اقوال سلف

[عمر السلفی۔]

"قبر اُس شخص كیلئے بڑی اچھی منزل ہے جس نے الله كی اطاعت كی!"
بشر بن حارث رحمہ اللہ
(القبور لابن أبي الدنيا : 142)

 

[عمر السلفی۔]

"گنہگار کا رحمت باری سے نااُمید ہو جانا ہلاک ہونا ہے!"
سیدنا نعمان بن بشیر رضی اللہ
[تفسیر ابن کثیر - البقرة]

 

[عمر السلفی۔]

"پس جب تم دیکھو کہ تمھاری جانب سے تمھارے کسی بھائی یا بہن کو تم سے تکلیف پہنچ رہی ہے: غیبت کے ذریعے، برا بھلا کہنے کے ذریعے، چغلی کے ذریعے، یا جھوٹ وغیرہ کے ذریعے، تو جان لو تمھارا ایمان ناقص ہے اور تم کمزور ایمان والے ہو!"
شیخ ابن باز رحمہ اللہ
(مجموع الفتاوی: 4/49)

 

[عمر السلفی۔]

قال شيخ الإسلام ابن تيمية: ليس تحت أديم السماء كتاب أصح من البخاري ومسلم
بعد القرآن (مجموع الفتاوى 18/74)

آسمان کے نیچے قرآن مجید کے بعد بخاری ومسلم سے بڑھ کر صحیح ترین کتاب اور کوئی نہیں!
ابن تیمیہ رحمہ الله

 

[عمر السلفی۔]

"جب تمھارے لیے خیر کا دروازہ کھولا جائے تو اس کی طرف جلدی سے لپکو۔۔۔
کیا معلوم وہ کب تم پر بند ہو جائے!"
خالد بن معدان رحمہ اللہ
(حلية الأولياء : ٢١١/٥)

 

[عمر السلفی۔]

"تمھارا اپنی ماں کو دیکھنا بھی عبادت ہے تو سوچو اس سے حسن سلوک کا درجہ کیا ہو گا!"
محدث ابن الجوزی رحمہ اللہ
(البر والصلة لإبن الجوزي ٦٦-١)

 

[عمر السلفی۔]

وہ شخص جس نے یہ سمجھ پا لی کہ اللہ نے کس کس چیز کا حکم دے رکھا اور کس کس شےء سے روک رکھا ہے، اور وہ اس پر عمل بھی کرنے میں لگا ہے,
بس وہ اللہ کا ولی ہے.
اگرچہ اس نے قرآن پورا نہ پڑھا ہو، اگرچہ وہ فتوے نہ دے سکتا اور لوگوں کے قضیے نہ چکا سکتا ہو۔

۔ ابن تیمیہؓ

 

[عمر السلفی۔]

‏گناہ چھوڑ دینا بھی شکر میں شامل ہے
مخلد بن حسین رحمہ اللہ

 

[عمر السلفی۔]

حافظ ابن قیم رحمہ اللّٰہ فرماتے ہیں :
” ‏صحابہ کرام ؓ کا فہم پوری امت کے فہم پر فوقیت رکھتا ہے۔ نبی کریم ﷺ کی مراد و منشا اور دین و شریعت محمدی کے اصول و قواعد کے متعلق ان کا علم بعد میں آنے والے ہر شخص سے زیادہ کامل تر ہے ۔“


‏قال ابن القيم رحمه الله:

أَفهام الصحابة رضي الله عنهم فوق أفهام جميع الأمة، وعلمهم بمقاصد نبيهم صلى الله عليه وسلم وقواعد دينه وشرعه أتم من علم كل من جاء بعدهم.

(الطرق الحكمية ١ / ٣٢٤)

 

[عمر السلفی۔]

"کتنے ہی ایسے لوگ تھے جو یہ امید لگائے بیٹھے تھے کہ وہ اس مہینے کے روزے رکھیں گے لیکن انکی امید نے انکو دهوکہ دے دیا، اب وہ قبر کے اندهیروں میں پڑے ہیں۔ کتنے ہی دن کا آغاز کرنے والے دن کو ختم نہیں کر پاتے اور کتنے ہی کل کی آس لگانے والے کل کو نہیں پہنچ پاتے! یقینا اگر تمہیں موت اور اس کی نقل و حرکت کا علم ہو جائے تو تم لمبی امیدوں اور ان کے دھوکے سے بغض رکھنے لگو۔"

(حافظ ابن رجب رحمه الله || لطائف المعارف : ١٤٩/١)