اقوال سلف

[عبدالرحیم رحمانی]

حافظ ابن رجب حنبلی رحمہ الله نے فرمایا :

توحید کے تقاضوں کی تکمیل دل، زبان اور اعضاء سے کرنا گناہوں کی مغفرت کا سبب ہے.

جامع العلوم و الحکم 2/417

 

[عبدالرحیم رحمانی]

علامہ حافظ ابن قيم رحمه الله نے فرمایا :

میں نے اپنے استاد شیخ الاسلام کو فرماتے ہوئے سنا :

خوف کی حد یہ ہے جو معصیت کرنے سے روکے رکھے. اس سے زیادہ خوف کی ضرورت نہیں.

‏ تهذيب المدارج 2/723

 

[عبدالرحیم رحمانی]

حضرت فضيل بن عياض رحمه الله نے فرمایا :

بندے کا اللہ سے خوف اس کے علم کے بقدر ہوگا.

اور دنیا سے بے رغبتی آخرت کے شوق کے بقدر ہوگی.

الزهد الكبير 74

 

[عبدالرحیم رحمانی]

علامہ حافظ ابن قيم رحمه الله نے فرمایا :

جو خود کو ویسا ڈھال دے جیسا اللہ تعالی چاہتا ہے تو اللہ تعالی ویسا کرے گا جیسا وہ چاہتا ہے.

اور جو اللہ کی مشیت اور ارادے کے مطابق عمل کرے گا تو اس کے لئے لوہا موم ہوجائے گا.

اور جس نے اس کے لئے حرام چیزوں کو ترک کرے گا تو اللہ تعالی اسے اس کی توقع سے کہیں زیادہ عطا کرے گا.

طريق الهجرتين 1/25

 

[عبدالرحیم رحمانی]

‏امام حسن بصری رحمه الله نے فرمایا :

‏خوبصورت شکل و صورت کے مالک کو چاہئے کہ اپنی خوبصورتی کو برے کام سے بد صورت نہ بنائے.

اور بدصورت کو چاہئے کہ برائی کرکے دو برائیاں (بری شکل اور برا کام) جمع نہ کرے.

‏بهجة المجالس 179
______________________

علامہ ابن قيم رحمه الله نے فرمایا :

صدقہ لینے والا فقیر دراصل آدمی سے بخل کی بیماری نکالتا ہے...

جس طرح سنگی لگانے والا آدمی کے جسم سے خراب خون چوس لیتا ہے.

عدة الصابرين 219

 

[عبدالرحیم رحمانی]

‏علامہ شيخ ابن عثيمين رحمه الله نے فرمایا :

جب کوئی آدمی استغفار کرتا ہے تو دراصل وہ دو چیزیں مانگ رہا ہوتا ہے :
‏
❐ برائیوں پر پردہ پوشی

❐ اور درگزر تاکہ وہ گناہوں پر سزا نہ دے.

الفتاوى 16/87

__________________________

‏ امام حسن بصری رحمه الله نے فرمایا :

میں نے ایسے لوگوں کو پایا ہے جن کے نزدیک یہ دنیا تمہارے قدموں کی خاک سے زیادہ حیثیت نہیں رکھتی تھی.

آداب الحسن البصري 65

 

[عبدالرحیم رحمانی]

علامہ سعدی رحمه الله نے فرمایا :

صالحین کی صحبت سب سے بڑا منافع اور فائدہ ہے.
آدمی زندگی میں ان کی دعائیں سمیٹتا رہے تو اسے فائدہ ہوگا اور اگر مرنے کے بعد بھی آدمی کے لئے وہ دعا کرتے رہیں تو اس سے بڑا منافع اور کیا ہوسکتا ہے.

مجموع الفوائد 106

 

[عبدالرحیم رحمانی]

آب چشم سے لکھنے کے قابل

علامہ محمد بن سيرين رحمہ اللہ نے فرمایا :

کچھ لوگ ایسے بھی تھے جنہوں علم حاصل کرنا اور علماء کی مجلسوں میں بیٹھنا ترک کیا اور عبادات میں خود کو مصروف رکھا.

