یاد داشت تیز کرنا

[خضر حیات]

نہیں میرے بھائی میں نیم حکیم والی بات نہیں میں خود ہومیو ڈاکٹر ہوں ساتھ میں ہومیو دوا بھی لکھی ہے اور یہ نسخہ ہمارے بزرگوں سے چلا آرہا ہے اس میں مضر کوئی چیز نہیں آپ استعمال کر کہ اس کے کرشمہ دیکھیں ۔

غالبا بہن نسرین فاطمہ نے ہی تین ماہ پہلے صراط الہدی فورم پر یہ نسخہ لکھا تھا ۔ اس وقت سے میں نے یہ نسخہ اپنے پاس محفوظ کر لیا ابھی تقریبا مہینہ ہوگیا ہے تیار کرکے ایک دو دفعہ استعمال کیا لیکن چونکہ پتہ نہیں تھا کہ یہ نسخہ صرف’’ حکیم ‘‘ صاحب کا ہے یا پھر ساتھ ’’نیم ‘‘ بھی شامل ہے ۔ اس وجہ سے احتیاط سے نہیں استعمال کر سکا ۔
اب الحمد للہ یقین ہوگیا ہے اور بہت خوشی ہوئی ہے ۔ آئندہ کوشش کر کے باقاعدگی سے استعمال کروں گا ۔
بہن نسرین صاحبہ ! صرف نسخہ کے ساتھ کا م چل سکتا ہے یا پھر یہ ہومیو پیتھک والی دوائی بھی استعمال کرنا لازمی ہے ؟ میرا مطلب اس کے بغیر بچپن کی باتیں یاد کی جا سکتی ہیں ؟
اسی طرح آپ نے لکھا ہے کہ نہار منہ اس کو استعمال کرنا ہے ۔ مطلب صبح بیدار ہوتے ہی ضروری ہے یا پہلے پانی وغیرہ یا کوئی چیز کھائی جاسکتی ہے ؟
ذرا تفصیل سے بتادیں کیونکہ مجھے ذہین بننے کا کافی شوق ہے ۔ اللہ آپ کو جزائے خیر عطا فرمائے ۔

 

[محمد ارسلان]

السلام علیکم
بہن نسرین کے بارے میں یہ جان کر خوشی ہوئی کہ وہ ہومیو ڈاکٹر ہیں۔میں کافی عرصے سے سوچ رہا تھا کہ ہمارے محدث فورم پر کوئی ڈاکٹر ہونا چاہیے جو ہمیں اچھے اور قیمتی مشورے دے۔
مجھے کوئی ایسا نسخہ بتائیں جس سے میری بھولنے کی عادت کم ہو،میں یاد کرنے پر آؤں تو ماضی کی پرانی باتیں یاد کر لیتا ہوں اور بھولنے پر آؤں تو پرچی پر لکھے ہوئے کام بھی بھول جاتا ہوں۔مجھے ایسا نسخہ بتائیں جس سے میرا دماغ تیز چلے۔

 

[نسرین فاطمہ]

جی ہاں الکحل کی معمولی مقدار اس دوا میں شامل ہوتی ہے مگر یہ مقدار دوا کی تیاری کے دوران فضا میں تحلیل ہو جاتی ہے اصل میں ہومیو دوا خالص قدرتی عناصر سے تیار کی جاتی ہے اس کے اجزا نہایت لطیف ہو تے ہیں جو خالص حالت میں نہیں رہ سکتے جس کی وجہ سے محفو ظ رکھنے کے لئے الکحل کی قلیل مقدار اس میں موجود ہوتی ہے مگر جب دوا کی تیاری کا مرحلہ آتا ہے تو فضا مہیں وہ مقدار تحلیل ہو کر ہمارے معدے میں دوا خالص حالت میں پہنچتی ہے سعودی علما نے اسے جائز قرار دیا ہے لنک مجھے یاد نہیں ہے ۔

 

[یوسف ثانی]

