اہل حدیث کہلوانے والوں کا امتیاز؟

[حبیب زدران]

الحق والإنصاف أن الترجیح للشافعی فی ہذہ المسئلۃ و نحن مقلدون یجب علینا تقلید إمامنا أبی حنیفۃ واللہ أعلم

یہ کیا ہے ؟ یہاں احناف نے امام شافعی کے موقف کو قرآن وسنت کے مطابق تسلیم کرنے کے باوجود رد کردیا ہے اور امام ابو حنیفہ کی تقلید اپنے اوپر واجب کر لی ہے ۔

لہذا گزارش ہے کہ بعید از عقل دعوی نہ کریں

١۔کیا ہے؟؟ بین الروایات اپنےفہم(فقہ حنفی نہیں) کیمطابق ایک روایت کوراجح قرار دے رہے ہیں۔ اور اتباع اسکی کر رہے ہیں جو اس پر واجب ہے۔ اس میں قرآن و سنت کے خلاف آپکو کیا لگا؟

٢۔ بعید از عقل آپکا ظن ہے جو خود کو پابند کتاب و حدیث اور دیگر مسالک کو الزام خلاف قرآن و سنت دیتا ہے۔ جبکہ قرآن و سنت کے خلاف عمل کا دعوٰی احناف،شوافع،مالکیہ اور حنابلہ میں سے کسی کا نہیں۔
اب آپ سے ہمارا مطالبہ ہے کہ امتیاز بتادیں اگر ہےتو۔

 

[حبیب زدران]

بھائی! لا مذہب کا الزام بھی دیتے ہو اور اہل حدیث بھی کہتے ہو۔
ازراہ مہربانی ’لا مذہب‘ کی وضاحت کردو۔

محترم صرف دعوی کر لینے سے کچھ نہیں ہوتا۔عمل بھی کرنا پڑتا ہے۔

اگر تمہارے سامنے کوئی عیسائی کہے کہ میں مسلم ہوں اور کام وہ شرکیہ کرے تو تم اس کو مسلم مان لو گے اور کسی سچے مسلم کو کہو گے کہ وہ عیسائی تمہارے ہم پلہ ہے۔
قرآن و سنت کی بات ماننے والا لا مذہب ہو جاتا ہے کیا؟اگر تم اس کا جواب "ہاں" میں دیتے ہو تو بقول تمہارے ہمارے تمام ہم پلہ لوگ لا مذہب ہیں جس میں تم بھی ہو گے اور اگر تم اس کا جواب "نہیں" میں دیتے ہو تو پھر تم نے اہل حدیث کو لا مذہب ہونے کا الزام کیوں دیا؟

یہی تو میرا سوال ہے۔ دعوٰی میں سب برابر ہیں۔ اور عمل میں بھی ہر مسلک اپنا دلیل رکھتا ہے۔ آخروہ کونسی ایسی بات ہے جو سلفیت کو ممتاز کرتی ہے؟

ارسلان بھائی آپکا سوال ہی غلط ہے قرآن و سنت پر عمل کرنے والا لامذہب بھی ہوسکتا ہے جیسا کہ اہلحدیث اورمذہب پر کاربند مقلد بھی۔
کیا اہل حدیث لا مذہب نہیں؟ اگر لا مذہب نہیں تو انکا مذہب کیا ہے؟ اگر مذہب ہے تو اسکی تقلید کیونکر جائز ؟

 

[حبیب زدران]

یہ ابن جوزی صاحب کا صریح دھوکہ ہے دیوبندی وبریلوی حضرات کا قرآن و حدیث سے ہرگز کوئی تعلق نہیں بلکہ یہ لوگ امام ابوحنیفہ کی عبادت کرنے والے ہیں۔دیکھئے: جی ہاں! حنفی اپنے امام، ابوحنیفہ کی عبادت کرتے ہیں!!!

