میرے پسندیدہ اشعار

[حافظ اختر علی]

ٹوٹی پھوٹی اک کشتی اور خشک سمندر دیکھا تھا
کل شب میں نے جھانک کے شاید اپنے اندر دیکھا تھا​

 

[اسحاق سلفی]

کل چودھویں کی رات تھی، شب بھر رہا چرچا تیرا

 

[اسحاق سلفی]

ایسا نہیں کہ بزم میں اچھا کوئی نہ تھا
لیکن مجھے یقین ہے تم سا کوئی نہ تھا​

 

[حیدرآبادی]

ہوا سے لڑنے میں ہم ٹوٹ پھوٹ جاتے ہیں
مگر فضا کو نئی دستکیں سناتے ہیں

 

[مشکٰوۃ]

اپنی ہمدردی سے بھی لگتا ہے ڈر
سوچتا ہوں کیا "زمانے " آئے ہیں
چند پاگل متحد ہو کر عدم
مجھ کو نادانی سکھانے آئے ہیں
​

عبد الحمید عدم​

 

[مشکٰوۃ]

عقل مندوں کا حال بھی کچھ کچھ
میرے "دیوانہ پن" سے ملتا ہے​

عبدالحمید عدم​

 

[makki pakistani]

ہم پہ جو گزری سو گزری مگر اے شب ہجراں
ہمارے اشک تیری عاقبت سنوار چلے

 

[اسحاق سلفی]

یہ کیا عذاب ہے سب اپنے آپ میں گم ہیں
زباں ملی ہے مگر ہم زباں نہیں ملتا

​

 

[اسحاق سلفی]

خاموش ہیں ارسطو و فلاطوں مرے آگے
دعویٰ نہیں کرتا کوئی موزوں مرے آگے​

 

[عدیل سلفی]

سائل ھے مگر دست طلب کانپ رہا ھے۔ ۔


یہ شخص مجھے مانگنے والا نہیں لگتا۔ ۔