کیا دورنبوی کریم صلی اللہ علیہ وسلم میں شیشہ(آئینہ ) موجود تھا ؟

[محمد نعیم یونس]

محترم بھائی !
میں نے آغاز میں ہی کہا تھا کہ ہاتھ سے بنائی گئی تصویر الگ ہے۔یہاں موضوع بحث آئینہ ہے۔
آئینہ دیکھتے ہی ہو بہو جاندار یا انسان کی صورت بن جاتی ہے ، بلکل ایسے جیسے کیمرے سے ایک دم ہی تمام تصویر آتی ہے۔
نیز کرنسی نوٹ ، شناختی کارڈ ، ان پر بھی تصویر بنتی ہے ، کیونکہ قانونی طور پر اس کی ضرورت ہے۔لیکن چونکہ آئینہ کی دلیل علماء میں پیش کی گئی ہے۔تو اس تصویر سے کیا حکم اخذ کیا جائے گا!!!

نبی کریم صلی اللہ علیہ وسلم کی حیات مبارکہ میں آئینے کی موجودگی میں ہی تصاویر بنانا ممنوع ہوا تھا۔ آئینہ میں جو عکس بنتا ہے اُس کا ہاتھ یا کیمرے سے بنائی ہوئی تصاویر سے کوئی تعلق نہیں۔ ورنہ آئینہ دیکھنا بھی ممنوع کردیا جاتا۔

 

[Dua]

نبی کریم صلی اللہ علیہ وسلم کی حیات مبارکہ میں آئینے کی موجودگی میں ہی تصاویر بنانا ممنوع ہوا تھا۔

بہت اہم پوائنٹ ہے۔دیکھتے ہیں اس موضوع پر اور کیا پوائنٹس ملتے ہیں۔
پھر مزید بیان کروں گی۔ان شاء اللہ

 

[محمد علی جواد]

محترم بھائی !
میں نے آغاز میں ہی کہا تھا کہ ہاتھ سے بنائی گئی تصویر الگ ہے۔یہاں موضوع بحث آئینہ ہے۔
آئینہ دیکھتے ہی ہو بہو جاندار یا انسان کی صورت بن جاتی ہے ، بلکل ایسے جیسے کیمرے سے ایک دم ہی تمام تصویر آتی ہے۔
نیز کرنسی نوٹ ، شناختی کارڈ ، ان پر بھی تصویر بنتی ہے ، کیونکہ قانونی طور پر اس کی ضرورت ہے۔لیکن چونکہ آئینہ کی دلیل علماء میں پیش کی گئی ہے۔تو اس تصویر سے کیا حکم اخذ کیا جائے گا!!!

السلام علیکم -

جب انسان آئینہ یا پانی میں اپنا عکس دیکھتا ہے تو وہ مستقل ساکن نہیں ہوتا - جب انسان یا کوئی چیز آئینہ یا پانی سے ہٹ جاتی ہے تو عکس ختم ہو جاتا ہے- کیمرے یا موبائل سے بنائی گئی تصویر (جو اگرچہ عکس ہی ہے) چوں کہ مستقل ساکن ہوتی ہے اس لئے جائز نہیں -

کسی جاندار کی تصویر سے فتنہ پیھلنے کا اندیشہ ہوتا ہے -بہت سے لوگ اپنے بہن، بھائی، بیٹی اور عورتوں کی تصویریں فیس بک پر ڈاون لوڈ کرتے ہیں - ان کو جب اسلام کی رو سے حرام قرار دیا جاتا ہے تو لوگوں کی اکثریت چیخ اٹھتی ہے کہ "اسلام اتنا سخت دین نہیں ہے وغیرہ" - لیکن اس تصویر سازی کی بدولت جب کسی گھر کی عزت کا جنازہ نکلتا ہے تو ہوش آتی ہے کہ یہ ہم نے کیا کیا - اسلام یقیناً سخت دین نہیں لیکن یہ دین انسان کے خیر خواہی پر مبنی دین ہے جو لوگوں کی عزتوں کو محفوظ بنانے کے لئے نازل ہوا -

جہاں تک نوٹوں پر یا شناختی کارڈوں پرجانداروں کی تصاویر کا تعلق ہے تو اس کی ذمہ دار حکومت وقت ہے کہ وہ اس کا کوئی نعم البدل پیدا کرے- بصورت دیگر عوام پر اس کا کوئی گناہ نہیں کیوں کہ اس معاملے میں وہ مجبور ہیں -(واللہ اعلم)-