اسے کہتے ہیں دیوانے کی بڑ

 

[شاہد نذیر]

یہی تو میرا سوال ہے۔ دعوٰی میں سب برابر ہیں۔

آپ جھوٹ پر جھوٹ نہ بولیں۔ دعویٰ میں سب برابر نہیں ہیں ہمار دعویٰ قرآن و حدیث کا ہے اور تقلیدیوں کا دعویٰ قول امام کا ہے۔ کیا یہ یکساں دعویٰ ہے؟؟؟

 

[انس]

یہی تو میرا سوال ہے۔ دعوٰی میں سب برابر ہیں۔ اور عمل میں بھی ہر مسلک اپنا دلیل رکھتا ہے۔ آخروہ کونسی ایسی بات ہے جو سلفیت کو ممتاز کرتی ہے؟

ارسلان بھائی آپکا سوال ہی غلط ہے قرآن و سنت پر عمل کرنے والا لامذہب بھی ہوسکتا ہے جیسا کہ اہلحدیث اورمذہب پر کاربند مقلد بھی۔
کیا اہل حدیث لا مذہب نہیں؟ اگر لا مذہب نہیں تو انکا مذہب کیا ہے؟ اگر مذہب ہے تو اسکی تقلید کیونکر جائز ؟

دعویٰ کتاب وسنت کی اتباع کا تو ہر کوئی (بشمول شیعہ ومرزائی بھی) کرتا ہے۔
لیکن!!!
بعض الناس صرف اور صرف اپنے امام کی تقلید کرتے ہیں، خواہ قولِ امام کتاب وسنت کی صحیح وصریح نصوص کے خلاف ہو، وہ کتاب وسنت کی قطع برید کرکےقولِ امام کے مطابق ڈھالنے کی کوشش کرتے ہیں جسے وہ کتاب وسنت کی اتباع کا نام دیتے ہیں۔ اور اس کیلئے انہوں نے کچھ اصول بھی بنائے ہوئے ہیں۔

اور کچھ لوگ کتاب وسنت میں اپنے مطلب کے مطابق من مانی تاویلات کرکے اسے ہی کتاب وسنت باور کرا کے اس کو مانتے ہیں، گویا اپنے نفس کو اپنا معبود بنا بیٹھتے ہیں۔

جبکہ اہل الحدیث کتاب وسنت پر اس طرح عمل کرنے کی کوشش کرتے ہیں جیسے سلف صالحین (صحابہ﷢ وتابعین﷭) عمل کرتے تھے۔ ائمہ اربعہ﷭ کا منہج بھی یہی تھا۔

اگر کسی امام کی شخصی تقلید نہ کرنے کو آپ ’لا مذہبیت‘ قرار دیتے ہیں تو یہ الزام سب سے پہلے (نعوذ باللہ) صحابہ کرام﷢ اور پھر تابعین وتبع تابعین بشمول ائمہ اربعہ﷭ سب پر آتا ہے۔
اسی لئے میں نے پہلے عرض کیا کہ ’لا مذہبیت‘ کی وضاحت کر دیں۔

 

[محمد ارسلان]

یہی تو میرا سوال ہے۔ دعوٰی میں سب برابر ہیں۔ اور عمل میں بھی ہر مسلک اپنا دلیل رکھتا ہے۔ آخروہ کونسی ایسی بات ہے جو سلفیت کو ممتاز کرتی ہے؟

ارسلان بھائی آپکا سوال ہی غلط ہے قرآن و سنت پر عمل کرنے والا لامذہب بھی ہوسکتا ہے جیسا کہ اہلحدیث اورمذہب پر کاربند مقلد بھی۔
کیا اہل حدیث لا مذہب نہیں؟ اگر لا مذہب نہیں تو انکا مذہب کیا ہے؟ اگر مذہب ہے تو اسکی تقلید کیونکر جائز ؟

اگر تمہیں حنفی اور اہل حدیث کے درمیان کچھ بھی ممتاز نظر نہیں آتا تو بس پھر۔

تمہارے نزدیک اہل حدیث بھی لا مذہب ہیں اور حنفی مقلد بھی تو پھر تم کس کیٹگری میں؟شیعہ ہو،حنفی ہو،بریلوی ہو،اہل حدیث ہو کیا ہو؟

لا مذہب کی تم تعریف کرو لا مذہب ہوتا کیا ہے؟ میری نظر میں تو لا مذہب وہ ہے جس کا کوئی مذہب نہیں،لہذا اہل حدیث لا مذہب نہیں اہلحدیث کا تو مذہب ہے اور وہ مذہب اسلام ہے۔

 

[خضر حیات]

