اقوال سلف

[عمر السلفی۔]

”سب سے بڑی مصیبت برا اخلاق ہے۔“

(روضة العقلاء لابن حبان : 146)

 

[عمر السلفی۔]

"آدمی کا اپنی ذات پر اِترانا اس کے کم عقل ہونے کی دلیل ہے۔"
حافظ ابن عبد البر رحمه الله
(جامع بيان العلم وفضله :١٤٣/١)

 

[عمر السلفی۔]

️امام ابن عطية الأندلسي رحمہ اللہ فرماتے ہیں..
”اللہ تعالیٰ نے فرمایا ہے کہ وہ اہلِ جنت کے دل بغض اور کینے سے پاک کر دے گا، کیونکہ کینہ پالنے والا ایک مستقل عذاب میں ہوتا ہے، اور جنت میں عذاب نہیں ہے۔“
[ المحرر الوجيز : ٤٠١/٢ ]|

 

[عمر السلفی۔]

سیدنا علی رضی اللہ عنہ فرماتے ہیں کہ :

علم کی عظمت و شرافت کیلے یہی کافی ہے کہ جو اس میں کمال نہیں رکھتا وہ بھی اس کا دعوی دار ہے اور اپنی طرف علم کی نسبت سے خوش ہوتا ہے اور جہالت کی مزمت کیلے یہی کافی ہے کہ خود جاہل شخص اس سے براءت کا اظہار کرتا ہے :

تذکرة السامع والمتکلم للامام ابن جماعة رحمه اللہ ( صفحه / ٤٩)

 

[عمر السلفی۔]

”ایک دن میں نے اپنی مجلس میں کہہ دیا کہ جو مجھ پر گزرتی ہے، اگر پہاڑوں پر گزرے تو ان کی ہمت جواب دے جائے۔ جب میں گھر لوٹا تو میرے ضمیر نے ملامت کی : تُو نے اتنی بڑی بات کہہ دی! لوگ سمجھیں گے کہ تو بڑی آزمائش میں ہے مگر تو اپنے نفس اور اہل و عیال میں عافیت سے رہ رہا ہے! اس شکوے کی کیا تُک ہے؟ میں نے اسے جواب دیا : جب بارِ زندگی اٹھانے سے میں عاجز آ گیا تو میں نے یہ بات شکوے کیلیے نہیں کہی، بلکہ استراحتِ قلبی کیلیے کہی۔ کیا مجھ سے قبل کئی صحابہ و تابعین نے یہ نہیں کہا کاش ہم پیدا ہی نہ ہوتے؟ صرف اس لیے کہ وہ بھی یہ بوجھ ڈھوتے ڈھوتے تھک گئے تھے! اور جس کو لگتا ہے تکلیفیں آسان ہوتی ہیں، درحقیقت اس پر کبھی ٹوٹی نہیں ہوتیں ...“

(صيد الخاطر لابن الجوزي : ٣٦)

 

[عمر السلفی۔]

علم کے ساتھ ساتھ تواضع بھی بڑھ جاتی ہے، میں نے اپنی زندگی میں تین علمی شخصیات میں محبت اور تواضع پائی، شیخ محمد عبداللّٰه الأعظمی رحمہ اللّٰه اور شیخ عزیر شمس ،شیخ صلاح البدیر حفظہم اللّٰه

 

[عمر السلفی۔]

امام ابن القیم رحمہ اللہ فرماتے ہیں: ’’ بندے کو اللہ کے سامنے دو مرتبہ کھڑا ہونا ہے:ایک نماز میں اور دوسرا قیامت کے روز۔لہذاجو شخص نماز کی حالت میں اللہ کے سامنے کھڑا ہونے کا حق ادا کردیتا ہے اس کیلئے قیامت کے دن کا کھڑا ہونا آسان ہوگا۔اور جو شخص نماز والے قیام کا حق ادا نہیں کرتا اس کیلئے قیامت کے دن والا قیام انتہائی سخت ہوگا۔‘‘

 

[عمر السلفی۔]

حافظ گوندلوی رحمہ اللہ کے سب سے لائق و ذہین شاگرد!
شیخ عبد الرحمن ضیاء حفظہ اللہ فرماتے ہیں: " ایک دن ہم طلباء نے شیخ گوندلوی صاحب سے پوچھا کہ آپ کے شاگردوں میں اس وقت سب سے زیادہ ذہین، لائق اور فطین کون ہے، جس پر آپ کو اعتماد ہو؟
تو انہوں نے فرمایا: "عبد المنان نورپوری (رحمہ اللہ)ہے".
(سیرت و سوانح عبد المنان نورپوری، محمد طیب محمدی ص:116).

 

[عمر السلفی۔]

نبی کریم ﷺ پر درود دعا کی قبولیت کا سبب اور گناہوں کی بخشش کا باعث ہے۔ اس کے ذریعے اللّٰہ تعالیٰ بندے کو اس کے مقاصد کے حصول کے لیے کافی ہو جاتا ہے اور درود ہی کی برکت سے انسان کو روزِ قیامت نبی رحمت ﷺ کا قرب نصیب ہو گا۔

امام ابن قیمؒ)

جلاء الأفهام 【 ٤٤٥/١ 】

 

[عمر السلفی۔]

جس کی یہ خواہش ہو کہ اس سے سوال پوچھے جائیں ، وہ اس لائق نہیں ہے کہ اس سے کچھ دریافت کیا جائے ! (بشر الحافیؓ)
___________________________________
مَن أحبَّ أن يُسْأَلَ ، فَليسَ بِأَهْلٍ لِأَنْ يُسْألَ .