کیا میاں بیوی کے جوڑے آسمان پہ بنتے ہیں ؟

[مقبول احمد سلفی]

لوگوں میں رشتے کی بابت مشہور ہے کہ یہ آسمان پہ بنتے ہیں یعنی رشتہ نوشتہ ہوتا ہے ۔ کیا یہ بات صحیح ہے کہ رشتہ آسمان پہ بنتاہے ؟
اللہ تعالی نے قرآن میں متعدد جگہ مخلوق کے متعلق جوڑا جوڑا بنانے کا ذکر کیا ہے ۔ انسانوں کے متعلق اللہ تعالی فرماتا ہے :
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (الروم:21)
ترجمہ: اور اس کی نشانیوں میں سے ہے کہ تمہاری ہی جنس سے تمہاری بیویاں پیدا کیں تاکہ تم ان سے آرام پاؤ، اس نے تمہارے درمیان محبت اور ہمدردی قائم کردی ، یقینا غوروفکر کرنے والوں کے لئے اس میں بہت سی نشانیاں ہیں۔
اس آیت سے پتہ چلتا ہے کہ اللہ تعالی نے مردوں کے لئے اسی کى جنس سے ہی عورتوں کو پیدا کیا ہے تاکہ ایک دوسرے سے شادی کرکے جوڑا جوڑا بن جائے اور ایک دوسرے کے راحت وسکون کا باعث بن جائے ۔اگر مرد وعورت کی جنس الگ الگ ہوتی مثلا مرد انسانوں میں سے اور عورتیں حیوان میں سے تو ایک پھر دوسرے کا جوڑا بننا اور قلبی سکون ملنا ناممکن تھا۔ اس وجہ سے اللہ تعالی نے مرد کو اسی کی جنس سے بیوی اور عورت کو بھی اپنی ہی جنس سے شوہردیا۔ پھر اللہ نے ہمیں جوڑے بننے اور زندگی گذارنے کا سنہرا اصول بھی دیاجسے شادی کہتے ہیں ۔
اسلام کی رو سے مردوں کو نیک بیوی کا انتخاب کرنے کا حکم دیا ہے تاکہ رشتہ ازدواج کی بنیاد صالح ہو اور بقیہ زندگی اسی بنیاد پہ رشتہ قائم رہے ۔
ان باتوں سے ہمیں یہ معلوم ہوگیا کہ جوڑا بنا دیا گیا ہے رشتہ ہمیں بنانا ہے ۔ یہ ہمارے ہاتھ میں ہے کہ کس سے رشتہ بنارہے ہیں ؟
ہاں ایک اور بات یہ بھی ہے کہ آسمان میں لوح محفوظ میں ہمارا رشتہ بھی لکھا ہوا جیسے ہماری تقدیر لکھی ہوئی ہے ۔ تو یہ اس وجہ سے ہے کہ اللہ تعالی کے علم میں پہلے سے ہی یہ بات ہے کہ ہم زندگی میں کیا کیا کرنے والے ہیں؟۔

 

[عبدالقیوم]

پھر رشتہ میں پریشانیاں اورتنگیاں کیوں ہوتی ہیں

 

[محمد نعیم یونس]

پھر رشتہ میں پریشانیاں اورتنگیاں کیوں ہوتی ہیں

السلام علیکم ورحمۃ اللہ وبرکاتہ!
پریشانیاں اور تنگیاں تو زندگی کے ہر میدان میں آسکتی ہیں..ابتسامہ!
مثلا
کھانا ہضم کرنے میں بھی پریشانی ہو سکتی ہے اور اسکے اخراج میں بھی تنگی ہو سکتی ہے...ابتسامہ!
کوئی کتاب ڈاؤن لوڈ کرنے میں بھی پریشانی ہوسکتی ہے..

 

[عبدالقیوم]

بہت اچھا

 

[عبدالقیوم]

مجھے ان مصنف کی اب ساری کتابیں ڈاؤنلوڈ کرنیں ہیں

 

[عبدالقیوم]

السلام علیکم ورحمۃ اللہ وبرکاتہ!
پریشانیاں اور تنگیاں تو زندگی کے ہر میدان میں آسکتی ہیں..ابتسامہ!
مثلا
کھانا ہضم کرنے میں بھی پریشانی ہو سکتی ہے اور اسکے اخراج میں بھی تنگی ہو سکتی ہے...ابتسامہ!
کوئی کتاب ڈاؤن لوڈ کرنے میں بھی پریشانی ہوسکتی ہے..

آپ نے ہمارا مقصد اور پریشانی تو سمجھی ہوگی نا

 

[محمد طارق عبداللہ]

پھر رشتہ میں پریشانیاں اورتنگیاں کیوں ہوتی ہیں

پریشانیاں ، تنگیاں ، نا اتفاقیاں وغیرہ بهی هوتی ہیں ، انہیں آزمائشیں سمجهنا چاہیئے اور آزمائشوں میں ایمان پر قائم رهنا ، صحیح فیصلہ اختیار کرنا ، صلہ رحمی کرنا اپنے لیئے اجر مہیا کرنا هے ۔ اللہ هم سبکو آزمائشوں سے بچائے اور ہماری دنیوی اور اخروی دونوں حیاتوں کو سہل اور پرمسرت بنائے ۔ آمین

 

[مقبول احمد سلفی]

اضافے کے لئے سارے بھائیوں کا مشکور ہوں ۔

 

[عدیل سلفی]

السلام علیکم ورحمۃ اللہ وبرکاتہ!
پریشانیاں اور تنگیاں تو زندگی کے ہر میدان میں آسکتی ہیں..ابتسامہ!
مثلا
کھانا ہضم کرنے میں بھی پریشانی ہو سکتی ہے اور اسکے اخراج میں بھی تنگی ہو سکتی ہے...ابتسامہ!
کوئی کتاب ڈاؤن لوڈ کرنے میں بھی پریشانی ہوسکتی ہے..

ابتسامہ