اَلدِّیْنُ النَّصِیْحۃ

[ساجد تاج]

رسول اللہ ﷺنے فرمایا:
لَا یُؤْمِنُ اَحَدُکُمْ حَتّٰی یُحِبّ لِاَخِیْہِ مَا یُحِبُّ لِنَفْسِہٖ۔ (بخاری)
تم میں سے کوئی اس وقت تک مومن نہیں ہوسکتا جب تک کہ جو اپنے لیے چاہے وہی اپنے مسلمان بھائی کے لیے بھی چاہے اور یہ مانی ہوئی بات ہے کہ ہر شخص اپنے لیے بھلائی ہی چاہتا ہے۔

مطلب یہ ہے کہ جو مسلمان بھائی کے لیے بھلائی نہ چاہے وہ مسلمان نہیں لہٰذا نہ کوئی مسلمان کسی مسلمان پر ظلم کرے اور نہ اس کی برائی چاہے۔

 

[ساجد تاج]

رسول اللہ ﷺنے فرمایا:
اُنْصُرْ اَخَاکَ ظَالِمًا اَوْ مَظْلُوْمًا فَقَالَ رَجُلٌ یَارَسُوْلُ اللہِ اَنْصُرُہٗ مَظْلُوْمًا فَکَیْفَ اَنْصُرُہٗ ظَالِمًا قَالَ تَمْنَعُہٗ مِنَ الظُّلْمِ فَذَالِکَ نَصْرُکَ اِیَّاہُ۔ (بخاری، مسلم)
اپنے مسلمان بھائی کی ہر حال میں مدد کرو خواہ وہ ظالم ہو یا مظلوم۔ ایک شخص نے عرض کیا اے اللہ کے رسول! مظلوم کی امداد کریں گے لیکن ظالم کی امداد ہم کیسے کریں؟ آپ نے فرمایا کہ اس کو ظلم سے روکو، یہی اس کی امداد ہے۔

 

[ساجد تاج]

ایک حدیث میں آپ ﷺنے اس طرح فرمایا:
اَلْمُسْلِمُ اَخُوا لْمُسْلِمِ لَا یَظْلِمُہٗ وَلَا یُسْلِمُہٗ وَمَنْ کَانَ فِیْ حَاجَۃِ اَخِیْہِ کَانَ اللہُ فِیْ حَاجَتِہٖ۔ (بخاری)
یعنی ایک مسلمان دوسرے مسلمان کا بھائی ہے نہ وہ اس پر ظلم کرے نہ اس کو ظالم کے ہاتھ میں چھوڑے اور جو شخص اپنے بھائی مسلمان کی ضرورت پوری کرنے میںمصروف ہو تو اللہ تعالیٰ اس کی حاجتیں اور مرادیں بَر لائے گا۔

 

[ساجد تاج]

ایک دوسری جگہ رسول مقبول ﷺنے فرمایا:
اَلْمُسْلِمُ اَخُوا لْمُسْلِمِ لَا یَظْلِمُہٗ وَلَا یُسْلِمُہٗ وَمَنْ کَانَ فِیْ حَاجَۃِ اَخِیْہِ کَانَ اللہُ فِیْ حَاجَتِہ وَمَنْ فَرَّجَ عَنْ مُسْلِمٍ کُرْبَۃً فَرَّجَ اللہُ عَنْہُ کُرْبَۃً مِّنْ کُرُبَاتِ یَوْم الْقِیٰمَۃِ وَمَنْ سَتَرَ مُسْلِمًا سَتَرَہُ اللہُ یَوْمَ الْقِیٰمَۃِ۔ (بخاری، مسلم)
ایک مسلمان دوسرے مسلمان کا بھائی ہے، نہ خود اس پر ظلم کرے اور نہ کسی ظالم کے حوالے کرے، اور جو اپنے بھائی کی حاجت روائی میں لگا رہتا ہے تو اللہ تعالیٰ اس کی حاجت روائی کرتا ہے۔ جو شخص اپنے مسلمان بھائی کی عیب پوشی کرے گا تو قیامت کے دن اللہ تعالیٰ اس کی عیب پوشی کرے گا۔

 

[ساجد تاج]

اس حدیث سے معلوم ہوا کہ مسلمان بھائی کے عیوب چھپانا بھی اسلامی حق ہے۔ اگر کوئی مسلمان بھائی کی آبرو ریزی کررہا ہو تو حتی الامکان اس کو آبرو ریزی سے بچانے کی کوشش کرنی چاہیے۔ رسول اللہ ﷺنے فرمایا:
’’جو مسلمان اپنے بھائی کی ایسی جگہ مدد کرے جہاں اس کی بے عزتی کی جارہی ہو اور توہین کی جارہی ہو تو اللہ تعالیٰ بھی اس کی اس جگہ مدد کرے گا جہاں وہ مدد کو پسند کرتا ہے۔

 

[ساجد تاج]