قرآن میں الله کا ارشاد پاک ہے کہ :

لَا يُكَلِّفُ اللَّهُ نَفْسًا إِلَّا وُسْعَهَا ۚ سوره البقرہ ٢٨٦
الله کسی کو اس کی طاقت کے سوا تکلیف نہیں دیتا-

 

[ابن حلبی]

عکس کے عکس قرار پانے کے لیے یہ شرط لازم نہیں کہ جب انسان یا کوئی چیز عکس بنانے والی چیز کے سامنے سے ہٹ جائے تو عکس بھی ختم ہو جائے
آج کل کے دور میں عکس چیز کے ہٹ جانے کے بعد بھی برقرار رکھا جا سکتا ہے
ماضی میں ایسا ممکن نہیں تھا
مگر ماضی میں آئینے پر بننے والا عکس بھی عکس ہی تھا اور آج کیمرے سے بننے والا عکسی فوٹوگراف بھی عکس ہی ہے
عکس کا بننا روشنی کا انعکاسی عمل ہے اور یہ مصوری سے مختلف ہے

دوسرے اگر یہ کہا جائے کہ کیمرے یا موبائل سے بنائی گئی تصویر ساکن ہوتی ہے اس لئے جائز نہیں، کا مطلب یہ ہے کہ ہم یہ طے کر رہے ہیں کہ مصوری کی حرمت کی علت (شرعی وجہ) اس کا ساکن ہونا ہے۔ یہ ایک فرضی بات ہے ۔ شرعی نصوص سے مصوری کے حرام ہونے کی وجہ اس کا ساکن ہونا ہے کی کوئی دلیل مجھے نہیں ملی۔ اگر کوئی ہے تو ضرور بتائی جائے۔

چنانچہ یہ کہنا کہ " - جب انسان یا کوئی چیز آئینہ یا پانی سے ہٹ جاتی ہے تو عکس ختم ہو جاتا ہے- کیمرے یا موبائل سے بنائی گئی تصویر (جو اگرچہ عکس ہی ہے) چوں کہ مستقل ساکن ہوتی ہے اس لئے جائز نہیں" مجھے مضبوط رائے نہیں لگتی۔ واللہ اعلم

 

[آزاد]

آپ کے نزدیک مصوری کے حرام ہونے کی کیا وجہ ہے؟

 

[ابن حلبی]

مصوری کا حرام ہونا ان احادیث کی بنا پر ہے جو اس کے متعلق وارد ہوئی ہیں۔ ان کا اطلاق عکس پر نہیں ہوتا
مصوری کے حرام ہونے کے پیچھے شرع نے وجہ کو بیان نہیں کیا بالکل اسی طرح جیسے شرع نے سور یا گدھے کے حرام ہونے کی وجہ بیان نہیں کی
یا یہ بیان نہیں کیا کہ فجر کی دو رکعتیں ہی کیوں فرض ہیں، چار کیوں نہیں
بعض احکام کی شرع نے وجہ بھی بیان کی ہے جیسا کہ شرع نے گھر میں داخل ہونے کے لیے اجازت ہونے کے حکم کی وجہ بیان کی کہ ایسا گھر میں موجود شخص کے ستر کی جگہ پر نظر پڑنے سے بچنے کے لیے ہے ، چنانچہ ارشاد ہوا:
«إِنَّـمَـا جُعِلَ الاسْـتِـئْذَانُ مِنْ أَجْلِ الْبَصَرِ»
جس حکم کی شرع نے وجہ بیان کی ہے ہم اس کی وجہ کو بیان کریں گے اور کسی اور چیز میں وہ وجہ پائی جائے تو اس کے اوپر بھی اسی حکم کا اطلاق بھی کریں گے، اسے علت کے مشترک ہونے کی وجہ سے حکم کا ایک ہونا کہتے ہیں، دوسرے لفظوں میں یہ شرعی قیاس کی ایک قسم ہے
لیکن جس حکم کے پسِ پردہ شرع نے کوئی وجہ بیان نہیں کی اس کے متعلق ہم اپنی طرف سے کوئی وجہ نہیں بنائیں گے، بلکہ اس پر وقف کیا جائے گا۔

 

[آزاد]

کیا ان احادیث میں موجود الفاظ تصاویر، تماثیل اور تصالیب موجودہ کیمرے سے لی گئی تصاویر پر منطبق نہیں ہوتے؟

