میرے پسندیدہ اشعار

[قیصر سجاد]

شبِ تاریک چپ تھی، در و دیوار چپ تھے

نمودِ صبحِ نو کے سبھی آثار چپ تھے

تماشا دیکھتے تھے ہمارے ضبطِ غم کا

مسلط ایک ڈر تھا، لبِ اظہار چپ تھے

ہوائیں چیختی تھیں، فضائیں گونجتی تھیں

قبیلہ بٹ رہا تھا مگر سردار چپ تھے

گراتا کون بڑھ کر بھلا دیوارِ ظلمت

اجالوں کے پیمبر پسِ دیوار چپ تھے

متاعِ آبرو کو بچا سکتے تھے لیکن

محافظ سرنگوں تھے تو پہرے دار چپ تھے

زمانہ چاہتا تھا کہانی کا تسلسل

مگر پردے کے پیچھے سبھی کردار چپ تھے

 

[قیصر سجاد]

سحر و شام میں تنظیم کہاں ہوتی ہے

خواہشِ صبح کی تجسیم کہاں ہوتی ہے

لُوٹ لے جاتا ہے بس چلتا ہے جس کا جتنا

روشنی شہر میں تقسیم کہاں ہوتی ہے

ان محلّوں میں جہاں ہم نے گزاری ہے حیات

مدرسے ہوتے ہیں، تعلیم کہاں ہوتی ہے

شہر یاروں نے اجاڑا ہو جسے ہاتھوں سے

پھر سے آباد وہ اقلیم کہاں ہوتی ہے

تیرتے ہیں جو غلاموں کی جھکی آنکھوں میں

ان سوالات کی تفہیم کہاں ہوتی ہے

 

[مفتی عبداللہ]

کیسے بھلا دیتے ہیں لوگ تیری خدائی کو یارب
مجھ سے تو ترا بنایا ہوا اک شخص بھلایا نہیں جاتا.

 

[عبدالقیوم]

شعر وادب جناب تابش مہدی ایڈیٹر"الایمان"دیوبند(بھارت)

پتھر سے اُمید عبث ہے

کالے ہو یا اُ جلے پتھر ہوتے ہیں کب کس کے پتھر

پتھر سے امید عبث ہے پتھر تو ہیں پگلے پتھر

دردوسوز کے پیکر انساں ہوجاتے ہیں کیسے پتھر

پریم نگر کی ریت یہی ہے کھالے خوشی سے پیارے پتھر

پُھولوں کی نگری میں تابش! ہم نے اکثر دیکھے پتھر

 

[اخت ولید]

کہیں جواب دینے کو بھی دل نہیں کرتا
کہیں خود سے بڑھ کر سلام کرتا ہوں​

 

[فلک شیر]

زمینیں ہیں تیری ــــــــ زمانے ترے
حقیقت سنائے ــــــــفسانے ترے
فلک شیر
‫#‏نعت‬​

 

[فلک شیر]

الی اصلہ ــــــــــــ یرجع کل شیءِِ
میں بھولا ہوا ـــ اپنے گھر آ گیا ہوں
محبت کے سکے، عقیدت کی نقدی
یہی لے کے زادِ سفر آ گیا ہوں
‫#‏نعت‬​

 

[فلک شیر]

جا، کسے دا درد ونڈا
جے لبھناں اے سچا سُکھ
یعقوب آسی​

 

[علی معاویہ بھائی بھائی]

دل گُلستاں تھا تو ہر شے سے ٹپکتی تھی بہار

دل بیاباں ہو گیا عالم بیاباں ہو گیا ​

 

[میرب فاطمہ]

اپنی ملت پہ قیاس اقوام مغرب سے نہ کر
خاص ہے ترکیب میں قومِ رسولِ ہاشمیﷺ