یہ ایک سازش ہے کہ شیخ الاسلام نے بعض مسائل میں شدت سے کام لیا تھا اور اس کا مقصد صرف یہ ہے کہ سانپ بھی مرجائے اور لاٹھی بھی نہ ٹوٹے یعنی شیخ الاسلام ابن تیمہ رحمہ نے حنفیت کے خلاف جو کچھ کہا ہے اس کی تردید آسان ہو ، ورنہ انہیں شیخ الاسلام نے حنبلیت ، شافعیت اور مالکیت کے خلاف بھی مسائل بیان کئے ہیں لیکن ان میں مسائل میں آپ کو شدت کا نام ونشان بھی نظر نہ آئے گا۔
لگتاہے کہ آنجناب نے سازش کا پوراسبق پڑھ رکھاہے ایک ہمارے اسرار عالم صاحب تھے جنہوں نے یہودیوں پر کئی کتابیں لکھیں اورایسالگتاتھاکہ اگران کے باورچی خانے میں گلاس بھی ٹوٹے تواس میں یہودیوں کا ہاتھ ہوگا اورایک آنجناب ہیں کہ حنفیہ کی سازش کو سونگھنے میں لگے ہیں۔ قوت شامہ اگربہت اچھی ہے توآپ بہت کام کے آدمی ہیں۔
یہ بتاناپسند کریں گے کس نے یہ سازش کی۔ اس سازش کاانکشاف کسی نےآپ کے پاس جاکر کیایہ اس کے حق مین تاریخی دستاویزات اورثبوت موجود ہیں اوریہ سازش کب سے شروع ہوئی اوریہ صرف سازش ہے یاعلمی وفکری اختلاف ہے؟
جی ہاں پوری طرح اس لئے منقح نہیں ہے کیونکہ آپ کے خلاف پیش کیا گیا ہے اگر آپ کے موافق پیش کیاجائے تو آپ ہی اسے منقح ثابت کرنے میں ایڑی چوٹی کا زور لگادیں گے جیسا کہ اس ٹھریڈ (بدعتیوں کی ایک نشانی، شیخ الاسلام ابن تیمیہ کی زبانی) میں آپ نے کیا ہے۔
بدگمانی کا مرض بہت براہواکرتاہے لوگ کہتے ہیں کہ یہ ایسامرض ہے جوکسی کولاحق ہوجائے تواس کی پوری زندگی تباہ کردیتاہے۔ برائے خدا اس مہلک مرض سے نجات حاصل کریں ! ویسے آپ کی جسارت کی داد دینی پڑتی ہے کہ نیت تک پر حکم لگارہے ہیں۔ شاید اس کے بارے مین بھی کوئی صریحاحدیث وارد ہوئی ہو۔
کوئی بھی صاحب اس تھریڈ میں جاکر دیکھ سکتے ہیں کہ میں نے ایڑی چوٹی کا کون سے زورلگایاہے اورپھر ہوسکے توکفایت اللہ صاحب کوان کی غلط بیانی پر متنبہ کریں۔
ہم اب بھی آپ سے یہی کہتے ہیں کہ شیخ الاسلام کسی بات سے آپ کو اختلاف ہو تو شوق سے اختلاف کریں لیکن خواہ مخواہ انہیں معیوب اوصاف سے متصف نہ کریں ،
میں نے انہیں کن معیوب اوصاف سے متصف کیاہے ذرا مثالوں سے واضح کریں۔ طبعیت مین حدت وشدت معیوب بات ہے؟ تحریرمیں اگرنسبتااعتدال وتوازن کی کمی ہے تویہ کوئی عیب کی بات نہیں ہے بلکہ اس کی وجہ یہ رہی کہ ان کی زیادہ ترتحریرین مناظرہ کے طورپر لکھی گئی اورکسی کے رد میں لکھی گئیں ایسی تحریروں میں اعتدال وتوازن عموماکم ہوتاہی ہے۔ یہ بھی شیخ الاسلام کاکمال ہے کہ ان کی تحریریں نسبتا اعتدال سے خالی ہیں۔ ورنہ دیگر مناظرین کے حالات دیکھئے۔ رائی کو پہاڑ بنادیتے ہیں۔ ؟
