جادوگر :

[محمد عامر یونس]

جادوگر :

 

[محمد عامر یونس]

جادوگر !

​

جادو ٹونہ کرنے والے کو جادوگر کہتے ہیں۔ جادو دین میں ہلاکت لانے والے کئی امور کا جامع ہے مثلا جنّوں اور شیطانوں سے مدد طلب کرنا ، غیر اللہ سے دل کا ڈرنا ، اللہ پر توکل کو چھوڑ بیٹھنا اور لوگوں کے مفادات و ذرائع معاش کو تباہ کرنے کے درپے ھونا وغیرہ یہ جادو معاشرے کی جڑیں کاٹنے اور اس کی بنیادیں گرانے والا آلہ ہے اور یہ خاندانوں میں جھگڑے و فسادات پیدا کرنے کا سبب بھی ہے ۔

فہرست :​

1 جادو گر اور شیطان
2 جادو اذن الہی کے تابع
3 جادوگر کی خصلتیں
3.1 جادو گر کا کفر
3.2 جادو گر کی حب مال
3.3 جادوگر کا لوگوں سے شرک کروانا
3.4 میاں بیوی میں جھگڑے اور اولاد کا انحراف
3.5 مال کھانا
3.6 مبتلائے شرک و کفر کرنا
4 جادوگر کی سزا
5 نواقض اسلام
6 حسد و جادو کا وبال
7 سحر زدہ مظلوم
8 مظلوم کی بد دعا
9 جادو سے بچنے کی دعائیں
9.1 دعائے ذوالنون
9.2 مصیبت سے بچاؤ کی دعاء
9.3 توبہ و استغفار
9.4 توبۂ نصوح9.5
9.5 قرب الہی آفات سے دوری
9.6 معوذتین
9.7 اواخر البقرہ اور عجوہ
10 گانا و موسیقی اور جادو
11 حوالہ جات

 

[محمد عامر یونس]

جادو گر اور شیطان

​

​

​

شیطان جادو گر کو بھڑکاتا ہے تاکہ وہ جادو کرے اور اللہ کے بندوں کو اذیت و تکلیف پہنچاۓ چنانچہ ​

اسی سلسلہ میں اللہ تعالٰی نے ارشاد فرمایا ہے​

فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ​

وہ ان سے وہ ( جادو ) سیکھتے ہیں جس کے ذریعے وہ میاں بیوی کے مابین تفریق و علیحدگی پیدا کر دیتے ہیں۔​

— ​

القرآن سورۃ البقرہ:102​

اسی طرح ارشاد الہی ہے ​

وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ​

وہ ایسی چیز ( جادو ) سیکھتے ہیں جو انہیں نقصان ہی پہنچاتا ہے انہیں کوئی فائدہ نہیں دیتا۔​

القرآن سورۃ البقرہ:102​

جاری ہے

 

[محمد عامر یونس]

جادو اذن الہی کے تابع

​

ہر جادو مسحور پر اثر انداز نہیں ھوتا کتنے ہی جادوگر ہیں کہ انھوں نے اپنی طرف سے کسی پر جادو کا بھر پور وار کیا مگر اس پر ان کے جادو کا کوئی اثر نہ ھوا ۔

ارشاد الہی ہے :

وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ

وہ کسی کو اس ( جادو ) کے ذریعے نقصان نہیں دے سکتے سواے اللہ کے حکم کے۔

— القرآن سورۃ البقرہ:102​

جبکہ نفع و نقصان تو سارے کا سارا اللہ تعالٰی ہی کے ہاتھ میں ہے جیسا کہ ( حدیث معاذ رضی اللہ عنہ میں ہے )

کہ نبی اکرم صلی اللہ علیہ و سلم نے ارشاد فرمایا :

یہ بات جان لو کہ اگر ساری امت بھی تمھیں نقصان پہنچانے کے لۓ اکٹھی ھو جاۓ تو وہ تمھیں نقصان نہیں پہنچا سکتی سواۓ اس کے جو کہ اللہ تعالٰی نے تمھارے مقدر میں لکھ رکھا ہے۔

— صحیح ترمذی سانچہ:الحدیث/ربط عنوان
​

 

[محمد عامر یونس]

جادوگر کی خصلتیں

​

جادوگر تمام لوگوں سے زیادہ خبث النفس ، طبعی طور پر سب سے بڑا فساد انگیز اور سب سے زیادہ تاریک دل والا ھوتا ہے وہ نہ صرف یہ کہ شیطان کے قریب ترین ھوتا ہے بلکہ وہ شیطان کا بجاری ، خیر و بھلائی سے راہ فرار اختیار کرنے والا ، معاشرے سے بلاوجہ انتقام لینے والا اور انتہائی بدترین خصلتوں کا حامل ھوتا ہے اور وہ اپنے پاس آنے والوں کو جعلی و خود ساختہ خبریں دے دے کر کذب بیانی و دروغ گوئی کرتا رہتا ہے ۔