وہ اس قدر عبادات میں مصروف رہے کہ ان کی کھالیں خشک ہوگئیں پھر ایک وقت ایسا بھی آیا کہ انہوں نے سنت کی خلاف ورزی کی اور مسلمانوں کا خون بہانا شروع کردیا.

مجھے قسم ہے اس ذات کی جس کے سوا کوئی الہ نہیں. جس نے بھی علم کے بغیر کوئی عمل کیا تو اس کے عمل میں فساد کا عنصر اصلاح سے زیادہ ہوگا.

الاستذكار از ابن عبد البر (616/8)

 

[عبدالرحیم رحمانی]

ماہ صفر کو منحوس سمجھنے کی تردید

اس مہینے کی بابت لوگوں میں مذکورہ رسومات و بدعات رواج پاچکی ہیں جن کی تردید نبی اکرمﷺنے اس حدیث میں فرمائی:

*«لَا عَدْوٰی وَلَا طِیَرَةَ وَلَا هَامَّةَ وَلَا صَفَرَ»*1
" (اللہ کی مشیت کے بغیر) کوئی بیماری متعدی نہیں اور نہ ہی بد شگونی لینا جائز ہے، نہ اُلو کی نحوست یا روح کی پکار اور نہ ماہِ صفر کی نحوست۔"

امام ابن قیم رحمہ اللہ فرماتے ہیں:
''اس حدیث میں نفی اورنہی دونوں معانی صحیح ہوسکتے ہیں لیکن نفی کے معنی اپنے اندر زیادہ بلاغت رکھتے ہیں کیوں کہ نفی 'طیرہ'(نحوست) اور اس کی اثر انگیزی دونوں کا بطلان کرتی ہے، اس کے برعکس نہی صرف ممانعت دلالت کرتی ہے۔ اس حدیث سے ان تمام اُمور کا بطلان مقصود ہے جو اہل جاہلیت قبل از اسلام کیا کرتے تھے۔''2

ابن رجب رحمہ اللہ فرماتے ہیں کہ
''اس حدیث میں ماہِ صفر کو منحوس سمجھنے سے منع کیا گیا ہے، ماہ صفر کو منحوس سمجھنا تطیّر(بدشگونی) کی اقسام میں سے ہے۔ اسی طرح مشرکین کا پورے مہینے میں سے بدھ کے دن کو منحوس خیال کرنا سب غلط ہیں۔''3

امام ابوداؤدرحمہ اللہ محمد بن راشد سے نقل کرتے ہیں:
''اہل جاہلیت یعنی مشرکین ماہِ صفر کو منحوس سمجھتے تھے، لہٰذا اس 'لَا صَفَرَ' حدیث میں ان کے اس عقیدہ اور قول کی تردید کی گئی ہے۔''4

امام مالک رحمہ اللہ فرماتے ہیں کہ ''اہل جاہلیت ماہِ صفر کو منحوس سمجھتے اور کہتے کہ یہ منحوس مہینہ ہے ۔ چنانچہ رسول اکرمﷺنے اُن کے اس نظریے کو باطل قرار دیا۔''5
_______________________
1صحیح بخاری:۵۷۰۷
2قرة عیون الموحدین: ۲؍۳۸۴
3ایضًا
4ایضًا
5لطائف المعارف: ص۱۴۷

 

[عبدالرحیم رحمانی]

علامہ شیخ ابن عثيمين رحمه الله نے فرمایا :

مومن کو چاہئے کہ وہ خیر و بهلائی کی امید رکھے.

دنیا کو تاریک دیکھنے سے نا امید ہوجائے گا.

ﺷﺮﺡ ﺭﻳﺎﺽ ﺍﻟﺼﺎﻟﺤﻴﻦ 4/115



حافظ ابن رجب رحمه الله نے فرمایا :

جہنم کی آگ سے اس شخص کو پاک کرنے کی ضرورت ہے جس نے دنیا میں توحید اور اس کے واجبات ادا نہیں کیا

مجموع الرسائل 3/65