آڑہت کے کاروبار کی شرعی حیثیت

[عبدہ]

مجھے آڑہت کے کاروبار کی مختلف شکلوں اور انکی شرعی حیثیت پر اشکالات ہیں کوئی بھی ساتھی اسکی تفصیل بتا دے جزاکم اللہ خیرا



محترم شیخ @رفیق طاھر بھائی
محترم شیخ @انس بھائی

 

[قاری مصطفی راسخ]

وعلیکم السلام
محترم عبدہ بھائی!
آپ آڑھت کے کاروبار کی مختلف شکلیں لکھ دیں،کیونکہ سب نے اس کاروبار کو قریب سے نہیں دیکھا ہوتا۔
کاروبا ر کی شکل کو دیکھ جواب دینے میں آسانی ہے۔

 

[عبدہ]

وعلیکم السلام
محترم عبدہ بھائی!
آپ آڑھت کے کاروبار کی مختلف شکلیں لکھ دیں،کیونکہ سب نے اس کاروبار کو قریب سے نہیں دیکھا ہوتا۔
کاروبا ر کی شکل کو دیکھ جواب دینے میں آسانی ہے۔

محترم بھائی ویسے مجھے بھی مختلف شکلوں کے بارے کوئی خاص علم نہیں بلکہ ایک بھائی نے مجھ سے ٓڑہت کے کاروبار کے بارے پوچھا تو یہ سوال اٹھایا میرے ذہن میں اسکی ایک آدھ شکل تھی اور کچھ اور شکلیں آ گئیں وہ لکھ دیتا ہوں
1-زید آڑھت کا کاروبار اس طرح کرتا ہے کہ اس کے پاس ایک جگہ ہے جسکو آپ غلہ منڈی کہ سکتے ہیں اور غلہ کا سٹور بھی ہوتا ہے اب جب فصل تیار ہوتی ہے تو بکر اپنی فصل کی بوریاں زید کے پاس امانت رکھوا دیتا ہے زید وہ بوریاں امانتا رکھ دیتا ہے اور بیچتا نہیں پھر جب بکر کو ضرورت ہوتی ہے یا بکر دیکھتا ہے کہ ریٹ بڑھ گیا ہے تو وہ زید کے پاس جاتا ہے اور کہتا ہے کہ میری بوریاں بیچ کر مجھے پیسے دے دو زید اسکی بوریاں بیچ کر اسکے پیسے بکر کو دے دیتا ہے اور اپنا کمشن اس سے لے لیتا ہے یہ کمیشن اس امانت رکھنے کا ہے اور اس پر اسکے اخراجات بھی آئے ہیں مثلا سٹوریج اور سروس چارجز وغیرہ
2-دوسری صورت یہ ہوتی ہے کہ باقی سب کچھ اوپر کی طرح ہوتا ہے مگر زید پہلی دفعہ ہی بوریاں لے کر امانتا رکھتا نہیں بلکہ اپنی مرضی سے آگے بیچ دیتا ہے یا کاروبار میں اپنے تصرف میں لے آتا ہے بعد میں جب ریٹ بڑھنے پر بکر اسکے پاس آتا ہے تو وہ اس وقت بکر کی بوریاں عملی طور پر اسکے حوالے نہیں کرتا بلکہ اس وقت بوریوں کی جو قیمت ہوتی ہے وہ بکر کے حوالے کر دیتا ہے اور باقی اپنا کمیشن اسی طرح لے لیتا ہے

