بریلوی مکتبہ فکر کے قراء کرام کی خدمات

[ساجد]

اَئمہ کرام کے کورس میں اوّل پوزیشن
آپ اِمام القراء تو تھے ہی لیکن اپنی علمی قابلیت کی بنا پر ۱۹۶۷ء میں جامعہ ِاسلامیہ بہاولپور سے اَئمہ کرام کے کورس میں اَوّل پوزیشن حاصل کی۔
حج بیت اللہ کی سعادت
رب ذوالجلال نے آپ کو ۱۹۷۶ء میں بعد میں ۱۹۸۶ء میں حج بیت اللہ شریف اور روضۂ اَقدسﷺ کی زیارت کا شرف نصیب فرمایا۔(دوسری مرتبہ حج بیت اللہ کے موقع پر آپ کی زوجہ محترمہ بھی آپ کے ہمراہ تھیں)

 

[ساجد]

تصانیف
آپ عالم صفت قاری تھے اور اپنے علم میں اِضافے کے لیے ہمہ وقت کوشاں رہتے فن تجوید و قراء ت کے آپ﷫ اچھے استاد تھے۔ آپ کی تصنیف’مقدمہ التجوید اور ضیاء التجوید‘ تجوید کے اِسرار و رموز پر بہترین کتابیں سمجھی جاتی ہیں۔
اَولاد
آپ کے صاحبزادگان قرآنِ پاک کے نہ صرف حافظ بلکہ زبردست قاری ہیں جن کے اَسماء یہ ہیں:
(١) صاحبزادہ قاری غلام مصطفی صاحب صدیقی﷫ (٢) صاحبزادہ قاری جمیل احمد مدنی
(٣) صاحبزادہ قاری احمد شکیل صدیقی (٤) صاحبزادہ قاری احمد عقیل صدیقی
(٥) صاحبزادہ قاری وقاص احمد صدیقی

 

[ساجد]

تلامذہ
آپ کے تلامذہ کی تعداد بہت کثیر ہے چند مشاہیر درج ذیل ہیں:
(١) قاری غلام مصطفی صدیقی (٢) قاری جمیل احمد (٣) قاری شکیل احمد صدیقی
(٤) قاری عقیل احمد صدیقی (٥) قاری محمد کرامت اللہ (٦) قاری احمد دین
(٧) قاری محمد بخش کرمی (٨) قاری محمد ریاض تونسوی (٩) قاری سید مظفر حسین شاہ بخاری
(١٠) قاری غلام عباس (١١) قاری محمد امین (١٢) قاری پیر عابد سیفی
(١٣) قاری محمد اسماعیل (١٤) قاری محمداکرم نظامی (١٥) پاکستان کے معروف قاری سید صداقت علی

 

[ساجد]

شخصی اَحوال
جمعیت علمائے پاکستان میں آپ کو ایک خاص مقام حاصل تھا۔
اَندازِ تدریس
چونکہ حضرت قاری صاحب کو مسلک اَہل سنت و جماعت حنفی بریلوی میں اِمام القراء کے نام سے یاد کیا جاتا ہے آپ ماہر فن تھے اور آپ کا شمار نامور اَساتذہ میں ہوتا تھا تو اُسی لحاظ سے آپ کا اَنداز ِتدریس بھی بہت اعلیٰ تھا۔ آپ کا تدریس کا اَنداز سادہ اور بہت جامع ہوتا تھا ہر طالب علم بآسانی آپ کی بات سمجھ جاتا تھا آپ کے اِدارہ جامعہ صدیقیہ سراج العلوم میں نماز فجر کے بعد سے لے کر رات گئے تک پڑھائی کا سلسلہ جاری رہتا تھا۔آپ مشق، حدر، تدویر، قوانین اور اِجراء وغیرہ ہر چیز پر خصوصی توجہ فرماتے تھے۔

 

[ساجد]

رِحلت
حضرت قاری صاحب﷫ نے ۱۹؍ اپریل ۱۹۹۲ء کو وفات پائی اور آپ اپنے مدرسہ جامعہ صدیقیہ سراج العلوم میں مدفون ہیں۔ قاری غلام رسول صاحب۔ قاری برخوارد سدیدی صاحب۔ قاری کرامت اللہ ۔

