اقوال سلف

[عمر السلفی۔]

تم دیکھو گے کہ اہلِ باطل گواہیوں، خواہشات، اور اعمال میں تو ایک دوسرے سے مختلف ہونگے لیکن اہلِ حق کی عداوت میں سب ایک ہونگے!
تابعی قتادہ رحمہ اللہ
[تفسیر الطبری 292/23]

 

[عمر السلفی۔]

شیخ الاسلام ابن تیمیہ رحمہ اللہ فرماتے ہیں :
"جب بندہ ہمیشہ اللہ تعالٰی کا شُکر ادا کرتا ہے اور اپنے گناہوں پر توبہ استغفار کرتا رہتا ہے تو خیر و بھلائی بھی اسکے لئے مسلسل بڑھتی رہتی ہے. اور شر اس سے دور رہتا ہے۔"
(مجموع الفتاوی 14/262)

 

[عمر السلفی۔]

حافظ ابن الملقن ؒ فرماتے ہیں:
"جب گھٹیا لوگ سردار بن جائیں تو زندگی سےموت ہی بھلی!"

(المعين على تفهم الأربعين 120/1)

 

[عمر السلفی۔]

"اللہ سے دعا نہ کرنا تکبر ہے، مجنون پن کی ایک قسم ہے اور کفران نعمت ہے۔"
علامہ شوکانی رحمہ اللہ
(تحفة الذاکرین 33)

 

[عمر السلفی۔]

"توحید وہ پہلی چیز جس کے ساتھ اسلام میں داخل ہوا جاتا ہے اور توحید ہی وہ آخری چیز ہے جس کے ساتھ دنیا چھوڑی جاتی ہے۔"
پس توحید ہی پہلا فرض ہوا اور توحید ہی آخری فرض!
یعنی توحید اول اور توحید آخر !
امام ابن قیم رحمہ اللّٰہ
(مدارج السالكين ٣/٤٤٣)

 

[عمر السلفی۔]

آسمان کے نیچے قرآن مجید کے بعد بخاری ومسلم سے بڑھ کرصحیح ترین کتاب اور کوئی نہیں!
امام ابن تیمیہ رحمہ اللہ
(مجموع الفتاوى 18/74)

 

[عمر السلفی۔]

سیدنا ابنِ عباس رضی اللہ عنہ اپنی زبان سے مخاطب ہو کر فرمانے لگے:
اے زبان! خاموش رہا کر ، شرمندہ ہونے سے بچی رہے گی۔
(الآداب للبیھقی: ۱۲۲/۱)

 

[عمر السلفی۔]

شفیق بلخی ؒ فرماتےہیں :
‏علاماتِ توبہ
(1) ماضی پر رونا-
(2) مبتلاے معصیت ہونے سے ڈرنا-
(3) بری صحبت ترک کرنا ۔
(4) نیکوں کا ساتھ اختیار کرنا-


قال شقيق البلخي رحمه الله : علامة التوبة : البكاء على ما سلف و الخوف من الوقوع في الذنب
وهجران إخوان السوء وملازمة الأخيار نزهة الفضلاء صـ 711

 

[عمر السلفی۔]

عبد اللہ بن ابی الہدیل سے روایت ہے، وہ کہتے ہیں کہ ہم عبد اللہ بن مسعود کے ساتھ شام یا عمان میں تھےتو لوگوں نے جنت کا تذکرہ کیا:
پس انہوں نے کہا: "جنت کے انگوروں کے گچھوں میں سے ایک گچھا یہاں سے لےکر صنعاء [یمن] تک بڑا اور لمبا ہوگا۔"
[صحيح الترغيب والترهيب:3730]

 

[عمر السلفی۔]

"عمل کے بغیر علم ایسے ہے جیسے شجر بے ثمر، منافق کا علم اس کے قول میں ہے اور مومن کا علم اس کے عمل میں ہے!"
عبداللّٰہ بن المعتز رحمہ اللہ

‏قال عبد الله بن المعتز رحمه الله: (علم بلا عمل كشجرة بلا ثمرة)
وقال أيضاً: (علم المنافق في قوله، وعلم المؤمن في عمله)
رواه الخطيب في اقتضاء العلم العمل(٣٨)