ثقہ راوی تدلیس کیوں کرتا ہے؟

[جی مرشد جی]

مدلس راوی کے تدلیس کی جتنی وجوہات بیان کی جاتی ہیں ان کے باوجود وہ راوی ’’ثقہ‘‘ کیونکر رہتا ہے؟

 

[جی مرشد جی]

السلام علیکم ورحمۃ اللہ
حدیث متن کا نام ہے نہ کہ روات۔ روات کی پہچان صرف اس لئے ہے کہ متن محفوظ ہے کہ نہیں۔
احادیث دو طرح سے بیان ہوئی ہیں۔ ایک بلفظہ یعنی جو الفاظ رسول اللہ صلی اللہ علیہ وسلم نے ادا فرمائے بعین انہی الفاظ کے ساتھ راویوں نے اسے بیان کیا۔ یہ اعلیٰ و ارفع احادیث ہیں۔ رسول اللہ صلی اللہ علیہ وسلم کے فرامیں فقاہت میں وسعت کے حامل ہیں۔
جب حدیث بالمعنیٰ روایت ہوگی تو وہ ممکن ہے اپنی اصل سے ہٹ جائے یا معنیٰ کو محدود کردے۔
لہٰذا مدلس راوی اگر ثقہ ہے تو یہ امکان نہیں کہ وہ حدیث میں گڑ بڑ کرے گا۔ اگر ایسا ہے تو اس کا ثقہ ہونا ہی مخدوش ہے۔

 

[عمر اثری]

لہٰذا مدلس راوی اگر ثقہ ہے تو یہ امکان نہیں کہ وہ حدیث میں گڑ بڑ کرے گا۔ اگر ایسا ہے تو اس کا ثقہ ہونا ہی مخدوش ہے۔

تدریب الراوی کا مطالعہ کریں. اس میں اس تعلق سے بحث ہے

 

[نسیم احمد]

السلام علیکم
انتہائی معذرت کے ساتھ یہ سوال ہے کہ کیا تدلیس کرنا جھوٹ بولنے کے زمرے میں نہیں آتا۔
میرا اتنا علم نہیں کہ میں اس موضوع کی گہرائی میں جاسکوں لیکن ذہن میں ایک سوال آیا تھا اس لئے پوچھ لیا۔

 

[ابن داود]

السلام علیکم ورحمۃ اللہ وبرکاتہ!

انتہائی معذرت کے ساتھ یہ سوال ہے کہ کیا تدلیس کرنا جھوٹ بولنے کے زمرے میں نہیں آتا۔
میرا اتنا علم نہیں کہ میں اس موضوع کی گہرائی میں جاسکوں لیکن ذہن میں ایک سوال آیا تھا اس لئے پوچھ لیا۔

جی! علم الحدیث میں تدلیس سے جھوٹ بولنا ثابت نہیں ہوتا!
کیوں کہ وہ جوبات کہہ رہا ہے وہ درست ہے کہ ''عن فلان ''کہنا درست ہے، جھوٹ نہیں، اگر درمیان میں کوئی راوی ہو تب بھی !
یہ اسی طرح ہے کہ کسی کو اس کی بیوی بتلائے کہ فلان کے گھر لڑکا پیدا ہوا ہے اور اسی بیوی کہے کہ آپ کی والدہ نے بتلایا ہے کہ فلان کے گھر بیٹا پیدا ہوا ہے!
اور وہ شخص آگے کسی کو کہے کہ مجھے میری والدہ کے واسطے سے معلوم ہو ا ہے کہ فلان کے گھر بیٹا پیدا ہوا ہے!
اب یہاں اس شخص نے اپنی والدہ کے واسطے سے کہا ہے، جو کہ درست ہے، لیکن اس نے درمیان سے ایک واسطہ کا ذکر نہیں کیا!
لیکن جو اس نے کہا ہے کہ مجھے میری والدہ کے واسطے سے معلوم ہو اہے، درست ہے، کہ والدہ کا واسطہ تو ہے!
اور نہ اس نے اپنی بیوی کے درمیان میں واسطہ کی نفی کی ہے!
لہٰذا یہ نہیں کہا جا سکتا کہ اس شخص نے جھوٹ بولا ہے!

 

[اسحاق سلفی]

روایت حدیث میں تدلیس کا تعلق فن " مصطلح الحدیث " سے ہے ، یعنی یہ اس علم کے ائمہ کی خاص اصطلاح ہے
اس کو صرف اصول حدیث کے قواعد و قوانین کی روشنی میں سمجھا اور تسلیم کیا جائے گا ،
صرف لغت یا عرف عام کی بنیاد پر اسے جھوٹ کی ٹوکری میں نہیں ڈالا جاسکتا ،

 

[جی مرشد جی]

السلام علیکم ورحمۃ اللہ

تدریب الراوی کا مطالعہ کریں. اس میں اس تعلق سے بحث ہے

کیا اس کا لنک مل سکتا ہے؟

 

[جی مرشد جی]

السلام علیکم ورحمۃ اللہ

کیوں کہ وہ جوبات کہہ رہا ہے وہ درست ہے کہ ''عن فلان ''کہنا درست ہے، جھوٹ نہیں، اگر درمیان میں کوئی راوی ہو تب بھی !

وضاحت طلب بات یہ ہے کہ وہ بیچ میں سے ضعیف راوی کو چھوڑ رہا ہے یا راوی کے نام میں گڑ بڑ کرتا ہے وغیرہ وغیرہ۔ جو بھی وجوہات ہیں اس بھی اس پر دھوکہ دہی یا جھوٹ کا الزام کیوں نہیں آئے گا؟ صرف اس لئے کہ محدثین نے اس کو ثقہ کہا ہے؟

 

[جی مرشد جی]

السلام علیکم ورحمۃ اللہ

اس کو صرف اصول حدیث کے قواعد و قوانین کی روشنی میں سمجھا اور تسلیم کیا جائے گا ،
صرف لغت یا عرف عام کی بنیاد پر اسے جھوٹ کی ٹوکری میں نہیں ڈالا جاسکتا ،

وہ اصول اور قواعد و قوانین بتا دیں مختصراً جن سے پتہ چلے کہ دھوکہ فریب کے باوجود کوئی راوی ثقاہت پر ہی معمور رہتا ہے؟

 

[اسحاق سلفی]

وہ اصول اور قواعد و قوانین بتا دیں مختصراً جن سے پتہ چلے کہ دھوکہ فریب کے باوجود کوئی راوی ثقاہت پر ہی معمور رہتا ہے؟

اس کیلئے آپ آسان سی اصول حدیث پر کتاب (تیسیر مصطلح الحدیث )یہاں سے ڈاؤن لوڈ کرکے پڑھیں ،جسے حنفی ناشر ہی نے شائع کیا ہے ، اور درس نظامی کا حصہ ہے