اب پہلی صورت میں تو کوئی شاید کوئی مسئلہ نہ ہو مگر دوسری صورت میں ایک مسئلہ آتا ہے وہ مسئلہ بظاہر یہ لگتا ہے کہ بوریوں کی Physical منتقلی ہونا لازمی ہے لیکن میرے خیال میں یہ شاید ٹھیک نہ ہو کیونکہ یہاں ابھی بکر نے بوریاں بیچی ہی نہیں تو Physical منتقلی والی حدیث والی شرط کا مسئلہ تو فروخت پر ہوتا ہے یہاں تو امانتا رکھوایا گیا تھا
لیکن مسئلہ یہاں یہ آتا ہے کہ کیا جو چیزیں زید کے پاس امانتا رکھوائی گئی تھیں کیا وہ ان میں اپنی مرضی سے تصرف کر سکتا ہے اور اس کا گناہ کیا بکر کو بھی ہو گا اور کیا بکر کے لئے ایسے معاملات میں شامل ہونا جائز ہے کہ نہیں
باقی اسی سے ملتی جلتی کچھ اور بھی شکلیں ہیں جو آڑہت تو نہیں مگر مجھے اشکالات ہیں وہ اوپر کا فیصلہ ہونے کے بعد دیکھیں گے ان شاءاللہ
آپ کے سامنے کوئی اور آڑہت کی صورت ہے تو وہ بھی مجھے بتائیں جزاکم اللہ خیرا

 

[کنعان]

آڑھت:

1. دکان کوٹھی یا جگہ وغیرہ جس پر لوگوں کا مال بکنے کے لیے آئے اور دکاندار کو بیچنے کا حق المحنت دیا جائے، گنج، تھوک کی دکان، ایجنسی، کمیشن یا دستوری پر خرید و فروخت کا کاروبار۔

2. معاملہ کرانے اور مال بکوانے کا معاوضہ، دلالی، کمیشن، دستوری جیسے : زید کو سامان کی قیمت دلاتے وقت دو روپیہ سیکڑا آڑھت کا کاٹ لینا۔

3. خرید و فروخت کا رابطہ، لین دین۔

 

[محمد وقاص گل]

جب بکر کو ضرورت ہوتی ہے یا بکر دیکھتا ہے کہ ریٹ بڑھ گیا ہے تو وہ زید کے پاس جاتا ہے اور کہتا ہے کہ میری بوریاں بیچ کر مجھے پیسے دے دو زید اسکی بوریاں بیچ کر اسکے پیسے بکر کو دے دیتا ہے اور اپنا کمشن اس سے لے لیتا ہے یہ کمیشن اس امانت رکھنے کا ہے اور اس پر اسکے اخراجات بھی آئے ہیں مثلا سٹوریج اور سروس چارجز وغیرہ

السلام علیکم ۔۔۔۔۔۔
صورت مسئلہ میں جو پہلی چیز بیان کی گئی ہے کہ جب ریت بڑھ جائے تو پھر اس سامان کو بیچا جائے۔۔۔۔۔ تو ایسی صورت میں میرے خیال میں یہ درست نہیں کیونکہ یہ بیع الاحتکار میں آتی ہے یعنی مال سٹور کر لینا اور جب ریٹ بڑھے تو بیچ دینا تو ایسا کرنا حدیث میں منع ہے واللہ اعلم

باقی اگر وہ سٹور میں رکھنے کی قیمت پہلے طے نہیں کرتے تب بھی درست نہیں یعنی وہ پہلے طے کر لیں کہ اتنے دن یہ سامان یہاں رہے گا اور اس کے میں اتنے پیسے لونگا واضح ہونا ضروری ہے۔۔

یہ میرے ناقص علم کے مطابق ہے باقی جس علاقے میں یہ کاروبار ہوتا ہو وہاں کے علماء صورت مسئلہ کو دیکھ کر بہتر رہنمائی کر سکتے ہیں۔

 

[فہد ظفر]