١۔کیا ہے؟؟ بین الروایات اپنےفہم(فقہ حنفی نہیں) کیمطابق ایک روایت کوراجح قرار دے رہے ہیں۔ اور اتباع اسکی کر رہے ہیں جو اس پر واجب ہے۔ اس میں قرآن و سنت کے خلاف آپکو کیا لگا؟

ایک روایت کو راجح قرار دے رہے ہیں لیکن پھر بھی اس کے خلاف عمل مرجوح پر کر رہے ہیں ۔ اور ساتھ آپ نے یہ بھی فرمادیا ہے کہ واجب یہی ہے ۔
کیا آپ پر مرجوح پر عمل کرنا واجب ہے ؟
اور یہی بات اگر صریح الفاظ میں کہی جائے کہ کیا آپ پر قرآن وسنت کی مخالفت کرنا واجب ہے ؟ تو شاید آپ برا مان جائیں گے ۔
اور ساتھ ہی ساتھ آپ نے ان پر اتباع کا بھی الزام لگادیا ہے حالانکہ خود انہوں نے واضح الفاظ میں کہا ہے کہ ہم مقلد ہیں ۔ سبحان اللہ ۔ آپ سے پہلے گزارش کی تھی کہ جناب یہاں وقت ضائع کرنے کی بجائے پہلے اپنے بزرگوں سے کچھ سیکھ لیں اور کچھ نہیں تو اسی فورم پر کچھ آپ کے ہم خیال ہیں ان سے ہی پہلے تصدیق کروالیا کریں ۔
چلو آپ کے اس باطل دعوی کو ہم جدلا تسلیم کر لیتے ہیں لیکن پھر یہ آپ کے ہی گلے پڑ جائے گا کیونکہ آپ ایک جگہ فرما چکے ہیں کہ :

اتباع کی تعریف کیا ہے ؟ کوئی مدعی اتباع بتائے گا ؟ اپنی تعریف حوالوں سے مزین کیجئے گا۔

اور اتباع کی تعریف آپ کیا کریں گے آپ کو تو سمجھانے سے بھی سمجھ نہیں آتی جیسا کہ یہاں آپ نے ایسا کیا ہے ۔
چلو آپ کے کہنے پر ہم مان لیتے ہیں کہ ہم میں قصور ہے کہ ہم آپ کو اتباع کی تعریف سمجھا نہ سکے ۔ اب ذرا آپ خود ہمت کر کے اس عقدہ کو واہ کردیں تاکہ ہم آپ سے ہی سیکھ لیں ۔ کیونکہ آپ بھی تو مدعی اتباع ہیں ۔
او راگر آپ کہیں کہ نہیں ہمارے لیے اتباع کی تعریف کے بغیر ہی اتباع کا دعوی جائز ہےتو ہم آپ سے اس دوہرے معیار کا گلہ نہیں کرتے بلک اس وجہ تفریق کی دلیل پوچھتے ہیں ؟

٢۔ بعید از عقل آپکا ظن ہے جو خود کو پابند کتاب و حدیث اور دیگر مسالک کو الزام خلاف قرآن و سنت دیتا ہے۔

مذکورہ اقتباس میں چند ایک باتوں کو بعید از عقل کہا گیا ہے ۔ مثلا
جو خود کو قرآن وسنت کا پابند قراردیتا ہے اس کا ظن بعید از عقل ہے ۔
میرے خیال سے ایسی بات کہنے والے کی عقل کے بارے میں تحقیق ضروری ہے تاکہ اگر اس کو ضرورت ہےتو اس کے اصل مقام پر پہنچا دیا جائے ۔
اس قرآن وسنت کا پابند رہنے کی تلقین قرآن وسنت میں ہے ۔ اور یہی صحابہ کرام نے کیا ہے ۔ ان کےبارے میں آپ کا کیا حکم ہے ؟
کیا آپ اپنے آپ کو قرآن سنت کا پابند نہیں سمجھتے ؟
ترکت فیکم أمرین لن تضلوا ما تمسکتم بہما کتاب اللہ وسنۃ رسولہ ۔ حدیث میں قرآن وسنت کی مخالفت کاحکم ہے یا پابندی کا حکم ہے ؟

جبکہ قرآن و سنت کے خلاف عمل کا دعوٰی احناف،شوافع،مالکیہ اور حنابلہ میں سے کسی کا نہیں۔

