میرے پسندیدہ اشعار

[مشکٰوۃ]

ہر راہِ زیست اس قدر دشوار ہو گئی​

منزل کا کوئی راستہ آساں نہیں رہا​

کہنے کو یوں تو سینکڑوں ہیں آدمی مگر​

افسوس! ان میں کوئی بھی انساں نہیں رہا​

جاوید قیصر​

 

[ضدی]

کر بلبل و طاوس کی تقلید سے توبہ
بلبل فقط آواز ہے، طاوس فقط رنگ

 

[ضدی]

سبق پھر پڑھ صداقت کا عدالت کا شجاعت کا
لیا جائے گا تجھ سے کا م دنیا کی امامت کا

 

[ضدی]

تعلیم کے تیزاب میں ڈال اس کی خودی کو
ہو جائے ملائم تو جدھر چاہے اُسے پھیر
خودی ہو علم سے محکم تو غیر ت جبریل
خودی ہو عشق سے محکم تو صور اسرافیل​

 

[مشکٰوۃ]

تقلید کی روش سے تو بہتر ہے خود کشی​

رستہ بھی ڈھونڈخضر کا سودا بھی چھوڑ دے​

 

[مشکٰوۃ]

جذبہ تعمیرِ ملت کا چمن بن جائیے​

خدمتِ انسانیت کا بانکپن بن جائیے​

افتخارِ آدمیت کا تقاضہ ہے یہی​

فخرِ ملت، فخرِدیں، فخرِ وطن بن جائیے​

 

[مشکٰوۃ]

خودی کے ساز میں ہے عمرِ جاوداں کا سراغ​

خودی کے سوز سے روشن ہیں امتوں کے چراغ​

 

[حرب بن شداد]

مست رکھو ذکر و فکرِ صبح گاہی میں اسے
پختہ تر کردو مزاجِ خانقاہی میں اسے​

 

[حرب بن شداد]

ابلیس
اے خدائے کن فکاں ! مجھ کو نہ تھا آدم سے بیر
آہ ! وہ زندانیء نزدیک و دور و دیر و زود
حرفِ استکبار ، تیرے سامنے ممکن نہ تھا
ہاں مگر تیری مشیت میں نہ تھا میرا سجود
یزداں
کب کھلا تجھ پر یہ راز ، انکار سے پہلے کے بعد ؟
ابلیس
بعد اے تیری تجلی سے کمالاتِ وجود !
یزداں
(فرشتوں کی طرف دیکھ کر)
پستیء فطرت نے سکھلائی ہے یہ حجت اسے
کہتا ہے تیری مشیت میں نہ تھا میرا سجود
دے رہا ہے اپنی آزادی کو مجبوری کا نام​

 

[مشکٰوۃ]

بقا کی فکر کر خود ہی زندگی کے لئے ​

زمانہ کچھ نہیں کرتا کبھی کسی کے لئے​

مزہ تو تب ہے اس راہ میں جلاؤ چراغ​

جو مدتوں سے ترسی ہو روشنی کے لئے​