یہ بات توشیخ الاسلام کی کتابوں کا مطالعہ کرنے والاہرفرد بذات خود ہی جان لے گا بشرطیکہ سلفیوں کی طرح شیخ الاسلام کے حق میں متعصب نہ ہو۔
نقد رجال میں تشدد اور شرعی مسائل کے بیان میں تشدد دونوں الگ الگ چیز ہے ، خلط ملط نہ کریں۔
کیانکتہ بیان کیاہے آنجناب نے! شرعی مسائل کے اصول مین حدیث شامل ہے اورحدیث کے اثبات ونفی کا دارومدار نقد رجال پرہے اورآنجناب فرمارہے ہیں دونوں الگ چیز ہے۔ ویسے آنجناب میرے لفظ تشدد کو ایک موقع پر غلط باتیں بیان کرنے سے تعبیر کیاہے تواسی تعبیر کے مطابق پوچھ رہاہوں کہ کیانقد رجال میں غلط باتیں بیان کرنے کی اجازت ہے۔
۔اس کا مفہوم مخالف یہ نکالاکہ حدیث میں آنجناب کے بقول تشدد جائز ہے شرعی مسائل میں جائزنہیں۔ یہ انوکھاقاعدہ علم جرح وتعدل کی کس کتاب سے اخذ کیاہے ہمیں بھی بتایئے۔
الزاما کوئی بات پیش کرنا طعن وتشنیع نہیں ہوتا ، پہلے ہی اس کی وضاحت کی جاچکی ہے کہ اہل تشیع کو جواب دینے کے لئے کبھی کبھار علی رضی اللہ عنہ کے بعض خوبیوں کا تذکرہ کیا جاتا ہے اس سے علی رضی اللہ عنہ کی تنقیص مقصود نہیں ہوتی ہے۔
کسی بات کو محض الزاما پیش کرنااکابرامت کے تعلق سے میرے نزدیک سخت قابل اعتراض بات ہے۔ کوئی تحقیقی بات ہوتوضرور کریں۔ لیکن الزاما کوئی بات پیش نہ کرسکیں۔ مثلاشیعہ حضرات حضرات شیخین رضی اللہ عنہما کے تعلق سے بے ہودہ باتیں کرتے ہیں توکیاالزاماہم اہل بیت کے تعلق سے ویسی ہی بیہودہ باتیں کہیں گے نعوذباللہ من سوء الفہم،یہ خیال بھی میرے نزدیک بے غیرتی کی نشانی ہے۔
اس کی ایک معمولی مثال لیں۔ رشتہ داروں میں جھگڑے ہوتے ہیں۔ ایک جانب کے لوگ کم عقل ہیں اورجھگڑے کے مارے عقل سے مائوف ہوکر اپنے ہی بزرگ رشتہ داروں پر جوبطورفریق ہیں گالیاں دینے لگتاہے برابھلاکہتاہے توکون شریف آدمی اس کے جواب میں اپنے دوسرے بزرگوں کو گالیاں دے گا۔ یاتووہ خاموش کرائے گا۔یااپنی برات بیان کرے گا۔یااس کے مقابلہ میں لاحول پڑھے گا۔ جو شق الزاماوالی آپ نے بیان کی ہے وہ آپ کاہی جگر اورحصہ ہے۔
ویسے تحریر کا یہ ٹکرالاجواب ہے۔
اہل تشیع کو جواب دینے کے لئے کبھی کبھار علی رضی اللہ عنہ کے بعض خوبیوں کا تذکرہ کیا جاتا ہے