اس کا مطلب ہےکہ آپ قرآن وسنت کا قولی دعوی کر کے عملا جو مرضی کرتے رہیں تو وہ قرآن وسنت ہی رہے گا ؟ اگر کوئی بریلوی یا شیعہ کہہ دے کہ میں دیوبندی ہوں لیکن عملا آپ کے خلاف ہو اس کی بات کو مان لیں گے ؟ مالکم کیف تحکمون ؟ أفلا تعقلون ؟

اب آپ سے ہمارا مطالبہ ہے کہ امتیاز بتادیں اگر ہے۔

ہم آپ کو بتا سکتے ہیں ، سمجھا سکتے ہیں گھول کر پلا نہیں سکتے ۔ لہذا ہمارا قصور سمجھیں ۔

اگر یہاں کوئی ایسی بات ہوگئی ہے جو آپ کو بری لگے تو معذرت ۔ کیونکہ میں کوشش کرتا رہا ہوں لیکن آپ کی باتیں ہی ایسی تھیں کہ پھر بھی کہیں کہیں سخت الفاظ آ گئے ہیں ۔ ویسے میراخیال تو یہی ہے کہ آپ غصہ نہیں کریں گہ کیونکہ ہماری باتیں امام طحاوی رحمہ اللہ کے مقلدین کے بارے میں درج ذیل قول سے سخت نہیں ہیں :
ہل یقلد إلا عصبی أو غبی

 

[جمشید]

سخن فہمی متاع عزیز ہواکرتی ہے۔اس گرانمایہ شے کو یوں ہی ضد اوربحث کی بھینٹ نہیں چڑھاناچاہئے۔
ناچیز کی رائے میں ابن جوزی صاحب کیلئے بہترہوتاکہ وہ پہلے اتباع کیاہے تھریڈ کانتیجہ نکلنے تک اپنایہ تھریڈ موخر کردیتے۔
کیونکہ ہوسکتاہے کہ جس بحث کیلئے ابن جوزی صاحب نے تھریڈ شروع کیاہے اس کا نتیجہ یہیں نکل جائے
ابن جوزی صاحب بھی زیادہ غلط نہیں ہیں۔کیونکہ اردوفورمز پر بحث کے نتائج بہت کم ہی نکلتے ہیں کیونکہ لوگ فوراایران توران کی ہانکناشروع کردیتے ہیں۔
خداخداکرکے خضرحیات صاحب اس کا جواب دینے پر آمادہ ہوئے کہ اتباع کیاہے تواس اتباع کی تعریف طے ہونے سے پہلے رفیق طاہرصاحب نے سوال داغناشروع کردیاہے کہ پہلے تم تقلید کی تعریف کرو۔
جہاں تک حضرت شیخ الہندکے قول کا تعلق ہے۔وہ غلط نہیں ہے۔بشرطیکہ سنجیدگی سے اس پرغورکیاجائے۔
اس پر میں نے اردومجلس پرایک تحریر لکھی تھی۔ جووہاں کے منتظمیں نے شاید ڈیلیٹ کردی ہے۔جس کا مفاد بنیادی طورپر یہی تھاکہ راجح اورمرجوح میں اختلاف ہوتومرجوح پر عمل کرنا بری بات نہیں ہے۔ بلکہ انسان کرسکتاہے اورجب حالات کا تقاضاہوتوکرناچاہے بالخصوص شرعی مقاصد کا۔
حافظ ذہبی نے سیراعلام النبلاء میں ایک مقام پر لکھاہے کہ اگرکسی عالم کو اپنی رائے کے اظہار میں فتنہ کااندیشہ ہوتواپنی رائے باوجود درست ہونے کے ظاہر نہ کرے۔(مفہوم کچھ ایساہی ہے)
اس کی تائید اس سے بھی ہوتی ہے کہ حضورپاک صلی اللہ علیہ وسلم بذات خود یہ چاہتے تھے اورآپ ﷺ کی دلی منشاء تھی کہ حطیم کو خانہ کعبہ میں شامل کردیاجائے لیکن آپ صلی اللہ علیہ وسلم نے محض اس وجہ سے اس سے گریز کیاکہ قریش کے لوگ نئے نئے مسلمان ہوئے تھے کہیں وہ کسی بدگمانی کا شکار نہ ہوجائیں۔
جہاں تک تقلید کی بات ہے تو امام شاطبی جو الاعتصام اورالموافقات کے مولف ہیں اورمقاصد شریعت پر جن کی گہری نگاہ ہے۔انہوں نے بھی اپنے فتاوی مین خود کو مقلد تسلیم کرتے ہوئے امام مالک کے غیرمشہور قول پر فتوی دینے سے انکار کردیاہے۔میں اس حوالہ کوکئ مرتبہ پیش کرچکاہوں۔ یہ حوالہ اہل الرائے والے تھریڈ میں مالکیہ فقہائ کی تقلید کے تعلق سے تحریروں کے ضمن میں بھی موجود ہے۔جس کا جی چاہے وہاں جاکر دیکھ لے۔والسلام

