میرے پسندیدہ اشعار

[مشکٰوۃ]

نہ جا اس کے تحمل پر کہ بےڈھب ہے گرفت اس کی​

ڈر اس کی دیر گیری سےکہ ہے سخت انتقام اس کا​

 

[ضدی]

میں بھی غم حسین میں شریک ہوں مگر
خالی شکم مجھ سے رویا نہیں جاتا​

 

[مشکٰوۃ]

روئیں وہ جو منکر ہیں شہادتِ حسین ضی اللہ عنہ کے​

ہم زندہ و جاوید کا ماتم نہیں کرتے​

 

[مشکٰوۃ]

اگر عثمانیوں پر کوہِ غم ٹوٹا تو کیاغم ہے​

کہ خونِ صد ہزار انجم سے ہوتی ہے سحر پیدا​

​

جہاں بانی سے ہے دشوار تر کارِجہاں بینی​

جگر خوں ہو تو چشمِ دل میں ہوتی ہے نظر پیدا​

​

 

[ضدی]

حسن کردار سے نور مجسم ہو جا
کہ ابلیس بھی تجھے دیکھے تو مسلمان ہوجائے​

 

[مشکٰوۃ]

بات کردار کی ہوتی ہے وگرنہ عارف​

قد میں انساں سےسایہ بھی بڑا ہوتا ہے​

 

[مشکٰوۃ]

اپنی اذاں کوئی موذن نہ سن سکا​

کانوں پہ ہاتھ رکھے ہوئے بولتا رہا​

 

[ضدی]

مسجد تو بنا دی شب بھر میں ایماں کی حرارت والوں نے
من اپنا پرانا پاپی ہے، برسوں میں نمازی بن نہ سکا​

کیا خوب امیر فیصل کو سنوسی نے پیغام دیا
تو نام و نسب کا حجازی ہے پر دل کا حجازی بن نہ سکا​

 

[ضدی]

کارخانے کا ہے مالک مردک ناکردہ کار
عیش کا پتلا ہے، محنت ہے اسے ناسازگار​

حکم حق ہے لیس للا نسان الا ماسعی
کھائے کیوں مزدور کی محنت کا پھل سرمایہ دار​

 

[مشکٰوۃ]

دانش وروں کے شور میں کچھ بھی نہ کہہ سکا
کی بات جو جہاں پہ وہاں کاٹ دی گئی
اجرت جو اس نے اہنی بڑھانے کی بات کی
مزدور کی زباں تھی زباں کاٹ دی گئی

یادش منصور​