میرے پسندیدہ اشعار

[مظاہر امیر]

کب تک نجات پائیں گے وہم و یقیں سے ہم​

اُلجھے ہُوئے ہیں آج بھی دُنیا و دِیں سے ہم​

یُوں بیٹھتے ہیں بزم میں خلوت گزِیں سے ہم​

لے جائیں اپنے اشک بھی چُن کر زمِیں سے ہم ​

ہر روز اُن کے نام کے سَو پُھول کِھلتے ہیں​

چُن کر قَفس میں لائے ہیں کلیاں کہیں سے ہم​

جب تک تمھارے قدموں کی آہٹ نہیں سُنیں!​

معلُوم اِس مکاں میں ، نہ ہوں گے مکِیں سے ہم ​

منظر، الگ الگ مِلے یہ اور بات ہے!​

ورنہ جہاں سے خضر چلے تھے، وہِیں سے ہم ​

اِک روز چِھین لے گی ہَمِیں سے زمِیں ہَمَیں​

چِھینیں گے کیا ، زمِیں کے خزانے زمِیں سے ہم​

سونے دو اب، کہ صُبحِ قیامت قریب ہے !​

کل، پِھر کہیں گے قصۂ ہستی، یہیں سے ہم​

ہاتھوں میں اپنے، ہاتھ ہمارے لئے رہو​

دُنیا کے بعد اُلجھ نہ پڑیں، آج دِیں سے ہم​

حُسنِ طَلَب میں خُود کو صَبا کھو چُکے ہیں جب !​

اچّھا تو کیوں نہ مانگ لیں خود کو تمھیں سے ہم​

اُن کو سلام کرتے ہیں عُذرِ حَسِیں سے ہم​

جیسے، پسِینہ پونچھ رہے ہوں جَبِیں سے ہم ​

مِل جُل کے داستانِ محبّت تمام ہو​

یعنی !کہِیں سے آپ کہیں، اور کہِیں سے ہم​

جب تک اجَل نہ صُلح کا پیغام لائے گی ​

رُوٹھی رہے گی ہم سے زمِیں، اور زمِیں سے ہم​

ہم بے خبر ہیں اور وہ اِتنے قرِیب ہیں​

دِل سے جواب آئے پُکاریں کہِیں سے ہم​

جب کارواں لُٹا ہے تو رہبر بھی ساتھ تھا​

لُوٹا ہے کِس نے،کہہ نہیں سکتے یقیں سے ہم​

دِل سے، بیانِ جلوہ ہے ،دیکھو تو سادگی !​

ساحِل کا ذکر کرتے ہیں، کِس تہہ نَشِیں سے ہم ​

دیکھیں خُمارِ عِشق میں ،ہو کیسی خوشی نَصِیب​

سرشار ہیں کسی غَمِ کیف آفرِیں سے ہم ​

اِک آخری سلام ، اُنھیں کرکے سو گئے​

یہ کام لے سکے نِگہِ واپسیں سے ہم​

کب تک، یقینِ عِشق ہَمَیں خود نہ آئے گا​

کب تک، مکاں کا حال کہیں گے مکِیں سے ہم ​

اِک جبر لالہ زار کا، آنکھوں میں ہے صَباؔ​

دیکھا کئے ہیں خُون اُبلتا زمِیں سے ہم​

صباؔ اکبر آبادی​

 

[عدیل سلفی]

گفتار کے جواب میں تلوار کی چمک
بزدل حریف کی یہ شکست کی دلیل ہے

​

 

[عدیل سلفی]

وقت پلٹے گا ہماری قسمت کی کایا!
تمہیں ہم بتلائیں گے مکافات عمل کے معنی!

 

[عدیل سلفی]

منصب عشق اجازت نہیں دیتا ورنہ،
تجھ کو اوقات میں لانے کا ہنر جانتے ہیں..!

 

[محمد شاہد]

منصب عشق اجازت نہیں دیتا ورنہ،
تجھ کو اوقات میں لانے کا ہنر جانتے ہیں..!