 

[ساجد]

شیخ القراء قاری غلام رسول صاحب لاہور

نام و نسب
آپ کا نام غلام رسول بن الحاج محمد حسین صاحب ہے۔
پیدائش
مئی ۱۹۳۱ء کو جی ٹی روڈ سلامت پورہ لاہور میں پیدا ہوئے۔
اِبتدائی تعلیم
ناظرہ اور پرائمری تک ابتدائی تعلیم آپ نے سلامت پورہ لاہور سے حاصل کی۔

 

[ساجد]

مڈل و میٹرک
مڈل و میٹرک گورنمنٹ اسلامیہ ہائی سکول گنج مغلپورہ لاہور سے کیا۔
علم تجوید و قراء ت کی تکمیل
اِبتداء میں آپ نے کچھ عرصہ استاذ القراء حضرت مولاناقاری محمد شریف صاحب سے جامعہ تجوید القرآن کندی گراں لاہور سے پڑھا اور پھر تجوید و قراء ت کا مکمل کورس اُستاذ القراء حضرت مولانا قاری عبدالمالک صاحب سے جامعہ اسلامیہ پرانی انارکلی لاہور سے مکمل کیا اور سند ِ فراغت حاصل کی۔

 

[ساجد]

درس نظامی کی تکمیل
آپ نے درس نظامی کی تکمیل جامعہ حزب الاحناف سے کی ہے۔ جامعہ حزب الاحناف میں آپ کے اساتذہ درج ذیل ہیں:
اُستاذ العلماء حضرت مولانا مفتی محمد حسین نعیمی صاحب، شیخ القرآن والحدیث حضرت مولانا حافظ محمد عالم صاحب، استاذ العلماء حضرت علامہ منور علی شاہ صاحب، استاذ العلماء حضرت مولانا سید محمود احمد رضوی صاحب، استاذ العلماء شیخ القرآن والحدیث حضرت مولانا سید ابوالبرکات شاہ صاحب۔

 

[ساجد]

فاضل عربی
آپ نے سیکنڈری ایجوکیشن بورڈ لاہور سے فاضل عربی کیا۔
مقامات تدریس
آپ نے دورۂ حدیث شریف کے دوران کچھ عرصہ جامعہ حزب الاحناف لاہور میں علم تجوید وقر اء ت پڑھایا۔ اس کے بعد آپ نے مسلسل ۱۳سال جامعہ نعیمیہ گڑھی شاہو لاہور میں علم تجوید و قراء ت کی تدریس کی اور تجوید وقراء ت کے خوب جوہر لٹائے اور تجوید و قراء ت کے طلباء اور کثیر تعداد میں شائقین نے آپ سے بھرپور استفادہ کیا۔ جامعہ نعیمیہ کے بعد آپ نے کنگ آٹو سٹور میکلوڈ روڈ لاہور کی عمارت کی ایک منزل پر تدریس کا سلسلہ شروع کیا اور عرصہ ایک سال تک وہاں پڑھایا جہاں کثیر تعداد میں طلباء او رلوگوں نے آپ سے علم تجوید و قراء ت سیکھا۔

 

[ساجد]

جامعہ تجوید القران کی صدر بازار لاہور میں تدریس
۱۹۵۹ء میں آپ نے صدر بازار لاہو رکینٹ میں اپنا ادارہ جامعہ تجوید القرآن قائم کیا اور عرصہ دراز تک وہاں بڑی محنت شاقہ سے تدریس کے فرائض سرانجام دیئے ابھی بھی مختلف اوقات میں آپ تدریس فرما رہے ہیں۔ جب آپ وہاں باقاعدہ پڑھاتے تھے تو طلباء کی کثیر تعداد ہوتی تھی اور جامعہ تجوید القرآن تجوید و قراء ت کے مثالی مدارس کی صف میں شامل تھا پورے پاکستان سے طلباء حضرت قاری صاحب کا شہرہ سن کر اس ادارہ میں تعلیم حاصل کرنے آتے تھے۔