نبی اکرم صلی اللہ علیہ و سلم کا ارشاد ہے :

" شیطان اس جادو گر کاہن کی زبان پر وہ جھوٹ چڑھا دیتا ہے اور وہ اس کے ساتھ مزید سو جھوٹ ملا کر بکتا چلا جاتا ہے۔ [1] "

 

[محمد عامر یونس]

جادو گر کا کفر

​

جادو گر کا سحر و جادو اس وقت تک تکمیل نہیں پاتا جب تک کہ وہ عظمت والے اللہ کے ساتھ کفر نہ کرے ۔

نبی اکرم صلی اللہ علیہ و سلم کا ارشاد ہے :

" جس نے جادو کیا اس نے شرک کیا۔ [2] "

 

[محمد عامر یونس]

جادو گر کی حب مال

​

جادو گر مال سے انتہائی محبت کرتا ہے اور اسے کمانے کے لۓ سادہ لوح لوگوں کو دھوکہ و فریب دیتا ہے ۔ جب فرعون نے جادوگروں سے مطالبہ کیا کہ وہ حضرت موسی علیہ السلام کا مقابلہ کریں تو انھوں نے بھی اس سے مال کا مطالبہ کیا تھا ۔


اللہ تعالٰی نے ان کے اس واقعہ کی خبر دیتے ھوۓ فرمایا ہے :

" جادوگر فرعون کے پاس آۓ اور کہنے لگے کہ اگر ہم غلبہ پا گۓ تو ھمیں صلہ ( مال ) عطا کیا جاۓ اس ( فرعون ) نے کہا : ہاں ( اس کے علاوہ ) تم مقربوں میں داخل کر لۓ جاؤ گے۔ [3] "

 

[محمد عامر یونس]

جادوگر کا لوگوں سے شرک کروانا

​

جادو دوسرے کے ساتھ مکربازی و فریب دہی کرتا اور انہیں شرک کی طرف دعوت دیتا ہے ۔ وہ اپنے پاس آنے والوں کو غیر اللہ کے نام جانور ذبح کرنے کا حکم دیتا ہے۔ جادو گر لوگوں کو یہ دھوکہ دیتا اور انہیں اس وھم میں مبتلا کرتا ہے کہ وہ اپنے پاس آنے والوں کے بارے میں یہ جانتا ہے کہ وہ کن امراض و بیماریوں میں مبتلا ہیں تاکہ ان کا دل اس سے جڑ جاۓ اور اپنے پاس آنے والوں کو یہ دھوکہ بھی دیتا ہے کہ وہ اس امراض و اسقام کو دور کرنے والے آیات قرآنی پر مشتمل طلسم بھی جانتا ہے ۔

 

[محمد عامر یونس]

میاں بیوی میں جھگڑے اور اولاد کا انحراف

​

جادو گر کا نقصان پورے معاشرے پر مرتب ھوتا ہے اور اس کے افعال ظلمت در ظلمت اور اندھیروں پر اندھیرے ھوتے ہیں ۔ وہ معاشرے کے کتنے ہی افراد کو شرک میں پھنسا چکے ہیں اور ان پر مصائب و مشکلات گھر آئی ہیں۔کئی سعادتمند اور ہنستے کھیلتے خاندان تتر بتر ھو کر رہ گۓ ہیں ، جادو گر نے دو پیار کرنے والے میاں بیوی میں جھگڑا و تفرقہ پیدا کر دیا ہے اور اس کے نتیجہ میں بے قصور بچے زندگی کی تلخیوں کو جکھنے پر مجبور ھو چکے ہیں اور ان کے ماں باپ کے جھگڑوں کی بناء پر وہ بچے انحراف و کجروی میں مبتلا ھو چکے ہیں ۔

 

[محمد عامر یونس]

مال کھانا

​

یہ جادو گر لوگوں کو مصائب و غموں اور پریشانیوں میں مبتلا کر دیتے ہیں ۔ کتنے ہی صحتمند و تندرست لوگ ہیں کہ جن کی بیماری کا باعث یہ جادو گر بن گۓ ہیں ۔ کتنے ہی فقیر و نادار لوگ ہیں کہ جو جادوگروں کے ہاتھوں چھنی عافیت کی بازیابی کے لۓ قرضوں کے نیچے دب گۓ ہیں اور اپنے علم غیب کے دعوے اور اپنی مزعومہ دوا کے عوض میں جادو گر کتنے ہی لوگوں کی کتنی بڑی بڑی رقمیں حرام ہڑپ کر گۓ ہیں ۔