میں جو سوچتا ہوں

[محمد اجمل خان]

اللہ کےسوا کسی اور سے امید رکھنا اکثر دکھ کا باعث بنتا ہے۔

 

[محمد اجمل خان]

عقلمند ہونا اچھی بات ہے
لیکن
عقلمندی جتانا بری بات ہے۔

 

[محمد اجمل خان]

عبرت پکڑنے والے دنیا اور آخرت دونوں میں سرخرو ہوتے ہیں۔

 

[محمد اجمل خان]

ذکر الٰہی میں مشغول دل کو تنہائی کا احساس نہیں ہوتا۔

 

[محمد اجمل خان]

ایک بچے کو اوپر اچھالیں‘ وہ روئے گا نہیں بلکہ ہنسے گا ۔
کیونکہ وہ جانتا ہے آپ اُسے تھام لیں گے‘ گرنے نہیں دیں گے۔
اسے کہتے ہیں یقین۔۔۔۔ کیا ہم اللہ پر اتنا یقین رکھتے ہیں ‘ جو ہمیں ہر لمحے تھامے ہوئے ہیں گرنے نہیں دیتے؟​

 

[محمد اجمل خان]

مصیبت میں ساتھ چھوڑنے والے

اور

مصیبت میں ساتھ دینے والے

ہمیشہ یاد رہتے ہیں۔​

 

[محمد اجمل خان]

نیا اس دنیا میں پیار کرنے والوں کو پھانسی ہو جاتی ہے
لیکن نفرت کرنے والوں کی کوئی سزا نہیں ۔

 

[محمد اجمل خان]

اندھیرے میں خوبصورت اور بد صورت میں کوئی فرق نہیں ہوتا۔

لہذا فرق صرف اندھیرے اور اجالے کا ہے۔​

 

[محمد اجمل خان]

جمہوریت وہ جنگل ہے جہاں ہر لچے‘ لفنگے‘ چور‘ ڈاکو اور رہزن وغیرہ کو پناہ مل جاتی ہے۔

 

[محمد اجمل خان]

سر پر ٹوپی رکهنے کی ایک برکت یہ ہے کہ لوگ راہ چلتے کم از کم سلام تو کرتے ہیں۔

اور اگر ہاتھ میں تسبیح بھی ہو تو ۔۔۔۔۔۔؟​