میرے پسندیدہ اشعار

[سجاد]

کچھ لوگ میرے قلم سے سیتے ھیں اپنے زخم

کچھ لوگوں کو میں چھبتا ھوں اک نوک کی طرح

(شاعر نامعلوم)

 

[MD. Muqimkhan]

منا رہے تھے وہاں لوگ جشن بے خوابی
یہاں تھے خواب بہت سو ادھر نہیں گئے ہم
احمد محفوظ

 

[MD. Muqimkhan]

ہوا رات بستی میں کیا کچھ نہیں
جو پوچھا کسی سے کہا کچھ نہیں
یہ کس سمت اٹھ اٹھ کے جاتے ہیں لوگ
ہمیں کیا کسی کو پتہ کچھ نہیں
احمد محفوظ

 

[MD. Muqimkhan]

یا رب رہ طلب میں کوئی کب تلک پھرے
تسکین دے کہ بیٹھ رہوں پاؤں گاڑ کر
میر تقی میر

 

[محمد آصف مغل]

یہ اڑی اڑی سے رنگت یہ کھلے کھلے سے گیسو
تیری صبح کہہ رہی ہے تیری شام کا فسانہ

شاعر سے میں ناآشنا ہوں

 

[MD. Muqimkhan]

غالباً رگھوپتی سہائے فراق گورکھپوری کا ہے

 

[علی معاویہ بھائی بھائی]

کیوں اُداس پھرتے ہو سردیوں شاموں میں
اس طرح تو ہوتا ہے اس طرح کے کاموں میں

 

[محمد زاہد بن فیض]

دبا کے قبر میں یوں چلد دیئے دعا نہ سلام
ذرا سی دیر میں کیا ہوگیا زمانے کو
(شاعر نامعلوم)

 

[رانا ابوبکر]

دبا کے قبر میں یوں چلد دیئے دعا نہ سلام
ذرا سی دیر میں کیا ہوگیا زمانے کو

کبھی کہا نہ کسی سے ترے فسانے کو
نہ جانے کیسے خبر ہو گئ زمانے کو

دعا بہار کی مانگی تو اتنے پھول کھلے
کہیں جگہ نہ رہی میرے آشیانے کو

مری لحد پہ پتنگوں کا خون ہوتا ھے
حضور شمع نہ لایا کریں جلانے کو

سنا ہے غیر کی محفل میں تم نہ جاؤ گے
کہو تو آج سجا لوں غریب خانے کو

دبا کے قبر میں سب چل دئیے دعا نہ سلام
ذرا سی دیر میں کیا ہو گیا زمانے کو

اب آگے اس میں تمہارا بھی نام آئے گا
جو حکم ہو تو یہیں چھوڑ دوں فسانے کو

قمرؔ ذرا بھی نہیں تم کو خوف رسوائی
چلے ہو چاندنی شب میں انہیں منانے کو

(قمر جلالوی)​

 

[MD. Muqimkhan]

بڑا شور تھا جب سماعت گئ
بڑی بھیڑ تھی جب اکیلے ہوئے
شہر یار