کیا یہ کہنا درست ہے کہ "میں اللہ کو حاضر ناضر جان کر قسم اٹھاتا ہوں" ؟

[ابو عقاشہ]

السلام و علیکم ورحمتہ اللہ

محترم کیا یہ کہنا درست ہے کہ "میں اللہ کو حاضر ناضر جان کر قسم اٹھاتا ہوں" ؟
اور کیا اللہ ہر جگہ موجود ہے؟
اس مسئلے کے بارے میں صحیح عقیدہ کیا ہے؟

برائے مہربانی قرآن و حد یث کی روشنی میں وضاحت کریں۔

جزاک اللہ خیرالجزاء

 

[رفیق طاھر]

۱۔ اللہ تعالى کی صفات میں صفت حاضر یا ناظر نہیں ہے !!!
۲۔ اللہ تعالى کے متعلق ہر جگہ موجود ہونے کا عقیدہ درست نہیں ۔
۳۔صحیح عقیدہ یہ ہے کہ اللہ نے اپنے بارہ میں جس جس جگہ کے بارہ میں فرمایا ہے کہ میں وہاں وہاں ہوتا ہوں ہمارا عقیدہ ہے کہ اللہ وہاں وہاں ہوتا ہے ۔
یاد رہے کہ تعدد مکان تعدد مکین کو مخلوق میں تو مستلزم ہے خالق میں نہیں !!! کیونکہ لیس کمثلہ شیء

 

[ابو عقاشہ]

جزاک اللہ خیراً محترم رفیق طاھر۔ اللہ آپ کے علم و فضل میں مزید اضافہ کرے۔
محترم اگر زرا تفصیل سے وضاحت فرما دیں گے تو اس نا چیز کا بھلا ہو جائے گا۔
1 ۔ ایک تو حاضر و ناضر کے معنی اور مفہوم بیان کردیں۔
2۔ کیا یہ کہا جا سکتا ہے کہ اللہ اپنے علم اور قدرت کی بنا پر حاضر و ناضر ہے۔
دراصل میں کچھ اہل حدیث علماء کو اس لفظ کو بیان کرتے ہوے سنا ہے۔
بلکہ علامہ محمد رئیس ندوی رحمتہ اللہ علیہ کی کتاب " تصحیح العقائد" کے صفحہ نمبر 33 پر اس لفظ کو استعمال کیا ہے۔

اب انہوں نے اس آیت کا ترجمہ کیسے کیا ہے یہ نہیں پتا؟

شکریہ

 

[رفیق طاھر]

۱۔ حاضر کا لفظ تو اردو زبان میں بھی اسی معنى میں استعمال ہوتا ہے جس معنى میں عربی لغت میں استعمال کیا جاتا ہے ۔ ناظر کے معنى ہے دیکھنے والا ۔
لیکن یہ یاد رہے کہ ناظر اور بصیر کا معنى اگرچہ اردو زبان میں ایک ہی ہے لیکن عربی میں ناظر اور بصیر کے مابین فرق ہے ۔
۲۔ نہیں کہا جاسکتا !
کیونکہ
اللہ کا علم ایک الگ وصف ہے اور اللہ کی قدرت ایک الگ وصف ہے ، جب کہ کسی کا حاضر ہونا یا ناظر ہونا بھی علیحدہ علیحدہ اوصاف ہیں ۔ اگر کوئی ایک صفت بول کر دوسری صفت مراد لی جائے تو ایک صفت کا انکار لازم آتا ہے ۔
خوب سمجھ لیں ۔
مولانا رئیس ندوی صاحب نے اس موقف پر کوئی دلیل پیش نہیں فرمائی ۔

 

[Aamir]

یا آپ طالبارحمان صاحب کی یہ ویڈیو بھی دیکھ سکتے ہے. جس میں طالب رحمان صاحب نے بوہوت ہی عمدہ طریقے سے اس مسلے پر روشنی دہلی ہے.
We Are Muslims: Allah Kahan Hai ? - Talib ur Rehman

آپ اس pamphlets کے ذریے بھی اپنا جواب پا سکتے ہے،

We Are Muslims: Kya Allah Har Jagah Mojood Hai? (Pamphlets)

 

[راجا]

یعنی پہلے تو نبی کو حاضر ناضر کہنے پر اختلاف ہوتا تھا۔ اب اللہ تعالیٰ کو حاضر ناضر کہنے پر بھی مسئلہ ہی ہے۔ سوال یہ ہے کہ ہم حاضر ناضر اردو میں کہتے ہیں تو عربی میں چاہے کچھ بھی کہتے ہوں بہرحال اردو میں حاضر ناضر کا جو معنی لیا جاتا ہے وہ معنی تو ثابت ہے کہ وہ بھی نہیں؟

 

[ابوالحسن علوی]