محترمہ ہومیو پیتھک دوا میں تو الکوحل ہوتی ہے تو کیا یہ استعمال کرنا جا ئز ہو گا ؟ ہم جواب کے منتطر ہیں کیونکہ ہمارا چھوٹا بیٹا یاداشت کے معاملے میں کافی کمزور ہے
بہت شکریہ بہن

انگریزی زبان میں ’’الکحل‘‘ شراب یعنی وائن کو بھی کہتے ہیں۔ شراب یعنی وائن عموما" اجناس یا پھلوں سے تیار کی جاتی ہے۔ یہ صرف اور صرف پینے کے لئے استعمال ہوتی ہے۔ اس قسم کی تمام شراب (وائن) کو کھانے پینے کے طور پر استعمال کرنامتفقہ طور پر حرام ہے۔

"الکحل" کا معاملہ دوسرا ہے۔ یہ ایک ’’کیمیکل‘‘ کا نام ہے۔ ’’کیمیکل الکحل‘‘ کی بہت سی اقسام ہیں۔ جیسے ایتھے نال (ایتھائل الکحل)، میتھے نال ( میتھائل الکحل)، پرو پے نال، بیو ٹے نال وغیرہ وغیرہ ۔ یہ سب اقسام الکحل کی ہیں، جوکیمیا وی طور پر تیار کی جاتی ہیں۔ انہیں ’’سینتھے ٹک الکحل‘‘ بھی کہتے ہیں۔ صنعتوں میں ان کا بڑے پیمانے پر استعمال ہوتا ہے اور بالعموم یہ استعمال غیر غذائی صنعتوں میں ہوتا ہے۔ الکحل کی مندرجہ بالا اقسام میں صرف اور صرف ’’ ایتھے نال‘‘ یا ایتھائل الکحل کو ہی بطور غذا استعمال کیا جاسکتا ہے۔ اب اس کا نیا استعمال پیٹرول کے متبادل کے طورپر بھی کیا جانے لگا ہے۔ اجناس یا پھلوں سے تیار شدہ شراب یا وائن بھی کیمیاوی طور پر ’’ایتھے نال‘‘ ہی ہے۔

کیمیکل الکحل کو نیل پالش، فرنیچر پالش، اور پرفیوم وغیرہ میں بھی ( بطورنان فوڈ آئٹم) استعمال کیا جاتا ہے۔ الکحل کیمیکل سے تیار کیا جائے یا اجناس اور پھل وغیرہ سے، یہ ناپاک یا پلید نہیں ہوتا۔ ناپاک اور پلید ہونا ایک الگ بات ہے اور کسی شئے کا بطور غذا حرام ہونا الگ بات۔ جیسے اگر مردار(حلال) جانور کا کھانا حرام ہے۔ لیکن مردار جانور ناپاک یا پلید نہیں ہوتا۔ اس کی کھال اور چربی کا غیر غذائی استعمال بلا شک و شبہ حلال ہے۔ اسی طرح کتے کا گوشت کھانا حرام ہے۔ لیکن یہ ’’ناپاک‘‘ نہیں کیونکہ اس کے ذریعہ کیا گیا شکار حلال ہوتا ہے۔ وغیرہ وغیرہ

گویا الکحل بذات خود نجس، ناپاک نہیں ہے کہ اگر کپڑے کو لگ جائے تو کپڑا ناپاک ہوجائے، نیل پالش کے ذریعہ ناخن کو لگ جائے تو ناخن ناپاک ہوجائے، اس سے فرنیچر کو پالش کیا جائے تو فرنیچر ناپاک ہوجائے وغیرہ وغیرہ۔ اسی طرح پرفیوم میں شامل الکحل کپڑوں کو لگ جائے تو کپڑا ناپاک نہیں ہوتا۔ یعنی الکحل والا پرفیوم کا استعمال بلا شک و شبہ جائز ہے۔

