اقوال سلف

[عمر السلفی۔]

”ایسا مومن دوست تلاش کرو جو اللہ کی اطاعت میں تمہاری مدد کرے، تمہیں خیر پر ابھارے، شَر سے ڈرائے، تمہیں اس سے جب بھی پہنچے خیر ہی پہنچے۔“

(مجموع الشيخ ربيع بن هادي المدخلي : 28)

 

[عمر السلفی۔]

دوستوں سے ملنا غموں اور بیماریوں کی دوا ہے ...

ایک روز عبد الله بن مسعود رضى الله عنه اپنے دوستوں سے ملے تو فرمانے لگے : ”تم ہی تو میرے غموں کا مداوا ہو۔“

(الإخوان لابن أبي الدنيا : 84)

مایہ ناز طبیب اور سائنسدان ابنُ النّفيس لکھتے ہیں :

”کچھ چیزیں بہت سی بیماریوں کا علاج ہیں ؛ جیسے خوش ہونا اور اپنے چاہنے والوں سے ملنا ...“

(الموجز في الطب : 69)

حافظ ابن عبد البر رحمه الله فرماتے ہیں :

”علماء اور حکماء کا اتفاق ہے کہ عیادت کرتے ہوئے مستحب یہ ہے کہ مریض کے پاس زیادہ دیر نہ ٹھہرا جائے، اِلّا یہ کہ مریض اُنس و الفت کی خاطر کسی دوست کو بلا بھیجے۔“

(التمهيد : 197/1)
.

 

[عمر السلفی۔]

”اے عائشہ! بدترین ہیں وہ لوگ، جن کی عزت ان کے زبان کے شر سے بچنے کے لیے کی جاتی ہے۔“

(سنن أبي داؤد : ٤٧٩٢ ، وأصله في الصحيحين)

 

[عمر السلفی۔]

‏تابعی محمد بن واسع رحمه الله بیان کرتے ہیں :

”میں نے ایسے لوگوں (صحابہ و تابعین) کو پایا کہ وہ صفوں میں کھڑے ہو کر رویا کرتے، ان کے آنسو رخساروں پر بہہ رہے ہوتے مگر ساتھ والے کو ذرا خبر نہ ہوتی۔“

(الإخلاص لابن أبي الدنيا : 36 ، والرقة والبكاء : 162)

 

[عمر السلفی۔]

”جو شخص کسی نیکی کو عادت بنا لے جیسے تلاوت، روزہ یا قیام؛ تو اس نیکی سے اُنس کی کیفیت ہی الگ ہوتی ہے، بندہ اس کیلیے مچلتا ہے۔ جب کبھی انقطاع آ جائے یا سستی ہو جائے تو اس پر بہت گراں گزرتا ہے، اور نیکی کی طرف واپسی اللہ کی توفیق سے ہی ہوتی ہے۔“

(دكتور عبد العزيز الشایع حفظه الله)

 

[عمر السلفی۔]

”بنی آدم کے دل مٹی سے بنائے گئے ہیں اور مٹی موسمِ سرما میں نرم پڑ جاتی ہے۔“

(صفة الصفوة : 374/2 ، لطائف المعارف : 566)

 

[عمر السلفی۔]

”عبادت کی اصل رات کی ریاضت ہے، اور جنت کا مختصر ترین راستہ دل کی سلامتی ہے۔“

(امام ابن الأكفاني رحمه الله || تاريخ دمشق : 123/49)

 

[عمر السلفی۔]

”وفا دار دوستوں کو ڈھونڈنا دشمن بنانے سے کہیں مشکل ہے۔ کسی کو دشمن بنانے میں لمحہ لگتا ہے، مگر سچے دوست کی تلاش میں عمر بیت جاتی ہے۔ جس کسی کو با وفا دوست مل جائے تو وہ اس دوستی پر گرہ باندھ لے!“

(شیخ صالح العصيمي حفظه الله)

 

[عمر السلفی۔]

سیدنا عمرو بن العاص رضي الله عنه نے فرمایا :

”جب دوست بڑھ جائیں، تو حقوق بھی بڑھ جاتے ہیں۔“

(الأدب المفرد للبخاري : 855 ، صحيح)

 

[عمر السلفی۔]

”اور نظرِ حرام میں جبابرہ و متکبرین کو تعظیم کی نگاہ سے دیکھنا بھی شامل ہے۔“

(النصيحة الكافية للشيخ زروق الفاسي : 71)