 

[محمد نعیم یونس]

عکسی تصاویر یا فوٹو کی شرعی حیثیت

از قلم: ابو الوفاء طارق عادل خان
سے اقتباس​

خلاصہ کلام
اس موضوع سے متعلق ہماری تمام بحث کا حاصل یہ ہے کہ مجسمات جنہیں تماثیل اور تصاویر کہا جاتا ہے مطلقا حرام ہیں جبکہ فوٹو یعنی صورۃ شمسیہ جس کے لیے اردو زبان میں کوئی متبادل لفظ موجود نہیں اسکا حکم مختلف صورتوں میں مختلف ہے اس فوٹو کو ہم عکسی تصاویر سے تعبیر کریں گے۔ پس موجودہ دور کی عکسی تصاویر کو ہم قرآن، اس موضوع سے متعلق تمام احادیث اور عربی لغت کے دقیق مطالعہ کے بعد مندرجہ ذیل تین اقسام میں تقسیم کرسکتے ہیں۔

اولا حرام عکسی تصاویر: اس کی تین قسمیں ہیں۔
1- وہ عکسی تصاویر جو آویزاں کی گئی ہوں خواہ اسکے آویزاں کرنے کا مقصد کچھ بھی ہو مثلا گھروں میں آویزاں کیے جانے والے پورٹریٹ یا کسی قومی یا سیاسی رہنما کی تجارتی مراکز اور دفاتر میں آویزاں کی جانے والی تصاویر وغیرہ۔

2- وہ عکسی تصاویر جو کسی مذہب میں قابل تعظیم ہوں خواہ وہ تصاویر جاندار اجسام کی ہوں یا بے جان کی مثلا صلیب کی تصویر یا کسی مذہبی رہنما کے مزار کی تصویر وغیرہ۔

3- وہ عکسی تصاویر جو کسی ایسے قومی یا مذہبی راہنما کی ہوں جس کی تکریم کی جاتی ہو مثلا کرنسی نوٹ پر طبع شدہ کسی قومی رہنما کی عکسی تصاویر یا کسی انگوٹھی میں نقش کسی مذہبی رہنما کی عکسی تصویر وغیرہ۔

ثانیا مکرو عکسی تصاویر: اس کی تین اقسام ہیں۔
1- وہ عکسی تصاویر جو غیر ذی روح اجسام کی ہوں مگر کسی ایسی جگہ آویزاں ہوں جہاں نماز میں نگاہ پڑتی ہو اور توجہ کو مبذول کرتی ہوں۔

2- وہ عکسی تصاویر جو پامال فرش ہوں ایسی تصاویر اپنی اصل کے اعتبار سے جائز ہیں مگر چونکہ نبی کریم صلی اللہ علیہ وسلم اور صحابہ کرام نے ان سے بھی کراہیت کا اظہار کیا ہے اس لیے مکروہ ہیں۔

3- وہ عکسی تصاویر جو شوقیہ بنائی گئ ہوں اور اتنی چھوٹی ہوں کہ اگر ان کو آویزاں کیا جائے تو دیکھنے والا کچھ فاصلے سے دیکھ کر پہچان نہ سکے کہ یہ تصاویر کس شخص کی ہیں البتہ اسکے باوجود بھی اگر کوئی آویزاں کرے تو مکروہ نہیں بلکہ یہی تصاویر حرام کے درجہ میں داخل ہوجائیں گی۔

ثالثا جائز عکسی تصاویر: اس کی بھی تین قسمیں ہیں۔
1- وہ عکسی تصاویر جو بچوں کے کھلونوں کی صورت میں ہوں جائز ہیں مگر اس وقت تک جب تک کہ ان کو سجاوٹ کے مقصد سے استعمال نہ کیا جائے یعنی کھلونوں کو شوکیس میں سجا دینے سے ان کا حکم بھی بدل جاتا ہے۔

2- وہ عکسی تصاویر جو کسی معاشی، معاشرتی، سماجی یا دینی ضرورت کے تحت بنوائی گئی ہوں جائز ہیں مگر اس وقت تک جب تک کہ ان کو آویزاں نہ کیا جائے یعنی اگر آویزاں کیا جائے تو ان کا حکم تبدیل ہوجائے گا۔

