اردو ادب

[باذوق]

**
نہیں اقبال ناامید اپنی کشتِ ویراں سے
ذرا نم ہو تو یہ مٹی،بڑی زرخیز ہے ساقی

**
اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات
یا وسعتِ افلاک میں تکبیرِ مسلسل
یا خاک کے آغوش میں تسبیح و مناجات

 

[باذوق]

علامہ اقبال علیہ الرحمۃ کا بھی جواب نہیں ۔۔۔۔۔
ایک جگہ تو فرمایا کہ ہمارے سجدے بےذوق ہو گئے ہیں :
محبت کا جنوں باقی نہیں ہے
مسلمانوں میں خوں باقی نہیں ہے
صفیں کج ، دل پریشاں ، سجدہ بےذوق
کہ جذبِ اندروں باقی نہیں ہے

مگر دوسری جگہ فرمایا ۔۔۔۔۔ فطرت بےذوق نہیں ہے :)
تُو اپنی خودی کو کھو چکا ہے
کھوئی ہوئی شے کی جستجو کر
بےذوق نہیں ہے اگرچہ فطرت
جو اس سے نہ ہو سکا ، وہ تُو کر !

 

[کلیم حیدر]

اردوادب کی محفل عروج پر تھی،جگہ جگہ سے ادب کی کرنیں پھوٹ رہی تھیں ۔اس راستے سے گزر ہی رہا تھا کہ کرنوں کی چمک چہرہ پرپڑی۔چہرہ پر چمک کاپڑنا ہی تھا۔فورا ً آگے بڑھنے کو دل چاہا کہ قریب سے جاکر دیکھو اور غور کروں ۔جب غورکیا تو اس راستے میں بہت قیمتی اور نایاب چیزیں صفحہ فورم پر موتیوں کی طرح چمکتی ہوئی نظرآئی -کشکول بھرلیا۔جب روانہ ہونے لگا۔سوچامطلب پورا کرنے سے کام نہیں چلاکرتے۔اگر کچھ لیا ہے تو دینا بھی حق بنتا ہےجس پر قلم جوش میں آیا۔اور عرض کیا۔

دل سوز سے خالی ہے ،نگہ پاک نہیں ہے !
پھر اس میں عجب کیا کہ تو بے با ک نہیں ہے

ہے ذوق تجلی بھی اسی خاک میں پنہاں
غافل ! تو ذرا صاحب ادراک نہیں ہے

وہ آنکھ کہ ہے سرمۂ افرنگ سے روشن
پرکاروسخن ساز ہے،نمناک نہیں ہے

کیا صوفی وملا کو خبر میرے جنوں کی
ان کاسردامن بھی ابھی چاک نہیں ہے

کب تک رہے محکومی ء انجم میں میری خاک
یا میں نہیں ، یا گردش افلاک نہیں ہے

بجلی ہوں نظر کوہ بیاباں پہ ہے میری
میرے لیے شایاں خس وخاشاک نہیں ہے

عالم ہے فقظ مومن جانباز کی میراث
مومن نہیں جو صاحب لولاک نہیں ہے

بال جبریل از علامہ اقبال

 

[کلیم حیدر]

اگرچہ زربھی جہاں میں ہے قاضی الحاجات!
جوفقر سے ہے میسر تونگری سے نہیں

اگرجواں ہوں مری قوم کے جسوروغیور !
قلندری مری کچھ سکندری سے نہیں

سبب کچھ اور ہے توجس کو خودسمجھتاہے
زوال بندۂ مومن کا ہے زری سے نہیں

اگرجہاں میں جوہر آشکارا ہوا
قلندری سے ہوا ہے سکندری سے نہیں

 

[خضر حیات]

علامہ اقبال علیہ الرحمۃ کا بھی جواب نہیں ۔۔۔۔۔

بےذوق نہیں ہے اگرچہ فطرت
جو اس سے نہ ہو سکا ، وہ تُو کر ![/COLOR]

جناب باذوق صاحب اللہ آپ کو اسم بامسمی ( اگر پہلے ہی ہیں تو اضافہ فرمائے ) بنائے
اس آخری شعر کی ذرا آسان اردو میں وضاحت فرمادیں ۔
فطرت کے بےذوق نہ ہونے سے کیا مراد ہے ؟؟؟
’’ جو اس سے نہ ہو سکا وہ تو کر ‘‘ میں ’’ جو ‘‘ کا مدلول کیا ہے ؟؟؟

 

[رانا ابوبکر]

وہ بچپن کی نیند تو اب اک آس بن کر رہ گئی
کیا عمر تھی،رات ہوئی،پلکیں جھکیں اور سو گئے​

 

[عمران ناصر]

صوفی کی طریقت میں فقط مستئ احوال
مُلّا کی شریعت میں فقط مستئ گفتار
وہ مردِ مجاھد نظر آتا نہیں مجھ کو
ہو جس کے رگ و پئے میں فقط مستئ کردار

علّامہ محمد اقبال

 

[رانا ابوبکر]

دوستو یہ اردو ادب کا پورشن جس میں بہت سی چیزیں آتی ہیں آپ تو صرف شاعری کے ہی شوقین لگتے ہیں میری طرح اس کے لیے علیحدہ اک نیو تھریٹ بنا لیتے ہیں جس میں صرف شاعری ہو مہذب شاعری، اور اس میں آپ تغیر پیدا کریں اور کچھ نیا پوسٹ کریں ۔آپ لوگوں کی طرف سے ہمیں کسی نئی چیز کی خواہش رہے گی۔

 

[Wasim Ansari]

بنا عشق مصطفٰی ﷺ جو پڑھتے ہیں بخاری
آتا ہے ان کو بخار پر آتی نہیں بخاری

 

[کلیم حیدر]

پہلی جون کا سورج

صبح آسمان کا رنگ
روز سے کچھ زیادہ گہرا ہے

آج پہلی جون کا سورج
کل کے سورج سے بھی سنہرا ہے

زندگی کو گداز لمحوں میں
بانٹ کر کس قدر مسرت سے

درد کو زخم میں چھپاتے ہیں
شام کو صبح سے ملاتے ہیں