ کر صدیوں پر محیط مسلمات کا ایک لفظ سے انکار کردیتے ہیں ، صحابہ و تابعین ، محدثین عظام و فقہاء کرام کی ذات کو بلا کسی دلیل جھٹلاتے ہوئے انہیں کوئی اخلاقیات یاد نہیں آتیں ۔
لیکن ان کی بے تکی باتوں کا جواب کوئی ان کی حیثیت اور سطح کے مطابق دے دے تو فورا ’ علم و تحقیق ‘ کی دہائی دینا شروع کردیتے ہیں ۔
محدثین نے احادیث نزول مہدی و مسیح کے متعلق جو علم و تحقیق پیش کیا ہے ، اس کے جواب میں منکرین کا رویہ علمی ہے ؟ سیکڑوں راویوں پر مشتمل بیسیوں احادیث ، جنہیں کئی ایک علماء و محدثین صدیوں سے نقل کرتے آرہے ہیں ، انہیں صرف ایک کلمہ ’ یہ سب ضعیف ‘ ہے سے رد کردینا ، ایک علمی رویہ ہے ؟ اب اگر ان منکرین کو انہیں کی طرح مختصر انداز میں ’ پاگل ، مجنون ، فکری حرامزادے ‘ کہہ دیا جائے تو قائل سے کس منطق سے کوئی ’ علمی جواب ‘ طلب کرتا ہے ؟
Last edited:
