اقوال سلف

[عمر السلفی۔]

مشکل ترين صبر

امام یحیی بن معاذ رحمہ اللہ فرماتے ہیں : *لوگوں کی تکلیفوں پر صبر کرنا آگ کی تکلیف پر صبر کرنے سے بھی مشکل ہے ۔*

[ سیر اعلام النبلاء ٦٦/١٠ ]

 

[عمر السلفی۔]

”اگر اللہ تمہیں کسی مسلمان بھائی کی محبت عطا کر دے تو اسے مضبوطی سے تھام لو !“

سيدنا عمر بن الخطاب رضي الله عنه
موسوعة ابن أبي الدنيا : ٥٩/١ ، صحيح

 

[عمر السلفی۔]

*آدمی اپنے ہم نشینوں کے ساتھ لطف و مہربانی اور حسن اخلاق سے پیش آئے، یہ اس کے لیے رات کے قیام اور دن کا روزہ رکھنے سے بہتر ہے.*
محدث فضیل بن عیاض رحمہ اللہ
__________________________
قال الفضيل بن عياض -رحمه الله-:, لأن يلاطف الرجل أهل مجلسه ويحسن خلقه معهم، خير من قيام ليله وصيام نهاره. [وفيات الأعيان ٣/ ٤٨٢]

 

[عمر السلفی۔]

‏ - ”جو شخص کسی نیکی کو عادت بنا لے جیسے تلاوت، روزہ یا قیام؛ تو اس نیکی سے اُنس کی کیفیت ہی الگ ہوتی ہے، بندہ اس کیلیے مچلتا ہے۔ جب کبھی انقطاع آ جائے یا سستی ہو جائے تو اس پر بہت گراں گزرتا ہے، اور نیکی کی طرف واپسی اللہ کی توفیق سے ہی ہوتی ہے۔
د. عبد العزيز الشایع حفظه الله

 

[عمر السلفی۔]

‏ علامه مبارك الميلي رحمه الله فرماتے ہیں :

*« اگر آپ قوموں کے زوال کا جائزہ لیں تو آپ دیکھیں گے کہ دلوں کی سیاہی، عقلوں کی پستی اور اخلاق کی بربادی کا بنیادی سبب شرک رہا ہے ».*

*|[* تهذيب الشرك ومظاهره : ٢٨ *]|*

 

[عمر السلفی۔]

- ”جو اللہ کے حکم کے سامنے جھک جائے، اللہ اس کی شان بلند کر دیتا ہے، اور اس کا ذکرِ خیر عام کر دیتا ہے۔“

- |[ امام ابن كثير رحمه الله || تفسير القرآن العظيم : ٤٨/٥ ]|

 

[عمر السلفی۔]

️ - ”معاشرے کے کمزور اور دُھتکارے ہوئے لوگوں کی تعلیم پر خصوصی توجہ دو۔ ان کے ہاں جاؤ، انہیں حق اور سنت سکھلاؤ۔ تمہارے ذریعے ایک بندے کا ہدایت پا جانا تمہارے لیے سُرخ اونٹوں سے بہتر ہے۔“

|[ شیخ عبد السلام الشويعر حفظه الله ]|

 

[عمر السلفی۔]

- *محبت ایک دائمی تعلق ہے ...*

شیخ الحدیث مولانا اسماعیل سلفی رحمه الله فرماتے ہیں :

”محبت کا معیار نعرہ بازی نہیں اور نہ عشق کا تقاضا ریاکاری اور دکھلاوا ہے، محبت زمانی اور مکانی نہیں ہوتی، *الفت دائمی تعلق کا نام ہے جو عاشق کے دل پر اور اس کی زندگی پر ہمیشہ غالب رہے*۔ محبت رسول صلی اللہ علیہ وسلم کا نعرہ لگانا آسان ہے لیکن محبّ بننا مشکل، اگر محبّ بننا ہو تو صحابہ کرام، مہاجرین عظام، انصارِ مدینہ، شہدائے احد، مجاہدینِ بدر اور خصوصاً مکی زندگی میں اسلام قبول کرنے والے فرشتہ صفت لوگوں کی شیفتگی اور والہانہ عقیدت اور سراپا جانثاری سے سبق لینا ہو گا۔ محبت موسمی چیز نہیں کہ ربیع الاول میں تو سیلاب بن کر آئے اور باقی سارا سال آپ کو احساس تک نہ ہو کہ آپ کا کوئی رسول بھی ہے۔“

- (فتاویٰ سلفیہ : 21)

 

[عمر السلفی۔]

- "یاد رکھیں، اگر آپ اللہ کی رضا کیلیے حق بات کریں گے تو وہ ضرور اثر دکھائے گی، خواہ آپ کے سامنے اسے ٹھکرا دیا جائے۔"

[ شیخ محمد بن صالح العثيمين رحمه الله || شرح الأربعين النووية : ١٥٤ ]

الرَّبَّانِيُّوْن (٢٧١)

 

[عمر السلفی۔]

- ”مسلمان سبھی دین دار ہوتے ہیں، علماء کی خصوصیت ان کا انبیاء کا وارث ہونا ہے۔ منافقین کی چالوں میں سے ہی کہ انہوں نے دین دار کا لفظ علماء کے ساتھ خاص کر دیا ہے تاکہ وہ عیسائیت سے سائنس اور مذہب کی جنگ اسلام میں درآمد کر سکیں اور لوگوں کو مولویت کے نام پر مذہب سے بدظن کریں۔ سو یہ دین دار اور دنیا دار کی تقسیم کرنے والے آپ کے دشمن ہیں، ان سے آگاہ رہیں۔“

- |[ شیخ صالح العصيمي حفظه الله ]|