نظموں کی کہکشاں

[مشکٰوۃ]

بسم اللہ الرحمٰن الرحیم ​

السلام علیکم ورحمۃ اللہ وبرکاتہ​

بچے اس کائنات کے پھول اور اس جہان کا حسن ہیں ۔ ۔ ان کی خوبصورت مسکراہٹوں اور ننھی ننھی شرارتوں کے بغیر ہر گھر سُونا معلوم ہوتا ہے ۔ ۔
ان کی پرورش اور تربیت والدین ،اساتذہ اور بڑوں کی ذمہ داری ہے تا کہ وہ بڑے ہو کر والدین کے لئے باعث رحمت ،صدقہ جاریہ اور ملک و ملت کے لئے بہترین مستقبل ثابت ہوں ۔ ۔

اس تھریڈ میں بچوں کے لئے خوبصورت نطمیں شیئر کریں تا کہ بچے فضول گانوں کی بجائے ،ان نظموں سے مثبت باتیں سیکھ سکیں۔ ۔ ۔

ہم روشن روشن سورج،ہم جھلمل چاند ستارے​

​

​

ہم روشن روشن سورج ،ہم جھل مل چاند ستارے
اقبال کے ہیں ہم شاہیں ،ہم علم کے بہتے دھارے

ہم پاک وطن کا دل ہیں، اس دیس کا مستقبل ہیں
ھم سوچوں کی منزل ہیں، ہم خوابوں کا حاصل ہیں

رہنا ہے اگر بن ٹھن کر ،رہنا ہے جہاں میں تن کر
چلنا ہے راہ عمل پر ،محنت کا پیکر بن کر

ہم کریں ترقی پڑھ کر،سب علم کے زینے چڑھ کر
دیکھے گی ساری دنیا ،دکھلائیں گے آگے بڑھ کر

جو قائد صلی اللہ علیہ وسلم نے فرمایا،وہ ہے اپنا سرمایہ
افضال اگر اپنایا ،ہوگی خوشحال رعایا

ہم روشن روشن سورج ہم جھلمل چاند ستارے
اقبال کےہیں ہم شاہیں ،ہم علم کے بہتے دھارے





​

​

 

[مشکٰوۃ]

ا،ب،ت،ث نشید للاطفال​

 

[محمد وقاص گل]

ماشاء اللہ بہت خوب۔۔۔

 

[محمد وقاص گل]

کچھ یہاں بھی لنکس شیئر ہوئے ہیں
http://forum.mohaddis.com/threads/کہانیوں-کی-دنیا.5533/

 

[نسرین فاطمہ]

ا،ب،ت،ث نشید للاطفال​

میرے پاس تو یہ لنک نہیں کھل رہا۔

 

[مشکٰوۃ]

کچھ یہاں بھی لنکس شیئر ہوئے ہیں
http://forum.mohaddis.com/threads/کہانیوں-کی-دنیا.5533/

ان شاء اللہ نظموں کی کہکشاں کے ساتھ ساتھ کہانیوں کی دنیا کی سیر بھی کریں گے ۔ ۔

میرے پاس تو یہ لنک نہیں کھل رہا۔

شکریہ سسٹر اب چیک کیجئے۔ ۔

ا،ب،ت،ث نشید للاطفال​

 

[محمد وقاص گل]

ان شاء اللہ نظموں کی کہکشاں کے ساتھ ساتھ کہانیوں کی دنیا کی سیر بھی کریں گے ۔ ۔

​

ان شاء اللہ ضرور انتظار رہے گا۔

 

[اخت ولید]

بچوں کے لیے عربی،اردو اور انگلش اناشید اور بہت کچھ ​

 

[مشکٰوۃ]

ہم ہر گز جھوٹ نہ بولیں گے​

​

جس بات پہ ہم منہ کھولیں گے،سچ جھوٹ کو پہلے تولیں گے​

سچے رستے پر ہو لیں گے،کیوں جھوٹے موتی رولیں گے؟​

ہم ہر گز جھوٹ نہ بولیں گے​

​

جس بات پہ ہو ناراض الہ ،ماں باپ الگ ہوں جس سے خفا​

رنجیدہ ہو اُستاد جُدا، اس بات سے ہم کو حاصل کیا؟​

ہم ہر گز جھوٹ نہ بولیں گے​

​

کرتا ہے جھوٹ پہ کون یقیں؟ ، سب جھوٹ پہ کرتے ہیں نفریں​

جھوٹے کی قدر نہیں ہے کہیں،یہ سچ ہے سچ کو آنچ نہیں​

ہم ہر گز جھوٹ نہ بولیں گے​

​

گو سچ پر جان بھی جاتی ہو، گو موت کھڑی دھمکاتی ہو​

پتھر کے نیچے چھاتی ہو، اور سانس اُلٹ کر آتی ہو​

ہم ہر گز جھوٹ نہ بولیں گے​

​

سچ سچ ہے جھوٹ ہے جھوٹ سدا، ذلت انجام ہے جھوٹے کا​

اک بار جو ثابت ہو جھوٹا، اس کی دنیا میں وقعت کیا؟​

ہم ہر گز جھوٹ نہ بولیں گے​

​

سچے کی عزت ہوتی ہے، جھوٹے کی ذلت ہوتی ہے​

سچے پر رحمت ہوتی ہے،جھوٹے پر لعنت ہوتی ہے​

ہم ہر گز جھوٹ نہ بولیں گے​

​

سچ بات کا ہم کو سہارا ہے، سچ جان سے ہم کو پیارا ہے​

دشمن یہ جھوٹ ہمارا ہے،دشمن کو ہم نے مارا ہے​

ہم ہر گز جھوٹ نہ بولیں گے​

​

دی سچی زبان اللہ نے ہمیں ،توبہ! توبہ! کیوں جھوٹ کہیں​

جو جھوٹ کہیں وہ خوار پھریں، یارب! ہم جھوٹ سے دور رہیں آمین​

ہم ہر گز جھوٹ نہ بولیں گے​

​

محروم ہمیں سچ کہتا ہے ، جو سچا ہے خوش رہتا ہے​

ہنس کھیل کے رہتا سہتا ہے ،جو جھوٹا ہے غم سہتا ہے​

ہم ہر گز جھوٹ نہ بولیں گے​

تلوک چند محروم​

 

[محمد وقاص گل]

بچوں کے لیے عربی،اردو اور انگلش اناشید اور بہت کچھ ​

بہت خوب بہن جزاک اللہ خیرا