اس حدیث سے معلوم ہوا کہ مسلمان بھائی کے عیوب چھپانا بھی اسلامی حق ہے۔ اگر کوئی مسلمان بھائی کی آبرو ریزی کررہا ہو تو حتی الامکان اس کو آبرو ریزی سے بچانے کی کوشش کرنی چاہیے۔ رسول اللہ ﷺنے فرمایا:
’’جو مسلمان اپنے بھائی کی ایسی جگہ مدد کرے جہاں اس کی بے عزتی کی جارہی ہو اور توہین کی جارہی ہو تو اللہ تعالیٰ بھی اس کی اس جگہ مدد کرے گا جہاں وہ مدد کو پسند کرتا ہے۔

 

[ساجد تاج]

مسجد احمد، ترمذی، ابوداؤد کی روایت میں ہے:
اَلْمُؤْمِنُ مِرْأَۃُ الْمُؤْمِنِ وَالْمُؤْمِنُ اَخُوالْمُؤْمِنِ یَکُفُّ عَنْہُ ضَیْعَتَہٗ وَیَحُوْطُہٗ مِنْ وَّرَائِہٖ۔
یعنی ہر مومن اپنے مومن بھائی کے لیے آئینہ ہے اور بھائی ہے اگر اس کے اندر کا عیب دیکھے تو نہایت نرمی سے اس کے عیب کو اس کے سامنے ظاہر کردے تاکہ وہ اس کی اصلاح کرلے۔

 

[ساجد تاج]

ہر انسانی برادری کے ساتھ ہمدردی و خیرخواہی تو ضروری ہے ہی لیکن بعض بعض لوگوں کے ساتھ نصیحت اور خیرخواہی انسانیت کا جوہر اور شرافت کا رکن اعظم ہے۔ اس میں سے پڑوسی اور ہمسایہ ہیں۔ ہمسایہ اور پڑوسی وہ رہنے والے دو آدمی ہیں جو ایک دوسرے کے قریب رہتے و بستے ہیں۔ انسانیت اور اس کے تمدن کا باہمی اشتراک عمل تعاون اور موالات پر قائم ہے۔ اس دنیا میں ہر انسان دوسرے انسان کا محتاج ہے، اگر ایک بھوکا ہے تو دوسرے پر حق ہے کہ اپنے کھانے میں سے اس کو بھی کھلائے، ایک اگر تن درست ہے تو اپنے بیمار بھائی کی تیمارداری کرے، ایک پر اگر کوئی مصیبت آئے تو دوسرا اس کا شریک اور ہمدرد بنے اور اخلاقی نظام کے ساتھ انسانوں کی مجموعی آبادی باہمی محبت اور حقوق کی ذمہ داریوں کی گرہ میں بندھ کر ایک ہوجائے۔

 

[ساجد تاج]

ہر انسان بظاہر جسمانی اور مادی حیثیت سے جتنا ایک دوسرے سے علیحدہ اور بجائے خود مستقل ہے، اخلاقی اور روحانیت کی حیثیت سے فرض ہے کہ وہ اتنا ہی ایک دوسرے سے ملا ہوا ہو۔ اور ایک کا وجود دوسرے کے وجود سے پیوستہ ہو۔ اسی لیے ہر مذہب نے ان دونوں انسانوں پر جو ایک دوسرے کے قریب آباد ہوں، ایک دوسرے کی محبت اور مدد کی ذمہ داری رکھی ہے کہ وہی وقت پر اوروں سے پہلے ایک دوسرے کی مدد کو پہنچ سکتے ہیں۔

 

[ساجد تاج]

اور ایک نکتہ یہ بھی ہے کہ انسان کو اسی سے تکلیف اور دکھ پہنچنے کا اندیشہ بھی زیادہ ہے جو ایک دوسرے سے زیادہ قریب ہوتے ہیں۔ اس لیے ان کے باہمی تعلقات خوش گوار رکھنا اور ایک دوسرے کو ملائے رکھنا ایک سچے مذہب کا سب سے بڑا فرض ہے، تاکہ برائیوں کا سدّباب ہو کر یہ پڑوس دوزخ کے بجائے بہشت کا نمونہ ہو۔

 

[ساجد تاج]

اسلام نے انہیں حکمتوں کو سامنے رکھ کر ہمسائیگی کے حقوق کی دفعات بنائی ہیں۔ عربوں میں دوسری قوموں سے زیادہ اسلام سے پہلے بھی پڑوس اور ہمسائیگی کے حقوق نہایت اہم تھے بلکہ عزت و افتخار کے موجب تھے۔ اگر کسی عرب کے پڑوس کے لیے بے عزتی اور عار کا موجب تھا تو اس کے لیے اس خاطر لڑنے مرنے کو وہ اپنی شرافت کا نشان سمجھتا تھا۔ اسلام نے آکر عربوں سے اس احساس کو چند ترمیموں اور اصلاحوں کے ساتھ اور زیادہ قوی کردیا۔