 

[جمشید]

اس کا مطلب ہےکہ آپ قرآن وسنت کا قولی دعوی کر کے عملا جو مرضی کرتے رہیں تو وہ قرآن وسنت ہی رہے گا ؟ اگر کوئی بریلوی یا شیعہ کہہ دے کہ میں دیوبندی ہوں لیکن عملا آپ کے خلاف ہو اس کی بات کو مان لیں گے ؟ مالکم کیف تحکمون ؟ أفلا تعقلون ؟

عملاآپ بھی تویہی کررہے ہیں۔اس تھریڈ کا مقصد ہی یہ ہے کہ آپ سے پوچھاجائے کہ آپ جو خود کے عامل بالحدیث ہونےاوردوسروں کے غیرعامل بالحدیث ہونے کا دعویٰ کرتے ہیں اس کی کیاحقیقت ہے۔اس کا جواب دینے کے بجائے آپ نے تقلید کی بحث چھیڑدی ہے۔علم کے مختلف مدارج ہوتے ہیں۔ تقلید میں بھی سبھی لوگ یکساں نہیں ہیں۔صاحب موافقات خود کو مقلد کہتے ہیں۔ حالانکہ وہ آپ اورآپ کے بزرگوں سے زیادہ اعلم وافقہ ہیں۔

 

[حبیب زدران]

دعویٰ کتاب وسنت کی اتباع کا تو ہر کوئی (بشمول شیعہ ومرزائی بھی) کرتا ہے۔
لیکن!!!

انس بھائی بہتریہ ہوتا کہ آپ موضوع ک مناسبت سے جواب دیتے۔ اور اپنے امتیازی وصف کا تعین کرتے تو میرے پلے بھی کچھ پڑتا۔ اور انہی بنیادوں پر سیکھنے کی کوشش کرتا۔ لیکن میں دیکھ رہا ہوں کہ تقریبا تم اہل حدیث فرقہ سے تعلق رکھنے والے بھائی موضوع سے کترا رہے ہیں۔ اور غیر متعلق ابحاث پر تواناییاں صرف کر رہے ہیں۔
میرا اہل حدیث کو لا مذہب کہنا شاید ساتھیوں کو برا لگا ہو اس لئے بجائےجواب موضوع کے اسکی وضاحتیں مجھ سے طلب کی جا رہی ہیں۔لا مذہب سے میری مراد ایسے لوگ ہیں جو نہ مجتھدہوں اور نہ ہی مقلد۔
آپ نے کہا بعض الناس صرف اور صرف اپنے امام کی تقلید کرتے ہیں، خواہ قولِ امام کتاب وسنت کی صحیح وصریح نصوص کے خلاف ہو
ایسے بعض الناس کے ہم بھی خلاف ہیں چاہے انکے امام آئمہ اربعہ رحمہ اللہ علیہم ہوں یا ابن تیمیہ و ابن قیم رحمہ اللہ علیہم
اور کچھ لوگ کتاب وسنت میں اپنے مطلب کے مطابق من مانی تاویلات کرکے اسے ہی کتاب وسنت باور کرا کے اس کو مانتے ہیں، گویا اپنے نفس کو اپنا معبود بنا بیٹھتے ہیں۔
ان کچھ لوگوں کو ہم اہل سنت والجماعت بھی اچھا نہیں سمجھتے
جبکہ اہل الحدیث کتاب وسنت پر اس طرح عمل کرنے کی کوشش کرتے ہیں جیسے سلف صالحین
اللہ آپکی کوشش بارآور کرے۔