ﻋﺸﻘﯿﮧ ﺍﺷﻌﺎﺭ ﭘﮍﮬﻨﮯ ﻭﺍﻻ
ﺍﺑﻮ ﺳﻌﯿﺪ ﺧﺪﺭﯼ ؓ ﻓﺮﻣﺎﺗﮯ ﮨﯿﮟ ﮧ ﮨﻢ ﺭﺳﻮﻝ
ﺍﻟﻟﮧ ﷺ ﮐﮯ ﺳﺎﺗﮫ “ ﻋﺮﺝ ”
ﻧﺎﻣﯽ ﺟﮕﮧ ﺳﮯ ﮔﺰﺭ ﺭﮨﮯ ﺗﮭﮯ ﮐﮧ ﺍﭼﺎﻧﮏ
ﺍﯾﮏ ﺷﺎﻋﺮ ﺳﺎﻣﻨﮯ ﺁﯾﺎ۔ ﻭﮦ ﺷﻌﺮ ﮔﻮﺋﯽ ﮐﺮﺭﮨﺎ
ﺗﮭﺎ، ﺗﻮ ﺭﺳﻮﻝ ﺍﻟﻠﮧﷺ ﻧﮯ
ﻓﺮﻣﺎﯾﺎ : ﺷﯿﻄﺎﻥ ﮐﻮ ﭘﮑﮍ ﯾﺎ ﺍﺱ ﺷﯿﻄﺎﻥ ﮐﻮ
ﺭﻭﮐﻮ، ﺗﻢ ﻣﯿﮟ ﺳﮯ ﺍﮔﺮ ﮐﻮﺋﯽ ﺷﺨﺺ ﺍﭘﻨﮯ
ﭘﯿﭧ ﮐﻮ ﭘﯿﭗ ﮐﮯ ﺳﺎﺗﮫ ﺑﮭﺮ ﻟﮯ ﺟﻮ ﺍﺱ ﮐﯽ
ﺁﻧﺘﻮﮞ ﮐﻮ ﮐﺎﭦ ﮐﮯ ﺭﮐﮫ ﺩﮮ ، ﯾﮧ ﺍﺱ ﮐﮯ ﻟﯿﮯ
ﺍﺷﻌﺎﺭ ﯾﺎﺩ ﮐﺮﻧﮯ ﺳﮯ ﺑﮩﺘﺮ ﮨﮯ۔ ‏] ﻣﺴﻠﻢ ، ﮐﺘﺎﺏ
ﺍﻟﺸﻌﺮ، ﺑﺎﺏٌ، ﺣﺪﯾﺚ : ۲۲۵۹

 

[مظاہر امیر]

خاموش ہیں ششدر ہیں پریشان بہت ہیں
کیوں کر نہ ہوں دل ایک ہے ارمان بہت ہیں​

ایسا یہاں کوئی نہیں اپنا جسے کہتے
یوں شہر میں کہنے کو تو انسان بہت ہیں​

افسوس کہ ایمان کی بو تک نہیں آتی
یہ بات الگ صاحبِ ایمان بہت ہیں​

کچھ علم کی دولت بھی عطا کر انھیں مولا
کہنے کو یہاں صاحبِ عرفان بہت ہیں​

اخلاق و محبت سے یہ محروم ہے کیسے؟
اس شہر میں سنتے ہیں مسلمان بہت ہیں​

لیتے نہیں ہم لوگ سبق اس سے کوئی بھی
قرآن میں حکمت کے تو فرمان بہت ہیں​

بس میرؔ کا دیوان ہے گنجینۂ معنی
یوں شہر کی دکانوں پہ دیوان بہت ہیں​

 

[عدیل سلفی]

جو سچ کہوں تو برا لگے جو دلیل دوں تو ذلیل ہوں
یہ سماج جہل کی زد میں ہے، یہاں بات کرنا حرام ہے

 

[عدیل سلفی]

مجھ سے نہ ہوسکے گا "باطل" کا احترام
میری زباں کے واسطے تالے خرید لو

 

[نسیم احمد]

یہ ملک زرداروں کا ہے
لیٹروں کا غداروں کا ہے
ہر شہری دنیا میں بدنام ہے
غلاموں سے بدتر دنیا میں مقام ہے
زبردستی کی آن شان رکھتا ہے
انسان یہاں ٹکے میں بکتا ہے
کوئی روٹی پر بک جاتا ہے
کوئی سودوں میں کمیشن کھاتاہے
منافع کے نام پر سود کھاتا ہے
جنت کا حق دارخود کو بتاتا ہے
صرف ایک بٹن دبانے سے جنت کا ٹکٹ ملتاہے
معصوم کچے ذہنوں کو یہ گندے سبق پڑھاتا ہے
جو پیسہ طاقت یہاں رکھتا ہے
وہی جینے کا حق یہاں رکھتا ہے
کتوں ،گدھوں گوشت کھلاتا ہے
فخر سے ہرسال حج کرنے جاتاہے
دنیا میں اسلام کا علمبردار کہلاتاہے
خباثت باطن سے شیطان بھی شرماتا ہے
نسلوں ، ذاتوں اور فرقوں میں بٹ کر
سچا مسلمان خود کو کہلواتا ہے
جب اس وطن کے باسی کا نام لو
شرم سے خود سر جھک جاتا ہے

 

[عدیل سلفی]

ظالم کے جھوٹ میں بھی غضب اعتماد تھا
ہم کو دروغ گوئی میں سچ کا گماں ہوا ۔۔۔