اس عہد کے بہت سے اسلامک اکالرز بشمول ڈاکٹر مفتی تقی عثمانی نے ہومیو پیتھک ادویات کے استعمال کو جائز قرار دیا ہے۔ باوجود اس حقیقت کے کہ تمام ہومیو پیتھک ادویات صرف اور صرف (سینتھے ٹک) الکحل میں تیار کی جاتی ہیں۔ یہی مصنوعی یا کیمیاوی الکحل بعض ایلو پیتھک ادویات یعنی سیرپ وغیرہ میں بھی استعمال ہوتی ہیں۔ چنانچہ جب یہ ہومیو میں جائز ہیں تو ایلو پیتھک میں بھی جائز ہیں۔ ایک بار پھر واضح رہے کہ دواؤں میں صرف اور صرف کیمیاوی الکحل (ایتھے نال) استعمال ہوتی ہے،اجناس یا پھلون سے بننے والی شراب یا وائن نہیں، جس کا پینا متفقہ طور پر حرام ہے

واللہ اعلم بالصواب ۔ اگر کہیں کوئی غلطی ہوگئی ہو تو علمائے کرام سے تصحیح کی درخواست ہے۔

 

[یوسف ثانی]

جی ہاں الکحل کی معمولی مقدار اس دوا میں شامل ہوتی ہے مگر یہ مقدار دوا کی تیاری کے دوران فضا میں تحلیل ہو جاتی ہے اصل میں ہومیو دوا خالص قدرتی عناصر سے تیار کی جاتی ہے اس کے اجزا نہایت لطیف ہو تے ہیں جو خالص حالت میں نہیں رہ سکتے جس کی وجہ سے محفو ظ رکھنے کے لئے الکحل کی قلیل مقدار اس میں موجود ہوتی ہے مگر جب دوا کی تیاری کا مرحلہ آتا ہے تو فضا مہیں وہ مقدار تحلیل ہو کر ہمارے معدے میں دوا خالص حالت میں پہنچتی ہے سعودی علما نے اسے جائز قرار دیا ہے لنک مجھے یاد نہیں ہے ۔

١۔ مسئلہ مقدار کا نہیں ہے۔ جس شئے کی کثیر مقدار نشہ پیدا کرے، اس کی قلیل مقدار بھی حرام ہے۔ اگر ہومیو پیتھی میں استعمال ہونے والی مصنوعی الکحل کی کثیر مقدار حرام ہے تو اس کی قلیل مقدار بھی حرام ہونی چاہئے۔
٢۔ ہومیو کی اصل دوا لکویڈ (مائع) حالت میں ہوتی ہے تاہم یہ دو طرح سے استعمال ہوتی ہے۔ ایک یہی مائع دوا کے قطرے پانی میں ملا کر پینا۔ اس صورت میں تو مکمل مائع دوا جسم میں داخل ہوجاتی ہے۔ یہ مائع دوا اگر مدر دوا ہو تو بلا شبہ اس میں الکحل کی مقدار قلیل ہوتی ہے۔ لیکن جب اس مدر ٹنکچر سے مختلف پاور کی دوا بنائی جاتی ہے تو یہ الکحل ہی میں مکس کرکے بنائی جاتی ہے۔ اور یہ ڈائیلوٹیڈ دوا مائع حالت میں پی جائے ، پانی میں ملاکر تو سارا الکحل جسم میں استعمال ہوتی ہے۔ اس کے برعکس جب ہومیو دوا سفوف یا گولیوں کی شکل میں تیار ہوتی ہے تو الکحل محض ’’کیرئیر‘‘ کے طور پر کام کرتا ہے۔ یعنی لیکویڈ دوا بشمول الکحل سفوف یا گولیوں پیں ڈالی جاتی ہے تو دوا تو سفوف یا گولیوں میں جذب ہوجاتی ہے اور الکحل فضا میں اڑ جاتا ہے۔
٣۔ میرے کہنے کا مقصد یہ ہے کہ ہومیوپیتھی کی دوا کو بشمول الکحل کے استعمال کرنے کو بہت سے علماء نے جائز قرار دیا ہے۔ جس کی اصل وجوہ اوپر میں نے بیان کرنے کی کوشش کی ہے۔
واللہ اعلم بالصواب