ہمارے یہاں ہندوستان میں خاص کر ہمارے شہر بنارس میں عموما ساڑی کا کاروبار ہوتا ہے یہاں آڑہت کی ایک صورت یہ بھی ہے کہ مان لیجئے کہ زید ساڑی بناتا ہے اور سارا خرچہ زید کا ہوتا ہے یعنی کہ سارا مٹیریل جو ایک ساڑی بنانے میں لگتا ہے اب زید کو معلوم نہیں کہ اسے اچھے داموں میں کیسے مارکیٹ میں بیچا جائے اس لئے وہ مناسب دام لگا کر بکر کو دیتا ہے کیوں کہ بکر کو مارکیٹنگ کے بارے میں ساری معلومات رہتی ہےاور بولتا ہے کہ میں نے آپکو یہ ساڑی فلاں قیمت میں دے دی اور پیمنٹ کی ساری ٹرمز اینڈ کنڈیشنز طے پا جاتی ہیں اور بکر زید کی ساڑی کو تھرڈ پارٹی کو بیچ دیتا ہے اب نہ زید کو معلوم پڑتا ہے کہ بکر نے میری ساڑی کسکو بیچی اور کتنے کی بیچی اور نہ ہی تھرڈ پارٹی کو معلوم رہتا ہے کہ بکر نے کس سے ساڑی لی یعنی کہ یہ سارا معاملہ انڈائریکٹ اور ادھار پر ہوتا ہے تھرڈ پارٹی کے پیمنٹ پر ہی بکر زید کو اسکی ساڑی کی قیمت ادا کرتا ہے یا اگر بکر نے زید سے ساڑی لیتے وقت کمیشن کا بھی مطالبہ کیا تھا تو اس سے کمیشن بھی لیتا ہے -

 

[عبدہ]

ہمارے یہاں ہندوستان میں خاص کر ہمارے شہر بنارس میں عموما ساڑی کا کاروبار ہوتا ہے یہاں آڑہت کی ایک صورت یہ بھی ہے کہ مان لیجئے کہ زید ساڑی بناتا ہے اور سارا خرچہ زید کا ہوتا ہے یعنی کہ سارا مٹیریل جو ایک ساڑی بنانے میں لگتا ہے اب زید کو معلوم نہیں کہ اسے اچھے داموں میں کیسے مارکیٹ میں بیچا جائے اس لئے وہ مناسب دام لگا کر بکر کو دیتا ہے کیوں کہ بکر کو مارکیٹنگ کے بارے میں ساری معلومات رہتی ہےاور بولتا ہے کہ میں نے آپکو یہ ساڑی فلاں قیمت میں دے دی اور پیمنٹ کی ساری ٹرمز اینڈ کنڈیشنز طے پا جاتی ہیں اور بکر زید کی ساڑی کو تھرڈ پارٹی کو بیچ دیتا ہے اب نہ زید کو معلوم پڑتا ہے کہ بکر نے میری ساڑی کسکو بیچی اور کتنے کی بیچی اور نہ ہی تھرڈ پارٹی کو معلوم رہتا ہے کہ بکر نے کس سے ساڑی لی یعنی کہ یہ سارا معاملہ انڈائریکٹ اور ادھار پر ہوتا ہے تھرڈ پارٹی کے پیمنٹ پر ہی بکر زید کو اسکی ساڑی کی قیمت ادا کرتا ہے یا اگر بکر نے زید سے ساڑی لیتے وقت کمیشن کا بھی مطالبہ کیا تھا تو اس سے کمیشن بھی لیتا ہے -

اس صورت کو شاید آڑہت کہنا درست نہیں یہ تو سادہ ادھار پر فروخت ہے واللہ اعلم

 

[عبدہ]

السلام علیکم ۔۔۔۔۔۔
صورت مسئلہ میں جو پہلی چیز بیان کی گئی ہے کہ جب ریت بڑھ جائے تو پھر اس سامان کو بیچا جائے۔۔۔۔۔ تو ایسی صورت میں میرے خیال میں یہ درست نہیں کیونکہ یہ بیع الاحتکار میں آتی ہے یعنی مال سٹور کر لینا اور جب ریٹ بڑھے تو بیچ دینا تو ایسا کرنا حدیث میں منع ہے واللہ اعلم

