اقوال سلف

[عمر السلفی۔]

علامہ حافظ ابن قيم رحمہ الله نے فرمایا :

 دل کی بیماری بدن کی بیماری سے زیادہ سنگین ہے کیونکہ بدن کی بیماری کی انتہا موت ہے.

 جبکہ دل کی بیماری کا نتیجہ ہمیشہ ہمیشہ کی شقاوت اور عذاب ہے.

اس کا علاج بجز علم کے اور کچھ نہیں.

 دل کے لئے علم اتنا ضروری ہے جیسے مچھلی کے لئے پانی.

مفتاح دار السعادة 140

 

[عمر السلفی۔]

* سورۃ یوسف کے معانی پر غور کرتے ہوئے اسے پڑھیے ؛ سارے غم بھول جائیں گے! •••*

سلف میں سے کسی کا کہنا ہے : "جس غمگین شخص نے بھی سورة یوسف پڑھی اسے راحت نصیب ہوئی !"

* |[ ﺗﻔﺴﻴﺮ ﺍﻟﺒﻐﻮﻱ : ٤٣٤/٢ ]|*

 

[عمر السلفی۔]

- تلاوتِ قرآن اور آزمائش ...

امام حسن البصري رحمه الله فرماتے ہیں:

*”والله يا ابن آدم لئن قرأت القرآن، ثم آمنت به؛ ليطولن في الدنيا حزنك، وليشتدن في الدنيا خوفك، وليكثرن في الدنيا بكاؤك.“*

"ﷲ کی قسم! اے آدم کی اولاد! تم اگر قرآن کی تلاوت کرو، پھر اس پر (کامل) ایمان لے آؤ تو دنیا میں تمہارا غم زیادہ ہوجائے، شدید خوف میں مبتلا ہو جاؤ اور کثرت سے روتے رہو۔"

-(كتاب الزهد لأحمد بن حنبل الشيباني، بتحقيق محمد عبد السلام شاهين : ١٤٥٣ || سنده حسن لذاته)

 

[عمر السلفی۔]

تین کام سب سے سخت ( مشکل ) ہیں : تنگ دستی کے باوجود سخاوت کرنا ، تنہائی میں پرہیز گاری اختیار کرنا ، اور اس کے سامنے کلمہ حق کہنا جس سے خوف یا کسی چیز کی امید ہو۔۔
امام شافعی رحمہ الله

قال الشافعی :
(( اشد الاعمال ثلاثة : الجود من قلة ، والورع فی خلوة ، و كلمة الحق عند من يرجی و يخاف . ))
[ المنتظم ١٣٧/١٠ ]

 

[عمر السلفی۔]

عالم ربانی علامہ ابن قیم الجوزیہ رحمہ اللہ (751ھ) فرماتے ہیں :

"جب انسان اپنی صبح وشام اس حالت میں کرے کہ اس کے لیے باعثِ توجہ صرف ذاتِ الہی ہو تو اللہ تعالی اس کی تمام ضروریات اور قابلِ تشویش امور کی ذمہ داری لے کر اس کے دل کو اپنی محبت، زبان کو اپنے ذکر اور اعضاء کو اپنی اطاعت کے لیے آزاد وفارغ البال کر دیتے ہیں اور جو صبح وشام یوں کرے کہ اس کا خیال وفکر محض دنیوی امور ہوں تو اللہ تعالی اس کے غم و پریشانیوں کی ذمہ داری اسی کے سر پر لاد کر اسے بے فیض وناکام بنا دیتے ہیں، اسے اس کے نفس کے سپرد کر دیتے ہیں اور اس کے دل کو اپنی محبت کی بجائے محبتِ خلائق میں، زبان کو اپنے ذکر کی بجائے ذکرِ اشخاص میں اور اعضاء کو اپنی اطاعت کی بجائے لوگوں کی خدمت میں مشغول کر دیتے ہیں."

(الفوائد : 84)

 

[عمر السلفی۔]

الختلی ایک دلچسپ واقعہ نقل کرتے ہوئے فرماتے ہیں: " میں نے ایک شیخ کو منی میں سواری کرتے دیکھا اور ایک شیخ اس سواری کی قیادت کر رہے تھے جبکہ ایک دوسرے شیخ اسے ہانک رہے تھے اور وہ دونوں کہہ رہے تھے: شیخ کے لئے راستہ چھوڑو۔ تو میں نے پوچھا: سوار ہونے
والے کون شیخ ہیں؟ فرمایا: امام اوزاعی، میں نے پوچھا: قائد کون ہے؟ فرمایا: امام سفیان الثوری، میں نے پوچھا: ہانکنے والا کون ہے؟ فرمایا: امام مالک بن انس۔
(الکامل لابن عدی: 1/ 173)
رحمهم الله
#سفيان_الثوري

 

[عمر السلفی۔]

حاتم الاصم رحمه الله فـرماتے ہیں:

جلد بازی شیطان کا کام ہوتا ہـے بجز پانچ أمور کـے ان میں جلدی کـرنا رسـولﷺ کی سنّت ہـے,

١ - مہمان کـو کھانا کھـلانا,
٢ - میت کی تجہیز وتکفین کـرنا,
٣ - کنواری لڑکی کا نکاح کروانا,
٤ - قـــــــر ض ادا کـرنا,
٥ گنــــــــاہوں سـے توبـہ کـرنا,

[[ رواحة القـلوب ١٤٤ ، الحلية لأبي نعيم (٨٢/٨) ]]
ـــــــــــــــــــــــــــــــــــــــــــــــــ

 

[عمر السلفی۔]

امام الدعوہ محمد بن عبد الوهاب رحمہ اللہ فرماتے ہیں :

"زمانہءِ غربت واجنبیت میں لزومِ طریقہءِ نبوی صلی اللہ علیہ و سلم سے بڑھ کر میں قربتِ الہی کا کوئی بھی راستہ نہیں جانتا."

(مؤلفات الشيخ محمد بن عبدالوهاب - الجزء السابع - الرسائل الشخصية : 6/ 288)

 

[عمر السلفی۔]

شیخ محمد أمان الجامي رحمه الله تعالى فرماتے ہیں :

*« کامیاب داعی وہ ہے جو لوگوں کو باتوں سے پہلے اپنی سیرت کے ذریعے سنوارے. زبان سے قبل اپنے رویے اور حسنِ سلوک سے الله کی طرف بلائے ».*

|[ مشاكل الدعاة والدعوة في العصر الحديث : ١٢٦ ]|

 

[عمر السلفی۔]

شیخ الاسلام ابن القیم رحمہ اللہ (751ھ) فرماتے ہیں :

بلندیءِ غیرت کی تین اقسام ہیں اور یہی غیرت کی حقیقت ہے :
1. بندے کا اللہ تعالی کی حدود کی پامالی و اس کی حرام کردہ چیزوں کے ارتکاب پر غیرت کرنا.
2. اپنے دل کے غیر اللہ کے ساتھ مانوس ہوجانے اور انہیں سکونِ جاں سمجھنے پر غیرت کرنا.
3. بندہ اپنی عزت ومحرمات ومکرمات پر غیر مرد کی تانک جھانک پر غیرت مند ہو.
اللہ و رسول کی محبوب غیرت کی یہی تین اقسام ہیں، ان کے علاوہ جو بھی ہے یا تو شیطانی دھوکہ ہے یا اللہ کی طرف سے آزمائش ہے جیسا کہ عورت کا اپنے مرد پر غیرت کے متعلق غیرت کھانا.

(روضۃ المحبين : 314)