3- وہ عکسی تصاویر جو غیر ذی روح اجسام کی ہوں ہر صورت اور سائز میں جائز ہیں البتہ کسی ایسی جگہ نہ ہوں جہاں نماز کی حالت میں توجہ مبذول ہوتی ہو ورنہ ان کا حکم بھی تبدیل ہوجائے گا۔

مندرجہ بالا تمام تفصیلات ہم نے نہایت عرق ریزی اور ہر دو جانت یعنی عکسی تصاویر کے مخالفین اور موافقین کے دلائل کا بغور مطالعہ کرنے کے بعد ترتیب دی ہیں جس میں بتقاضہ بشری خطاء و ثواب کا امکان بہرحال باقی رہتا ہے اس لیے ہم اپنی تحقیق کو ہرگز اس دعوے کے ساتھ پیش نہیں کررہے کہ جو کچھ ہم نے لکھا وہ حرف آخر ہے بلکہ اس مسئلہ کے ضمن میں حق اور درست موقف کو عوام الناس کے سامنے لانے کی یہ محض ایک کوشش ہے۔
واللہ اعلم وما علینا الابلاغ۔

 

[محمد علی جواد]

عکس کے عکس قرار پانے کے لیے یہ شرط لازم نہیں کہ جب انسان یا کوئی چیز عکس بنانے والی چیز کے سامنے سے ہٹ جائے تو عکس بھی ختم ہو جائے
آج کل کے دور میں عکس چیز کے ہٹ جانے کے بعد بھی برقرار رکھا جا سکتا ہے
ماضی میں ایسا ممکن نہیں تھا
مگر ماضی میں آئینے پر بننے والا عکس بھی عکس ہی تھا اور آج کیمرے سے بننے والا عکسی فوٹوگراف بھی عکس ہی ہے
عکس کا بننا روشنی کا انعکاسی عمل ہے اور یہ مصوری سے مختلف ہے

دوسرے اگر یہ کہا جائے کہ کیمرے یا موبائل سے بنائی گئی تصویر ساکن ہوتی ہے اس لئے جائز نہیں، کا مطلب یہ ہے کہ ہم یہ طے کر رہے ہیں کہ مصوری کی حرمت کی علت (شرعی وجہ) اس کا ساکن ہونا ہے۔ یہ ایک فرضی بات ہے ۔ شرعی نصوص سے مصوری کے حرام ہونے کی وجہ اس کا ساکن ہونا ہے کی کوئی دلیل مجھے نہیں ملی۔ اگر کوئی ہے تو ضرور بتائی جائے۔

چنانچہ یہ کہنا کہ " - جب انسان یا کوئی چیز آئینہ یا پانی سے ہٹ جاتی ہے تو عکس ختم ہو جاتا ہے- کیمرے یا موبائل سے بنائی گئی تصویر (جو اگرچہ عکس ہی ہے) چوں کہ مستقل ساکن ہوتی ہے اس لئے جائز نہیں" مجھے مضبوط رائے نہیں لگتی۔ واللہ اعلم

السلام علیکم -

محترم شاید آپ میری بات سمجھے نہیں -جاندار چیزوں کی عام تصاویر یا کیمرے سے لی گئی تصاویر کی شرعی ممانعت اس بنا پر ہے کہ یہ فتنہ پیدا کرنے والی چیزیں ہیں -اور فتنہ اس وقت ہی پیدا ہو سکتا ہے جب یہ تصاویر کہیں محفوظ ہوں- جبکہ آئینہ یا پانی پر بننے والا عکس محفوظ نہیں ہوتا- یہ عام فہم بات ہے کہ جب آپ آئینے کے سامنے کھڑے ہوتے ہیں تو آپ کو اپنا عکس نظر آتا رہتا ہے اور جب آپ وہاں سے ہٹ جاتے ہیں تو عکس بھی غائب ہو جاتا ہے - آپ کا یہ کہنا کہ "آج کل کے دور میں عکس چیز کے ہٹ جانے کے بعد بھی برقرار رکھا جا سکتا ہے"- اس کی کوئی سائنسی توجیح پیش کریں تا کہ اس کی شرعی حثیت کو جانچا جا سکے -

 

[ابن حلبی]

آپ نے یہ سب بنی ہوئی یا کھینچی ہوئی تصاویر کے استعمال کے متعلق بیان کیا ہے
اور میں اس سے عمومی طور پر اتفاق کرتا ہوں
مگر فوٹوگرافک تصویر کھینچنا اور کھینچی ہوئی تصویر کا استعمال دو مختلف عمل ہیں