میرے پسندیدہ اشعار

[عبدالقیوم]

تیرے ضمیر پہ جب تک نہ ہو نزول کتاب
گرہ کشا ہے نہ رازی نہ صاحب کشاف​

 

[عبدالقیوم]

گروہ ایک جو یا تھا علم نبی کا ......... لگا یا پتہ جس نے ہر مفتری کا !
نہ چھوڑا کوئی رخنہ کذب خفی کا ......... کیا قافیہ تنگ ہر مدعی کا!
کئےجرح و تعدیل کے وضع قانون .........نہ چلنے دیا کوئی باطل کا افسوں
اسی دھن میں آساں کیا ہر سفر کو ......... اسی شوق میں طے کیا بحر و بر کو،
سناخازن علم و دیں جس شہر کو ......... لیا اس سے جاکر خبر او راثر کو
پھر آپ اس کو پرکھا کسوٹی پر رکھ کر .........دیا اور کو خود مزا اس کا چکھ کر
کیا فاش راوی میں جو عیب پایا، ......... مناقب کو چھانا، مثالب کو تایا!
مشائخ میں جو قبح نکلا جتایا ......... ائمہ میں جو داغ دیکھا بتایا
طلسم ورع ہر مقدس کا توڑا ......... نہ ملا کو چھوڑا، نہ صوفی کو چھوڑا
رجال اور اسانید کے جو ہیں دفتر ......... گواہ ان کی آزادی کےہیں پیکر
نہ تھا اُن کا احساں یہ اک اہل دیں پر ......... وہ تھے ان میں ہر قوم و ملت کے رہبر​

 

[عبدالقیوم]

شعر و ادب مولانا عبدالرحمٰن عاجز مالیرکوٹلوی
جن کا اہل معصیت سے ربط و یارانہ رہا

سامنے جب تک نظر کے تیرا کا شانہ رہا

آنکھ مصروف نظارہ، قلب مستانہ رہا
بے قراری میں قرار آیا سرِ راہ وفا

مرحلہ ہر ایک وجہ قرب جانا نہ رہا
میں کہیں بھی تھا کسی بھی غم کسی بھی حال میں

پیش خدمت تیرے، میرے دل کا نذرانہ رہا
حشر کے دن حشر ہوگا تیرا ان لوگوں کے ساتھ

جن سےبھی بزم جہاں میں تیرا یارانہ رہا
سامنے جن کے رہا حبِ امارت کا مآل

حال دل ان کا فقیری میں امیرانہ رہا
میرے افسانے پراک دنیا ہمہ تن گوش تھی

ایک دنیا کی زباں پر میرا افسانہ رہا
شمع محفل تا سحر کچھ اس طرح جلتی رہی

تاسحر گردش میں اس کے گرد پروانہ رہا
عمر بھر جس نےکیا غیروں سے اپنوں سا سلوک

عمر بھی اپنوں میں وہ مسکین بے گانہ رہا
ہوگئے وہ بھی بالآخر غرق بحر معصیت

جن کا اہل معصیت سے ربط و یارانہ رہا
وہ فراز دار ہو یا بُرش تلوار ہو

سربخم تیری رضا پر تیرا دیوانہ رہا
زندگی تیری رہی ہے موت کی دہلیز پر

موت کے مفہوم سے عاجز تو بے گانہ رہا​

۔۔۔۔۔۔:::::::۔۔۔۔۔۔۔​

 

[محمد آصف مغل]

قصّے میری الفت کے جو مرقوم ہیں سارے
آ دیکھ ترے نام سے موسوم ہیں سارے

بس اس لئے ہر کام ادھورا ہہی پڑا ہے
خادم بھی میری قوم کی مخدوم ہیں سارے

اب کون میرے پاؤں کی زنجیر کو کھولے
حاکم میری بستی کےبھی محکوم ہیں سارے

شاید یہ ظرف ہے جو خاموش ہوں اب تک
ورنہ تو ترے عیب بھی معلوم ہیں سارے

سب جرم میری ذات سے منسوب ہیں محسن
کیا میرے سوا اس شہر میں معصوم ہیں سارے
​

 

[محمد آصف مغل]

تو ضبط بھی دے جلال بھی دے مجھے یہ بھی کمال دے
مجھے اپنی راہ پہ ڈال دے کہ زمانہ میری مثال دے

تیری رحمتوں کا نزول ہو مجھے محنتوں کا صلہ ملے
مجھے مال و زر کی ہوس نہ ہو مجھے بس تو رزق حلال دے

میرے ذہن میں تیری فکر ہو میر سانس میں تیرا ذکر ہو
تیرا خوف میری نجات ہو سبھی خوف دل سے نکال دے

تیری باگاہ میں اے اللہ میری روز شب ہے یہی دعا
تو رحیم ہے تو کریم ہے مجھے مشکلوں سے نکال دے​

 

[اخت ولید]

ہجوم کیوں ہے زیادہ شراب خانے میں
فقط یہ بات کہ پیر مغاں ہے مرد خلیق
علامہ اقبال​

 

[اخت ولید]

مجھ سے پہلے بھی مسافر کئی گزرے ہوں گے
کم سے کم راہ کے پتھر تو ہٹاتے جاتے
مجھے رونے کا بھی سلیقہ نہیں آتا شاید
لوگ ہنستے ہیں مجھے دیکھ کہ آتے جاتے​

 

[اخت ولید]

اوروں کے خیالات کی لیتے ہیں تلاشی
اور اپنے گریبانوں میں جھانکا نہیں جاتا
مظفر وارثی​

 

[عدیل سلفی]

ﺷﻮﻕ ﺳﮯ ﺗﻮﮌﻭ ﺩﻝ ﻣﯿﺮﺍ

ﺍﭘﻨﺎ ﮨﯽ ﮔﻬﺮ ﺑﺮﺑﺎﺩ ﮐﺮﻭ ﮔﮯ

 

[قیصر سجاد]

شگاف شہر پناہوں کے بھر بھی سکتے ہیں

ہوا کے سامنے، تنکے ٹھہر بھی سکتے ہیں

نہیں یہ جانتے پتھر اچھالنے والے

سکوں شناس سمندر بپھر بھی سکتے ہیں

بدن شعور پہ قربان ہو بھی سکتا ہے

بقا کی جنگ میں ہم لوگ مر بھی سکتے ہیں