اقوال سلف

[عمر السلفی۔]

إياس بن قتادہ رحمه الله نے اپنی داڑھی میں سفید بال دیکھا تو فرمایا:
"لگتا ہے موت کا بُلاوا آ گیا"
(بهجة المجالس: ٢١٩)

 

[عمر السلفی۔]

”إنَّمَا هِيَ أيَّامٌ قَلَائِل وَالْمَوْعِدُ الْجَنَّة“
یہ کچھ دنوں کی بات ہے، اصل ٹھکانہ تو جنت ہے۔
[ابن الجوزی-صفة الصفوة ١/١٢٢]

 

[عمر السلفی۔]

امام ابن القيم رحمہ اللہ فرماتے ہیں:
"انصاف یہ ہے کہ آپ اپنے مخالف کو بھی اسی پیمانے سے ماپیں جس سے اپنے آپ کو ماپتے ہیں۔"
(تهذيب السنن: 122/1)

 

[عمر السلفی۔]

ابو عبد الرحمن حبلى کہتے ہیں :
” کلمہ حکمت سے بڑھ کر کوئی افضل ہدیہ نہیں جو تم اپنے بهائی کو دو “
(مسند الدارمی 363)

 

[عمر السلفی۔]

”رسول اللہﷺ کے طریقے اور راستے پر میانہ چال چلنے والا کسی دوسرے تیسرے کے راستے پر سرپَٹ دوڑنے والے سے جیت جائے گا۔“
(لطائف المعارف لابن رجب : 283)

 

[عمر السلفی۔]

امام ابن جریر طبری رحمه الله فرماتے ہیں :
"بے شک اللہ تعالی نے مومنوں کو ایک دوسرے کا ہر قسم کا مذاق اڑانے سے منع فرما دیا ہے۔"
(تفسیر الطبری ، 22/376)

 

[عمر السلفی۔]

ربیع بن خثیم رحمه الله اس قدر نگاہیں جھکائے رکھتے تھے کہ عورتیں انہیں نابینا سمجھتی تھیں۔
(ذم الھوی: ٨٦)

 

[عمر السلفی۔]

امام ابن قیم فرماتے ہیں:
"کسی نعمت کا چِھن جانا دو باتوں کی وجہ سے ہوتا ہے!
اللہ کے تقوے کو چھوڑ دینا اور لوگوں سے برا سلوک کرنا"

أحكام أهل الذمة (٨٨/١)

 

[عمر السلفی۔]

"سلف صالحین ناپسند کرتے تھے کہ کسی بندے پر مکمل دن گزر جائے اور وہ مصحف (قرآن مجید) نہ کھولے۔"

(تفسير ابن كثير : ٦٨/١)

 

[عمر السلفی۔]

امام ابن تیمیہ رحمہ اللہ فرماتے ہیں :
" تكفیر میں وه لوگ جلدی كرتے ہیں جن كی طبیعت پر جهالت غالب ہوتی ہے "

(السبعینیة:345)