اقوال سلف

[عمر السلفی۔]

چار سو علمائے سمرقند سات دنوں تک اکھٹے رہے اور انہوں نے امام بخاری رحمتہ اللہ کو مغالطہ دینے کی کوشش کی لیکن وہ کسی ایک لفظ میں بھی نہ دے سکے نہ سند میں اور نہ متن میں۔

[سیر اعلام النبلاء :ج۲ ص ۸۹]

 

[عمر السلفی۔]

سماک بن حرب کہتے ہیں :میں نے اسی (٨٠)صحابہ کاادراک کیا، جبکہ میں نابینہ ہوچکاتھا، میں نے اللہ تعالی سے دعاکی تومیری بینائی واپس آگئی
[التاریخ الکبیر:4/ترجمہ :2382]

 

[عمر السلفی۔]

"قلبِ سلیم وہ ہے جو شرک، خیانت، کینہ، حسد، بُخل اور تکبّر سے پاک ہو!"
حافظ ابن قیم رحمہ اللہ
(الداء والدواء ص/175)

 

[عمر السلفی۔]

- ”موت کے وقت تو سارے مسلمان اللہ کو پیارے ہو جاتے ہیں، کامل لوگ وہی ہیں جو جیتے جی اللہ تعالی کو پیارے ہو جائیں۔“

- *|[ مولانا واصل واسطی حفظه الله ]|*

 

[عمر السلفی۔]

- |[ ہمارے اسلاف کی بصیرت ]|

فضيل بن عياض رحمه الله فرماتے ہیں :

❐ ’’المؤمن قليل الكلام كثير العمل والمنافق كثير الكلام قليل العمل،

"مؤمن کم گو، کثرت سے عمل کرنے والا ہوتا ہے، جبکہ منافق کثرت سے باتیں بگھارنے والا اور عمل میں کوتاہ ہوتا ہے۔

❐ كلام المؤمن حكم وصمته تفكر ونظره عبرة وعمله بر وإذا كنت كذا لم تزل في عبادة.‘‘

مؤمن کی گفتگو حکمتوں سے لبریز، اس کی خاموشی فکر، اس کی نگاہ عبرت، اور عمل نیک ہوتا ہے، اور اگر تمہارے اندر یہ خوبیاں ہیں تو تم مستقل عبادت میں ہو۔"

- ¦[ تهذيب الحلية الأولياء : 16/3 ]|

 

[عمر السلفی۔]

- تعریف کی چاہت ؛ ایک فتنہ!

فضيلة الشيخ ربيع بن هادي بن محمد عمير المدخلي حفظه الله تعالىٰ کی نصیحت :

’’حُبُّ المَدحِ فِتنةٌ يا إخوتَاه، حُبّ المدح فِتنةٌ، حُبّ ثناء النَّاس يَقُودُكَ إلى الرِّيَاء وإلى الهَلاكِ والدَّمَار، فَنعوذُ بالله.‘‘

"اپنی تعریف چاہنا فتنہ ہے بھائیو! اپنی تعریف چاہنا فتنہ ہے، لوگوں کی تعریف کی چاہت تمہیں ریا، ہلاکت اور بربادی کے دہانے پر پہنچا دے گی، ہم اس سے ﷲ کی پناہ میں آتے ہیں۔"

- (مَرحبًا يَا طَالِبَ العِلْم : ١٨٩)

فضيلة الشيخ صالح بن فوزان بن عبد الله الفوزان حفظه الله تعالىٰ فرماتے ہیں :

’’فبعض الناس إذا لم يُمدح ويُشجع ترك الدعوة ! وهذا دليل على أنه لا يدعو إلى الله ؛ وإنما يدعو إلى نفسه.‘‘

"بعض لوگوں کی اگر تعریف یا حوصلہ افزائی نہ کی جائے تو وہ دعوت کا کام چھوڑ دیتے ہیں جو اس بات کی دلیل ہے کہ وہ دعوت کا کام ﷲ کیلیے نہیں کرتے۔ بلکہ صرف اپنی ذات ہی کی طرف دعوت دینے کے لیے یہ سب کچھ کرتے ہیں! (تاکہ لوگوں میں یہ دعات پہچانے جائیں اور ان کا خوب چرچا ہو! والعياذ بالله)"

- (إعانة المستفيد : ١٣٦)

 

[عمر السلفی۔]

"جو نوجوان سمجھتا ہے کہ شادی اُس کی تعلیمی سرگرمیوں پر اثر انداز ہوگی وہ جان لے کہ شیطان اُس کے ساتھ کھیل رہا ہے!"
شيخ سليمان الرحيلي حفظه الله

 

[عمر السلفی۔]

"رمضان کے آخری عشرے میں سُنت یہ ہے کہ تمام رات جاگ کر تلاوتِ قرآن، ذکرِ الہی اور نوافل کی ادائیگی میں گزاری جائے ؛ یہی نبیﷺ کا طریقہ تھا!"
شيخ سليمان الرحيلي حفظه الله

 

[عمر السلفی۔]

 

[عمر السلفی۔]

ایک دفعہ عمر بن عبدالعزیز رحمہ اللہ نے طویل وعظ کیا اور فرمایا : ”کیا یہ قبروں والے گھٹا ٹوپ اندھیرے میں نہیں ہیں؟ کیا ان کیلیے دن اور رات برابر نہیں ہو گئے؟!"

(أهوال القبور وأحوال أهلها إلى النشور لابن رجب : ١٣٢)