اقوال سلف

[عمر السلفی۔]

امام غزالیؒ فرماتے ہیں کہ

کامل محبت یہ ہے کہ اللہ تعالیٰ کے ساتھ دل کی گہرائیوں سے محبت کی جائے ، کیونکہ جب تک کسی کی طرف توجہ رہے گئ دل کا کوئی نا کوئی گوشہ غیر اللہ کی طرف ضرور متوجہ ہوگا اور جس قدر غیر اللہ میں مصروفیت ہوگئ اسی قدر اللہ تعالیٰ کی محبت میں کمی ہوجائے گئ

[ محبت : صفحہ 24 دارلسلام ]

 

[عمر السلفی۔]

علامہ ابن قیم ؒ فرماتے ہیں

بدعتیوں کے دل مردہ ہوتے ہیں اور ان کے تمام احوال، معاملات ، اندھیرے میں ہوتے ہیں
صرف اللہ تعالیٰ جسکے ساتھ خوشی بختی کا ارادہ فرماتے ہیں اسے ان اندھیروں سے نکال کر نور کی طرف لے جاتے ہیں

[ اجتماع الجیوش الاسلامیۃ لابن القیم 39/2 ]

 

[عمر السلفی۔]

"جو اشاعت اسلام کی نیت سے علم سیکھتا ہے وہ صدیقین میں سے ہے۔
اور انبیاء علیھم السلام کے بعد صدیقین کا درجہ ہے۔"
امام ابن القيم رحمه الله
[مفتاح دار السعادة 1\ 185]

 

[عمر السلفی۔]

"قرآن پڑھنے والے سے دھوکا نہ کھاؤ کہ یہ تو کلام ہے جسے وہ پڑھ رہا ہے۔
بلکہ یہ دیکھو اس پر عمل کون کر رہا ہے!"
عمر بن خطاب رضی اللہ عنہ
‏(تفسير سعيد بن منصور ١٢٧)

 

[عمر السلفی۔]

"اللہ نے دل کے لیے اس سے سخت سزا اور کوئی نہیں رکھی کہ وہ اس سے حیاء کو سلب کر لے!"
مالک بن دینار رحمہ اللہ
(تنبيهُ المُغترِّين ١٨٦)

 

[عمر السلفی۔]

"قلیل ادب بہتر ہے کثیر عمل سے!
ابلیس اسی لیے ہلاک ہوا اور اُس کا کثیر عمل ضائع ہو گیا قِلت ادب کی وجہ سے!"
امام قرافی رحمہ اللہ
[الفروق، 4/272]

 

[عمر السلفی۔]

- "اگرچہ گناہ سبھی بھیانک ہیں مگر ایک طالب علم کے حق میں بدترین گناہ غرور و تکبر اور خود کو بڑا سمجھنا ہے۔"

[ شیخ عبد السلام بن برجس رحمه الله || عوائق الطلب : ٣٢ ]

 

[عمر السلفی۔]

امام ابن القيم رحمه الله فرماتے ہیں

کیا آپ دیکھتے نہیں کہ ایک شخص اعلی کردار عقل کی فراوانی، ایمان کی ٹھنڈک، اسلام کے وقار اور قرآن کی حلاوت سے مالا مال ہوتا ہے؛ پھر وہ موسیقی سننے لگ جاتا ہے تو اس کی عقل میں نقص پیدا ہو جاتا ہے، حیا ماند پڑ جاتی ہے، حسن ساتھ چھوڑ دیتا ہے اور وقار ختم ہو کر رہ جاتا ہے

إغاثة اللهفان : ٤٤٠/١ ]

 

[عمر السلفی۔]

معافی بن عمران رحمه اللہ فرماتے ہیں :

اس شخص کی مثال جو کسی عالم پر غصہ نکالتاہے ۔ اس شخص کی طرح ہے ۔ جو اپنا غصہ کسی جامع مسجد کے ستونوں پر نکالتا ہے :

تذکرة السامع والمتکلم ابن جماعة رحمه اللہ : صفحه /١٤٢

 

[عمر السلفی۔]

امام شافعی رحمۃ اللہ علیہ فرماتے ہیں

شَکَوْتُ اِلٰی وَکِیْعٍ سُوْءَ حِفْظِیْ

فَاَوْصَانِیْ اِلٰی تَرْکِ الْمَعَاصِیْ

فَاَخْبَرَنِیْ بِاَنَّ الْعِلْمَ نُوْرٌ

وَ نُوْرُ اللّٰہِ لَا یُعْطٰی لِعَاصِیْ

میں نے (اپنے استاد ) وکیع رحمۃ اللہ علیہ کو حافظہ کے کمزور ہونے کی شکایت کی تو انہوں نے مجھے وصیت کی کہ اللہ کی نافرمانی چھوڑ دو کیونکہ علم اللہ کا نور ہے اور اللہ کا نور گنہگار کو نہیں دیا جاتا

(دیوان الشافعی رحمۃ اللہ علیہ : ص ٥٤)