سوال در اصل اردو محاوہ اور استعمال کے اعتبار سے تھا اور اردو محاورہ میں کسی کے حاضر ہونے کا معنی ’ساتھ ہونا‘ ہوتا ہے۔ اسی لیے حاضر کا متضاد ’غائب‘ ہے نہ کہ غیر موجود۔
اور کسی کے ناظر ہونے کا مطلب ’دیکھنے والا ہونا‘ ہوتا ہے۔
پس اردو محاورہ اور استعمال کے اعتبار سے اللہ تعالیٰ کو حاضر ناظر کہہ سکتے ہیں یعنی حاضر ہونے کا مطلب ہے کہ وہ ہمارے ساتھ ہے جیسا کہ ارشاد باری تعالیٰ ہے:
و ھو معکم اینما کنتم۔
اور وہ تمہارے ساتھ ہے، جہاں بھی تم ہو۔
اسی طرح اردو محاورہ کے مطابق اللہ تعالیٰ ناظر یعنی دیکھنے والا بھی ہے جیسا کہ ارشاد باری تعالیٰ ہے:
ان اللہ سمیع بصیر۔
پس اگر تو حاضر ناظر ہونے سے مراد اللہ کی صفت معیت اور صفت بصارت کا ترجمہ ہے تو اس کا استعمال درست ہے ۔ اور اگر یہ صفات مراد نہیں ہیں اور اللہ کی ذات کا تعارف کچھ نئے الفاظ سے کروانا مقصود ہے تو ان الفاظ کا استعمال درست نہیں ہے۔واللہ اعلم بالصواب

 

[انس]

میں سمجھتا ہوں کہ اللہ کے تعالیٰ کے حاضر ہونے کے متعلّق محترم رفیق طاہر﷾ وابو الحسن علوی﷾ دونوں بھائیوں کی رائے میں ’کوئی اختلاف‘ نہیں۔ کیونکہ رفیق طاہر بھائی کے نزدیک

۲۔ اللہ تعالى کے متعلق ہر جگہ موجود ہونے کا عقیدہ درست نہیں ۔
۳۔صحیح عقیدہ یہ ہے کہ اللہ نے اپنے بارہ میں جس جس جگہ کے بارہ میں فرمایا ہے کہ میں وہاں وہاں ہوتا ہوں ہمارا عقیدہ ہے کہ اللہ وہاں وہاں ہوتا ہے۔

گویا رفیق بھائی کے نزدیک اللہ تعالیٰ ہر جگہ حاضر نہیں، بلکہ جہاں جہاں اللہ نے فرما دیا وہاں وہاں حاضر ہیں، جبکہ علوی بھائی کا کہنا ہے کہ

پس اردو محاورہ اور استعمال کے اعتبار سے اللہ تعالیٰ کو حاضر ناظر کہہ سکتے ہیں یعنی حاضر ہونے کا مطلب ہے کہ وہ ہمارے ساتھ ہے جیسا کہ ارشاد باری تعالیٰ ہے:
و ھو معکم اینما کنتم۔
اور وہ تمہارے ساتھ ہے، جہاں بھی تم ہو۔

گویا علوی بھائی کا موقف بھی یہی ہے کہ اللہ تعالیٰ ہمارے ساتھ حاضر ہوتے ہیں، ہم جہاں بھی ہوں۔ (ان کے نزدیک بھی اللہ تعالیٰ ہر جگہ حاضر نہیں۔ کیونکہ اس کی کوئی دلیل کتاب وسنت میں نہیں ہے) گویا دونوں بھائیوں کی رائے بالکل ایک ہے، وللہ الحمد!
جہاں تک ناظر (یہ لفظ ’ناضر‘ نہیں ہے، کیونکہ ناضر کا مطلب تر وتازہ ہوتا ہے۔) ہونے کا معاملہ ہے تو اللہ تعٰالیٰ ہر شے کو دیکھ رہے ہیں، (اگرچہ ’ناظر‘ اللہ کا نام نہیں۔) جس کیلئے علوی بھائی نے درج ذیل دلیل پیش کی ہے:

اسی طرح اردو محاورہ کے مطابق اللہ تعالیٰ ناظر یعنی دیکھنے والا بھی ہے جیسا کہ ارشاد باری تعالیٰ ہے:
ان اللہ سمیع بصیر۔

واللہ تعالیٰ اعلم

 

[اكرام محمدی]

السلام و علیکم ۔
جزاک اللہ رفیق بھائی عمدہ جواب دیا ہے۔

 

[رفیق طاھر]

میں سمجھتا ہوں کہ اللہ کے تعالیٰ کے حاضر ہونے کے متعلّق محترم رفیق طاہر﷾ وابو الحسن علوی﷾ دونوں بھائیوں کی رائے میں ’کوئی اختلاف‘ نہیں۔
واللہ تعالیٰ اعلم

درست سمجھے ہیں جناب !
بارک اللہ فیکم
ہم دنوں کے کلام میں یہی بات قدر مشترک ہے کہ حاضر اور ناظر اللہ تعالی کی خاص صفات نہیں ہیں ۔ اور اللہ تعالى ہر جگہ حاضر وناظر نہیں ہے
اللہ کی معیت اور اللہ کا بصیر ہونا رب العزت کی مستقل صفات ہیں۔