اقوال سلف

[عمر السلفی۔]

شیخ مقبل بن هادي الوادعي رحمه الله فرماتے ہیں :

حق بات کہنے سے نا تو تمہارا رزق رک جائے گا اور نہ ہی تمہاری موت قریب آئے گی ».

|[ البشائر في السماع المباشر : ٣٨ ]|

 

[عمر السلفی۔]

شیخ عبد الرحمن بن ناصر السعدي رحمه الله فرماتے ہیں :

« بلندی کی طرف جانے والے سارے راستے تواضع سے ہو کر گزرتے ہیں. اخلاق کی ساری خوبصورتی حق کے سامنے جھکنے اور مخلوق کے حق کی تعظیم میں ہے ».

|[ الرياض الناضرة : ٩٩ ]|

 

[عمر السلفی۔]

إمام الشافعي رحمه الله تعالى کہتے ہیں :
جس نے تین چیزیں چھپائیں ، اُس نے اپنے آپ پر ظلم کیا .
طبیب سے بیماری چھپانا
اور دوست سے بھوک چھپانا
اور حاکم وقت کو نصیحت نہ کرنا

ثلاث خصال من كتمها ظلم نفسه: العلة من الطبيب،
والفاقة من الصديق،
والنصيحة للإمام.

•الانتقاء في فضائل الثلاثة الأئمة الفقهاء/ لابن عبدالبر
رحمه الله تعالى •

 

[عمر السلفی۔]

"جو کوئی اپنی ذات، اپنے اہل خانہ اور معاشرے کے ساتھ بھلائی کا ارادہ رکھتا ہو ؛ اسے چاہیے کہ فہمِ سلف کے مطابق کتاب و سنت کی تعلیمات عام کرے۔"

شیخ سليمان بن سليم الله الرحيلي حفظه الله

[شرح الوصية الصغرى : ٣٢]

 

[عمر السلفی۔]

 

[عمر السلفی۔]

 

[عمر السلفی۔]

#ذکر_الہی

شیخِ نیشاپور ابو عبداللہ الزاھد احمد بن حرب رحمہ اللہ جب مونچھیں کٹوانے کے لیے حجام کے سامنے بیٹھتے تو بھی اللہ کا ذکر جاری رکھتے ۔

حجام کہتا :کچھ دیر خاموش ہو جائیں تو امام احمد بن حرب فرماتے:تم اپنا کام دھیان سے کرو ۔

بعض اوقات امام احمد بن حرب کا ہونٹ بھی کٹ جاتا (ذکر الہیٰ میں مشغولیت کی وجہ سے )انھیں معلوم بھی نہیں ہوتا تھا ۔

سیر اعلام النبلاء 33/11

⁦

 

[عمر السلفی۔]

شيخ الإسلام ابن تيمية رحمه الله (المتوفی : ٧٢٨ھ) فرماتے ہیں :

قبر رسول الله صلى الله عليه وآله وسلم أفضل قبر على وجه الأرض وقد نهى عن اتخاذه عيداً فقبر غيره أولى بالنهي كائناً من كان .

"رسول اللہ صلی اللہ علیہ وسلم کی قبرِ مبارک زمین پر افضل ترین قبر ہے، اور اسے میلہ گاہ بنانے سے منع کر دیا گیا ہے تو آپ کے علاوہ کسی دوسرے کی قبر سے ممانعت تو بالأولی ہے چاہے وہ کسی کی بھی ہو."

(اقتضاء الصراط المستقيم : ١٧٢/٢ طبع دار عالم الكتب، بيروت)

 

[عمر السلفی۔]

نظر کی حفاظت کا نسخہ کیمیاء

‏جنید بغدادی رحمه الله سے پوچھا گیا:

نظر کی حفاظت پر کیسے مدد لی جائے؟

آپ نے فرمایا:
تمھارے اس یقین سے کہ الله کی نظر تم پر پہلے پڑجاتی ہے، تمھارے کسی بھی چیز (ممنوع، نا محرم) پر نظر ڈالنے سے پہلے۔

- إبن رجب | جامع العلوم والحكم ٢/٤٧٩

 

[عمر السلفی۔]

اپنی کمزوریوں کو پہچانیے

امام ابن حزم رحمہ اللہ فرماتے ہیں:
ناقص کو اگر اپنے نقص کی خبر ہو جائے
تو وہ ضرور کامل ہو سکتا ہے...
الأخلاق والسير في مداواة النفوس لابن حزم(ص:39)
محمد ایک جزائری مصنف محمد کرد علی کہتےہیں:
اپنی کمزوریوں کا علم ہوجانا بھی کمال کی ایک قسم ہے۔
کنوز الاجداد(ص:40)