 

[نسرین فاطمہ]

جزاک اللہ بھائی
جس تفصیل سے آپ نے جواب دیا میں شائد نہ دے پاتی اللہ آپ کے قلم میں مزید نکھار پیدا کرے ۔

 

[ہابیل]

بہت شکریہ نسرین بہنا جزاک اللہ

ماشاءاللہ یوسف بھا ئی اللہ آپ کے علم میں اضافہ فرمائے امین بہت شکریہ

 

[عمران اسلم]

یاد داشت تیز کرنا

سو گرام بادام اور بیس گرام کالی مرچ لیجیئے اور پیس لیجیئے اور کسی صاف شیشی میں رکھ لیجیئے ہر صبح نہار منہ آدھا چمچہ کھالیجیئے حافظہ تیز ہو جائے گا اگر ساتھ ہی ہومیو پیتھک دوا اناکارڈیم Anacardium 200 کے پانچ قطرے آدھا کپ پانی میں ڈالکر دن میں ایک دفعہ پی لیں تو انشااللہ یادداشت اتنی تیز ہو جائے گی کے بچپن کی باتیں یاد آنے لگیں گی نسخہ استعمال کرنے کی کم سے کم مدت تین ماہ ہے ۔

محترمہ نسرین فاطمہ صاحبہ! میں نے آپ کا تجویز کردہ نسخہ تیار کروایا ہے۔ 250 گرام بادام اور تقریباً 30 گرام کالی مرچ پیس کے بنوایا ہے۔ لیکن مسئلہ یہ ہے کہ یہ بہت زیادہ کڑوے بنے ہیں۔ میں نے جب پہلے دن نہار منہ کھانے کی کوشش کی تو یہ نسخہ حلق سے نیچے اترنے کا نام ہی نہیں لے رہا تھا۔ اس کے لیے مجھے دودھ کا سہارا لینا پڑا ظاہر ہے کہ اس طرح یہ دوا نہار منہ تو نہ کھائی گئی۔ اب مجھے یہ بتائیے کہ اس کے ساتھ کوئی اور چیز ملائی جا سکتی ہے؟ یا اسے اسی طرح زہر مار کرنا پڑے گا؟؟
ساتھ میں آپ کی تجویز کردہ دوا بھی لے آیاتھا۔

 

[ابو بصیر]

الکحل" کا معاملہ دوسرا ہے۔ یہ ایک ’’کیمیکل‘‘ کا نام ہے۔ ’’کیمیکل الکحل‘‘ کی بہت سی اقسام ہیں۔ جیسے ایتھے نال (ایتھائل الکحل)، میتھے نال ( میتھائل الکحل)، پرو پے نال، بیو ٹے نال وغیرہ وغیرہ ۔ یہ سب اقسام الکحل کی ہیں، جوکیمیا وی طور پر تیار کی جاتی ہیں۔ انہیں ’’سینتھے ٹک الکحل‘‘ بھی کہتے ہیں۔ صنعتوں میں ان کا بڑے پیمانے پر استعمال ہوتا ہے اور بالعموم یہ استعمال غیر غذائی صنعتوں میں ہوتا ہے۔ الکحل کی مندرجہ بالا اقسام میں صرف اور صرف ’’ ایتھے نال‘‘ یا ایتھائل الکحل کو ہی بطور غذا استعمال کیا جاسکتا ہے۔ اب اس کا نیا استعمال پیٹرول کے متبادل کے طورپر بھی کیا جانے لگا ہے۔ اجناس یا پھلوں سے تیار شدہ شراب یا وائن بھی کیمیاوی طور پر ’’ایتھے نال‘‘ ہی ہے۔

یوسف ثانی، نسرین فاطمہ قرآن میں کون سی الکوحل یا شراب یا نشہ یا کیمکل حرام ہے ؟؟؟

 

[ابو بصیر]

حیرت ہے ؟؟؟ اس بات پر

یعنی الکحل والا پرفیوم کا استعمال بلا شک و شبہ جائز ہے۔