میرے خیال سے خوبیوں کے بجائے آنجناب خامیوں لکھناچاہ رہے ہوں گے لیکن ہمت نہیں پڑی ہوگی اس لئے اس کوخوبیوں سے بدل دیا۔ویسے یہ ٹائپنگ کی بھی غلطی ہوسکتی ہے۔ اگرٹائپنگ کی غلطی نہیں ہے توہمیں دس بارہ خامیاں حضرت علی رضی اللہ عنہ کی بتایئے تاکہ ہمارے علم میں اضافہ ہو۔
ویسے بقول ابن حجر حضرت ابن تیمیہ نے 17مسائل بتائے ہیں اورایک موقع پر کہاکہ حضرت علی نے کتاب اللہ کی مخالفت کی ۔ یہ ان کاہی جگر تھا۔ جیساکہ الدرالکامنہ میں موجود ہے۔ اورایک موقع پر تو حضرت عمرکی غلطی بھی بیان کی تھی۔
حتى انتهى إلى عمر فخطأه في شيء فبلغ الشيخ إبراهيم الرقي فأنكر عليه فذهب إليه واعتذر واستغفر وقال في حق علي أخطأ في سبعة عشر شيئا ثم خالف فيها نص الكتاب منها اعتداد المتوفى عنها زوجها أطول الأجلين وكان لتعصبه لمذهب الحنابلة يقع في الأشاعرة حتى أنه سب الغزالي فقام عليه قوم كادوا يقتلونه۔۔۔۔۔۔۔۔۔۔۔۔۔۔ (1/179)
میرے خیال میں تویہ سب ان کی حدت مزاجی کاہی کرشمہ تھا۔ورنہ ایسانہیں کہ ان سے علم وفن مین ان سے بڑے عالم نہیں گزرے۔حافظ ابن عبدالبر امام طحاوی وغیرہ کامقام ان سے بلند وبالاہے لیکن اس طرح کے الفاظ کسی نے بھی نہیں کہے۔
بہرحال جب بحث ابن تیمیہ کی حدت مزاجی پر چل پڑی ہے تواس کو پورے طورپر مدلل کریں گے اورصرف خارجی قرائن ہی نہیں بلکہ داخلی قرائن سے بھی اس کے ثبوت پیش کریں گےاگروقت فرصت اورموقعہ نصیب رہا۔
الٹاچور کوتوال کو ڈانٹے !دوسری بحث خود آپ نے شروع کی ہے موضوع تھا تقلید ، اس پر بات کرنے کے بجائے آپ شیخ الاسلام کی تحریر وں میں شدت دکھانے پر اتر آئے ، قصور آپ کا نہیں قصور آپ کے حکیم الامت کا ہے جنہوں نے ایسے مواقع کے لئے آپ کو یہ پڑیا عنایت کی ہے۔
میرایہ شک گہراہوتاجارہاہے کہ آج کل آنجناب کم سورہے ہیں اس لئے بیداری میں بھی پوری طرح بیدار نہیں رہتے بلکہ جوچاہتے ہیں لکھ دیتے ہیں بغیر غوروفکر کئے ہوئے۔
آپ نے ابن تیمیہ کاآدھاادھوراکلام نقل کیا۔ اس پر میں نے ایک مراسلہ لکھا۔ اس کے بعد آنجناب نے برادرم عبداللہ حیدر کے توجہ دلانے پر پوراکلام لکھا۔ غلطی کس کی ہے اس کو ہم نظرانداز کرتے ہیں۔
بات یہاں ختم ہوجاتی ۔آپ نے پھر سے مراسلہ بازی شروع کردی ۔ اورحضرت ابن تیمیہ کی شدت پسندی جوثبات شدہ حقیقت ہے اس پر بحث شروع کردی جس پر یہ بات آگے بڑھ رہی ہے اگر غوروفکر سے کام لیں گے توآنجناب پرپوری طرح واضح ہوجائے کہ آنجناب ہی البادی ہیں لہذا اظلم کے مصداق بھی ہیں۔والسلام
![محدث فورم [Mohaddis Forum]](/styles/default/xenforo/Forum.jpg)