وعلیکم السلام ورحمہ اللہ
محترم بھائی میرے خیال میں یہ عمومی طور پر تو جائز ہو گا مگر خاص حالات جن پر ذخیرہ اندوزی کا اطلاق ہو سکتا ہو میں نا جائز ہو گا مطلقا ریٹ بڑھنے کا انتظار کرنا نا جائز ہونا میں نے کہیں نہیں پڑھا ہمارے شیوخ اس پر روشنی ڈال سکتے ہیں

باقی اگر وہ سٹور میں رکھنے کی قیمت پہلے طے نہیں کرتے تب بھی درست نہیں یعنی وہ پہلے طے کر لیں کہ اتنے دن یہ سامان یہاں رہے گا اور اس کے میں اتنے پیسے لونگا واضح ہونا ضروری ہے۔۔

میرے خیال میں سٹوریج کی قیمت کو جنس کی فیصد طے کر کے کمیشن کی صورت طے کیا جا سکتا ہے کیونکہ میرے ذہن میں اس پر کوئی نہی ابھی نہیں آ رہی واللہ اعلم
1-اگر کمیشن جنس کی مقدار کی فیصد میں ہو تو اسکا سٹوریج کے ساتھ ایک تعلق تو نظر آتا ہے البتہ دوسرا دنوں کے ساتھ تعلق نظر انداز ہو جائے مگر شاید اس پر کوئی شرعی ممانعت نہ ہو
2-اگر کمیشن کو فائنل قیمت فروخت کی فی صد کے تحت طے کریں تو پھر بھی اسکا مضاربہ یا مشارکہ کے تحت کوئی لنک بنتا ہے باقی لنک نہ بننے پر شریعت کی ممانعت کیا ہو سکتی ہے وہ بھی واضح نہیں ہو رہی واللہ اعلم

 

[محمد وقاص گل]

مطلقا ریٹ بڑھنے کا انتظار کرنا نا جائز ہونا میں نے کہیں نہیں پڑھا ہمارے شیوخ اس پر روشنی ڈال سکتے ہیں

پھر احتکار کی کونسی صورت منع ہوگی بھائی۔۔۔ یا احتکار کہتے کسے ہیں؟؟

 

[محمد وقاص گل]

میرے خیال میں سٹوریج کی قیمت کو جنس کی فیصد طے کر کے کمیشن کی صورت طے کیا جا سکتا ہے کیونکہ میرے ذہن میں اس پر کوئی نہی ابھی نہیں آ رہی واللہ اعلم
1-اگر کمیشن جنس کی مقدار کی فیصد میں ہو تو اسکا سٹوریج کے ساتھ ایک تعلق تو نظر آتا ہے البتہ دوسرا دنوں کے ساتھ تعلق نظر انداز ہو جائے مگر شاید اس پر کوئی شرعی ممانعت نہ ہو
2-اگر کمیشن کو فائنل قیمت فروخت کی فی صد کے تحت طے کریں تو پھر بھی اسکا مضاربہ یا مشارکہ کے تحت کوئی لنک بنتا ہے باقی لنک نہ بننے پر شریعت کی ممانعت کیا ہو سکتی ہے وہ بھی واضح نہیں ہو رہی واللہ اعلم

بھائی بیوع کے ابواب پر غور کیا جائے تو یہ بات سامنے آتی ہے کہ ہر وہ بیع درست نہیں جس میں دھوکہ یا کسی کا نقصان ہوتا ہو یا لڑائی جھگڑے کا خطرہ ہو۔۔۔
مذکورہ صورت میں بھی اگر کسی ایسی بات کا شبہ آئے گا تو منع ہو گی۔ اپنے سٹور میں رکھنے والا اپنی ایک فیصد اور رقم مختص کرے گا اور رکھوانے والے کو آگاہ کرے گا کہ اتنی مقدار کے سامان کا ایک دن کا فلاں کرایہ ہے جب ایسے بات طے ہو جائے تو دونوں طرف سے کسی اختلاف کا خدشہ نہیں وگرنہ ابہام سے مسائل پیدا ہوتے ہیں واللہ اعلم۔۔۔